Tula-tulando rasulu 16:17 - Muna Southern Dialect

¹⁷ Anoa nokaangka Paulus bhe insaodi, bhe nokei ambano, “Andoa ini katudunomo Lahataꞌala Foliuno Kuasa. Andoa dofohatoangkoomu nada amai dhalano so sumalamatiꞌaoꞌomu.”

Tula-tulando rasulu 16:17 Referans Kwoze

Yohanes 14:6

Ambano Yesus, “Idimo ini o kaangkaꞌa, meowano kabanara bhe fowaꞌaono dadi. Bhe naseemie paise bhe so humatono ne Amaku ane paise namangka ne Idi.

1 Petrus 2:16

Dadiomu peda mie bebasi, tamaka koise pakeomu kabebasi aitu somo tingkuno habu modaimiu. Dadiomu peda seemie palima-limano Lahataꞌala.

Markus 5:7

Mie aitu nokei nofekabhala-bhala, “Yesus Anano Lahataꞌala kokuasano! O ae patudhumu ne idi ini? Weo neano Lahataꞌala, koise fodee-dee kanau!”

Lukas 4:41

Dobhahi dua seetani dolimba domaiꞌao ne mie bhe dokei ambado, “Hintumo Anano Lahataꞌala.” Yesus noꞌeleꞌaanda sepaliꞌa damugau, mbaꞌinomo dopandeꞌaanemo putae Yesus Omputo Fosalamatino.

Lukas 4:34

“Haa hintu Yesus miendo Nasaret! O ae patudhumu ne insaodi ini, mai mobinasa kainsami gahaꞌa? Apandeꞌaangko hintu itu mie mongkilo maiꞌao ne Lahataꞌala.”

Lukas 1:79

naꞌumulawi mie dumadino weo kahohondo bhe mewisekino mate. Anoamo so tumonda kaita ne kaangkaꞌa humopeꞌano ne katohopono dadi.”

Tula-tulando rasulu 19:13

Nandoo dua seemie hodua bhisa miendo Yahudi dolili weo kota aitu. Andoa desoba-soba dua dosambili neano Yesus ne mie nepesuakino seetani. Ambado, “Abhatataꞌiangko weo neano Yesus nefoguhuꞌaono Paulus, limbaꞌo toha.”

Tula-tulando rasulu 18:26

Weo katangkano lalono netandakimo nofofoguhu weo lambu kasambaheaꞌa. Sadofetingkee Priskila bhe Akwila, lasao dowowoꞌoe se lambudo, maka dotalesaane dofotinda-tindaane kaangkaꞌano Ompu.

Lukas 20:21

Mie andoa maitu dofeenaemo ambado, “Guru, tapandeꞌaane sabhaha pugau bhe kafoinaꞌumu nokotuꞌu, miina poꞌala-alaanda manusia, tamaka weo kalaano lalomu fofoinaꞌuꞌao sala metaano Lahataꞌala so manusia.

Lukas 1:77

somo mohatono umatino putae Lahataꞌala namosalamatida, hampano dhosando naꞌumamponie.

Markus 12:14

Sapoꞌawando bhe Yesus dofeenamo ambado, “Guru, tapandeꞌaane nelaa lalomu. Miina koniengatia, hampano miina poꞌala-alaanda manusia, mpahinomo weo kalaano lalomu fofoinaꞌuꞌao kaangkaꞌa metaano Lahataꞌala so manusia. Weo tubhono agamantoomu naembali bhahaa datumanduao sewa ne Omputo Kaisar kaa paise? Nofaraluu tasumewa kaa paise?”

Markus 1:24

“O Yesus miendo Nasaret, o ae patudhumu ne insaodi ini? Mai mobinasa kainsami gahaꞌa? Apandeꞌaangko, Hintu itu mie mongkilono katuduno Lahataꞌala.”

Matius 22:16

Dotudumo anaguhuꞌindo dapoowa-owa bhe mieno kolaki Herodes dofeena ne Yesus ambado, “Guru, tapandeꞌaane nelaa lalomu. Weo kalaano lalomu fofoinaꞌuꞌao sala metaano Lahataꞌala so manusia. Miina koniengatia, hampano miina poꞌala-alaanda manusia.

Matius 8:29

Andoa dopokakei-kei ambado, “Anano Lahataꞌala, mai mafaꞌi kainsami gahaꞌa? Patudhumu maimo modee-dee kainsami, mahingga paeꞌo nahumato tempono?”

Lukas 8:28

Sanowoha Yesus nekei-keimo maka nosudhumo notaohao sombano bhe nopugau ampa kabhalano suahano, “O ae patudhumu ne idi ini, Yesus Anano Lahataꞌala foliuno kuasa? Aesalo mpuu koise fodee-dee kanaua.”

2 Petrus 2:2

Dabhahi mie so mangkafino podiundo nekuasaino sabhaha nafusuu modai. Hampano kafoinaꞌu bhe habundo dabhahi mie so mekaꞌaebuno Kaangkaꞌano Kabanara, ⸤ maꞌanano kaparasaea ne Kristus⸥ .