Tula-tulando rasulu 16:19 - Muna Southern Dialect

¹⁹ Kafeompuꞌano bhatua hobhine amaitu dopandeꞌaomo lalondo, ingka gahaꞌa kaeꞌawaꞌando dhoi maitu nomiinaemo. Dadiꞌanomo dohakomo Paulus bhe Silas maka dobuluda we kadeteno daoa, doowada te wiseno sahano kota.

Tula-tulando rasulu 16:19 Referans Kwoze

Tula-tulando rasulu 21:30

Mieno kota tadohialelemo, raꞌeati tadosipumpumo. Pada dohakoe, Paulus dobulue we simbali maka lasao dosongko kosasawiꞌae fointono Lambuno Lahataꞌala.

Tula-tulando rasulu 17:6

Tamaka miina daohadaa. Miina kaowu daohada dobulu-bulumo Yason bhe bhahitie marasaeano doowada ne kabhalaꞌino kota. Dopokakei-kei ambado, “O mie mehabuno kahunggano liwu ne kosedhuniaꞌae gahaꞌa dohatomo dua ne ini!

2 Korintus 6:5

dopepeki kainsami, dotohongku kainsami, dolibu kainsami, takahadhaa moꞌosa, nentela taekamboto, nentela dua nokae oti mani;

Tula-tulando rasulu 16:16

Sepaku, nandoo takala se kasambaheaꞌa maitu tapoꞌawaꞌao seemie bhatua hobhine. Kalambe aini nopesuakie seetani sampe nopande nekona-kona so kumadhadhiaꞌano we oleo mbuhumai. Kapandeno naꞌa dokodhoianemo kafeompuꞌano.

Tula-tulando rasulu 8:3

Tamaka Saulus nokopatudhu namohansuru umati marasaeano maitu. Nopesuaki lambudo noala seꞌonue, namoꞌane nahobhine nobuluda nofopesuada weo katohongku.

Tula-tulando rasulu 15:26

Kohoduando ini dohelasimo damateꞌao neano Ompuntoomu Yesus Kristus.

Tula-tulando rasulu 14:19

Tamaka domaimo seemie hodua kamungkulaꞌindo Yahudi maiꞌaono te kotano Antiokia bhe Ikonium dowudhu mie bhahi datumai ne andoa. Paulus dobhatumbuliane kontu maka dobulue we simbalino kota, kunaꞌendomo nomatemo.

Tula-tulando rasulu 14:5

Pada aitu o mie suano Yahudi bhe miendo Yahudi doseꞌisemo bhe neangkaꞌindo. Andoa dosikoo-koomo damodee-dee rasulu hoduano maitu bhe dabhatumbulianda kontu ampa damate.

Tula-tulando rasulu 9:16

Idi amotiwohaane kabhahino kakadee-dee so nenamisino mbaꞌinomo neaku.”

Markus 13:9

Tamaka hintimiu ini posiꞌondoomu! Mada kaowu dahumakofikoomu maka dabhitahakikoomu Sahano Agama. Damepekikoomu weo lambu kasambaheaꞌa. Pakade damowakoomu ne wisendo kafeompuꞌa bhe omputo, hampano membaliomu anaguhuꞌiku. Aini seꞌise dua katolala membaliomu sakusiiku ne wisendo.

Matius 24:9

Humato anaꞌa dahumakokoomu, maka damowakoomu ne limando mie so modee-deekoomu maka damongkokoomu. Kosasawindo bansano liwu dabansikoomu mbaꞌinomo membaliomu anaguhuꞌiku.

Yakobus 2:6

Tamaka hintimiu mefekaꞌaebumoomu mie mokae, gahaꞌaitumo ingka mie hangkaea modee-deekoomu, bulukomoomu dua ne wisendo pande bhitaha.

Tula-tulando rasulu 15:22

Rasulu, kamungkulaꞌi bhe kosasawindo umati dobhotusie daeꞌondo seemie hodua ne olotando umati naꞌa so kumalano we Antiokia dasumabhangka Paulus bhe Barnabas. Maka dopilimo Silas bhe Yudas nekonando dua Barsabas. Andoa ini sanea poisaꞌando umati ne Yerusalem.

1 Timotius 6:10

Kapaꞌamo ane dofeompu ne dhoi ingka katandaꞌanomo sabhaha modaiꞌano. Nandoo mie meꞌambano dhoi sampe dopingkamo maiꞌao ne kaparasaeando maka totono lalondo dosikisaaꞌane sabhaha kasabha.

Tula-tulando rasulu 15:40

Tamaka Paulus nopilimo Silas. Andoa doposahunaꞌaandamo umati we Antiokia ne kabarakatino Ompu, pada anaꞌa dokalamo.

Tula-tulando rasulu 16:20

Dohato ne wisendo kabhalaꞌino kota maitu, dopugaumo ambado, “O miendo Yahudi ini dehabu kahungga weo kotantoomu ini!

Tula-tulando rasulu 16:25

Kafewuntaꞌino alo Paulus bhe Silas dosambaheamo bhe delagu-lagu dopudhi Lahataꞌala. Katohongku bhaindo dofetingkeda dua.

Tula-tulando rasulu 16:29

Mandeꞌaono lambu katohongku maitu nesalo kantalea maka notende we lalo, tanokahedu-hedumo nolongko notaohao sombano ne Paulus bhe Silas.

Filipi 1:30

Aitu hintimiu mealaomu dua dawu weo poewangiꞌa pototoꞌano bhe idi. Poewangiꞌa naꞌa ingka wohaeꞌomu adhalangie endefiꞌini sampe taꞌampamo aitu, pedamo nefetingkemiu itu.

1 Tesalonika 2:2

Ingka pandeꞌaaneomu dua miinaꞌo tamai te hintimiu, padamo dofodee-dee bhe dofompina-mpina kainsami we Filipi. Tamaka bhe katulumino Lahataꞌalantoomu, insaodi taokado taowaangkoomu Bhihita Metaa maiꞌaono ne Lahataꞌala, mahingga dobhahi mewangi kainsami.