Tula-tulando rasulu 16:15 - Muna Southern Dialect

¹⁵ Pada takadiu saranie bhe kosasawindo mie weo lambuno, nosaliꞌi kainsamimo ambano, “Ane fekihi kanauꞌomu idi ini aparasaeamo mpuu ne Yesus, mai butuomu se lambuku.” Nofosuhu kainsami sampe taangkafie kamesalono.

Tula-tulando rasulu 16:15 Referans Kwoze

Tula-tulando rasulu 11:14

Anoa naꞌa namosampeangko bhihita so sumalamatiꞌao wutomu bhe kosasawindo meateno weo lambumu.’

Ibrani 13:2

Sadhia mohelasi mefotiampeomu mie tapaꞌo nepandeꞌao weo lambumiu, hampano nandoomo mefotiampeno malaꞌekati, tamaka miina damandeꞌaanea.

Tula-tulando rasulu 16:33

Kafewuntaꞌinomo dua alo naꞌa, mandeꞌaono lambuno katohongku naꞌa nowowoꞌoda maka nofewaniu lewe-leweno ulundo. Ne naꞌamo dua anoa bhe kosasawindo mie weo lambuno dokadiu saranida.

Lukas 24:29

Tamaka andoa dofosuhue ambado, “Angkamo kadeki bhe insaodi sealo itu, ingka naohondomo; oleo nomaꞌomo nasumoo.” Dadiꞌanomo nopesuamo weo lambudo nabutu ne itu.

3 Yohanes 1:8

Dadiꞌanomo intaodiomu tabeano nahumelasi lalontoomu damotiampe bhahitieꞌintoomu peda andoa itu. Nadamo aitu intaodiomu dealamo dua dawu weo foleleꞌano bhihitano kabanara.

3 Yohanes 1:5

Bhahitieku nemoasiꞌaoku! Nokampuu-mpuu lalomu weo kahadhaamu ondofao bhahitieꞌi marasaeano, mahinggamo mengkahatono.

1 Petrus 5:12

Abuhiangkoomu suha aini notulumi kanau Silwanus, anoa ini akonae dua seemie bhahitientoomu kumampuu-mpuuno weo kaparasaea. Suha aini miina naewantaa, patudhuku amekamatangka kaparasaeamiu bhe aefeꞌulaiangkoomu putae nebuhiku ini kotu-kotuꞌu nefosampe rahamati maiꞌao ne Lahataꞌala. Fintahakieꞌomu sepaliꞌa!

Filemon 1:17

Dadiꞌanomo ane kona kanau pobhaiꞌamu weo kahadhaano Ompu, suli tahimae kanggetumo tahima idi.

Filipi 1:7

Daanumo nopantasimo akoponamisi peda aini ne kosasawimiu, kapaꞌamo meateomu weo totono laloku. Hintimiu mealaomu dua dawu ne taka kawaꞌaoku ne Lahataꞌala, naetaa atitohongkumo ini, naetaa nandoo abebasi apotunduꞌao bhe afotipandeꞌao kantoono Bhihita Metaa.

Efesus 1:1

Suha aini nomaiꞌao ne idi, Paulus, rasuluno Kristus Yesus hampano kapoindalono Lahataꞌala. Apakatue so hintimiu umati mongkilono Lahataꞌala we Efesus, motangkano kaparasaea ne Kristus Yesus.

Galatia 6:10

Tinangke bhe kasalawamiu, habu metaa ne kosasawindo mie, mangke-mangkemo ne bhahitie marasaeano ne Kristus.

2 Korintus 12:11

Daanumo aembalimo bhohe, tamaka hampano sekehemi kanauꞌomu hintimiu. Sakotuꞌuꞌano tabeano mudhi kanauꞌomu, hampano mahingga miina akomaꞌa-maꞌana, miina dua amepandaa ne rasuluꞌi mangaliuno naꞌa.

2 Korintus 5:14

Kanini kaasino Kristus nowadhumpa kainsami, hampano tapandeꞌaanemo lalo mani ane seemie nomateꞌao mie bhahino, nokomaꞌana kosasawindo domatemo.

Roma 16:23

Salam dua nomaiꞌao ne Gayus. Anoamo ini motiampe kanau bhe kosasawindo umati. Salam dua nomaiꞌao ne Erastus, mintahano dhoino kota, bhe Kwartus bhahitientoomu.

2 Yohanes 1:10

Dadiꞌanomo ane bhe mie maino meowano kafoinaꞌu tapa nefoinaꞌuꞌaono Kristus, mie aitu koe tahimaeꞌomu weo lambumiu, koemo dua fendeꞌaaneomua.

Tula-tulando rasulu 18:8

Krispus mandeꞌaono lambu kasambaheaꞌa naꞌa bhe kosasawindo mie weo lambuno doparasaeamo ne Ompu Yesus. Dobhahi dua miendo Korintus metingkeno kafoguhuno Paulus doparasaea maka dokadiuda.

Tula-tulando rasulu 8:38

Mieno Etiopia maitu notududamo damofetumpu kareta kasawiꞌando. Kohoduando, Filipus bhe mieno Etiopia maitu, lasao dosampu weo oe maka Filipus nokadiuꞌe.

Tula-tulando rasulu 8:12

Tamaka aitu mie doparasaeamo ne Filipus. Anoa nefoleleanda bhihitano Kafopahintaꞌano Lahataꞌala bhe bhihitano Yesus Kristus. Namoꞌane nahobhine dokadiuda.

Lukas 14:23

Nopugaumo dua kafeompuꞌa naꞌa, ‘Kalaomu ne amai kabhongka bhe salano kaampo, fosuhudaomu mie nepoꞌawaꞌaomiu ne itu damesua, neanomo lambuku naopono!

Matius 10:41

Laꞌae metahimano seemie anabii weo lambuno mbaꞌinomo mie aitu o anabii, naeꞌawa ponambono anabii; laꞌae metahimano mie banara mbaꞌinomo mie aitu nobanara, naetahima ponambono mie banara.

Matius 3:6

Mie andoa ini dekapuna domangakuꞌao dhosando maka nokadiuda Yohanes we umeleno Yordan.

Tula-tulando rasulu 16:31

Dotobhoosimo ambado, “Parasaeamo ne Ompu Yesus! Tetewei sumalamatimo, wutomu bhe kosasawindo mie weo lambumu!”

Tula-tulando rasulu 16:34

Pada peda naꞌa nowowoꞌodamo se lambuno maka neꞌondofianda dohumaa. Kaꞌiano maka mbaꞌinomo anoa bhe kosasawindo mie weo lambuno doparasaeamo ne Lahataꞌala.