Tula-tulando rasulu 16:1 - Muna Southern Dialect

¹ Paulus nopansuhumo we kotano Derbe we Listra. Ne itu nandoo seemie mangkafino Yesus, neano Timotius. Inano miendo Yahudi, noparasaea dua ne Yesus, tamaka amano miendo Yunani.

Tula-tulando rasulu 16:1 Referans Kwoze

2 Timotius 1:5

Afeꞌulai dua kaparasaeamu kumampuu-mpuuno, tapedamo dua kaparasaeando Lois, awuamu hobhine bhe Eunike inamu. Miina apoibhahaanea, kaparasaeamo medano anaꞌa dumadino dua weo totono lalomu.

1 Tesalonika 3:2

maka tatudu bhahitie mani Timotius namai we hintimiu. Anoa ini posabhangkaꞌa mani weo kahadhaa so Lahataꞌala taefolele Bhihita Metaano Kristus. Katituduꞌano ne hintimiu, neanomo namekatangka lalomiu bhe namodhulu kamatangkano kaparasaeamiu ne Kristus.

1 Korintus 4:17

Kanandooꞌanomo atuduangkoomu Timotius, anaku timoasiꞌaono bhe kumampuu-mpuuno ne Ompu. Anoa nameꞌulaiangkoomu kodadiku peda seemie mangkafino Kristus Yesus, pedamo nefoinaꞌuꞌaoku ne kosasawindo umati ne amai maka kahatoꞌaku.

Tula-tulando rasulu 18:5

Dohato Silas bhe Timotius domaiꞌao we kadieno Makedonia, Paulus nofosibhalamo nopuga-pugau bhe miendo Yahudi. Andoa nofohatoanda putae Yesus maitu kotu-kotuꞌu Mesias, Omputo Fosalamatino.

Tula-tulando rasulu 17:14

Bhahitie marasaeano ne kota aitu lasao dotudu Paulus nakumala we wiwino teꞌi. Tamaka Silas bhe Timotius daa-daada we Berea.

2 Tesalonika 1:1

Suha aini nomaiꞌao ne insaodi Paulus, Silwanus bhe Timotius. Tapakatue so hintimiu umati we Tesalonika, umatino Lahataꞌala Amantoomu seꞌiseno bhe Ompu Yesus Kristus.

Kolose 1:1

Suha aini nomaiꞌao ne idi, Paulus, rasuluno Kristus Yesus hampano kapoindalono Lahataꞌala, bhe Timotius bhahitientoomu.

Filipi 2:19

Ane Ompu Yesus nofowaꞌao kalalesa, aposahunaꞌao paemo naomponaa atumudu Timotius namaiꞌikoomu, neanomo natilawesimo dua laloku ametingke bhihitamiu.

Roma 16:21

Salam maiꞌao ne Timotius, posabhangkaꞌaku weo kahadhaa, bhe Lukius, Yason bhe Sosipater, sanea saliwuku miendo Yahudi.

Tula-tulando rasulu 14:6

Sadopandeꞌaane patudhundo maitu, andoa dogampimo te kotano Listra bhe kotano Derbe bhe liwu-liwu pomaꞌotiꞌano, te kadieno Likaonia.

Ibrani 13:23

Naetaa mandeꞌaaneomu bhahitientoomu Timotius dofolimbaemo maiꞌao we katohongku. Ane napikihato se ini, awowoꞌoe amai we hintimiu itu.

1 Timotius 1:18

Timotius anaku, taka aini aposahunaꞌaane ne hintu, aangkafi kaowilino Lahataꞌala nefosampendo ana-anabii weo umati dopulaoꞌao hintu. Kaowili aini somo katangkaꞌaomu weo poewangiꞌamu potunduꞌao metaaꞌano.

1 Tesalonika 1:1

Suha aini nomaiꞌao ne insaodi Paulus, Silwanus bhe Timotius. Tapakatue so hintimiu umati we Tesalonika, umatino Lahataꞌala Amantoomu seꞌiseno bhe Ompu Yesus Kristus. Sio-siomo napobhaiangkoomu kabarakati bhe katohopono dadi.

Filipi 1:1

Suha aini nomaiꞌao ne insaodi Paulus bhe Timotius, palima-limano Kristus Yesus. Tapakatue so kosasawimiu umati mongkilono Lahataꞌala seꞌiseno bhe Yesus Kristus meateno we Filipi, poowa-owaomu dua bhe neangkaꞌindo bhe umondofaono umati.

Tula-tulando rasulu 19:22

Notudumo palima-limano dohodua, Timotius bhe Erastus, damaꞌindulu we Makedonia. Tamaka anoa seꞌoleo haa oleo nandoo neate we kadieno Asia.

2 Timotius 3:11

Ingka wohaemo dua kakadee-dee bhe kafoinsa-insana peda neꞌawaku we Antiokia, Ikonium bhe Listra. Kabhalano maka kakadee-dee nenamisiku naꞌa, tamaka Ompu nofosalamati kanau.

1 Tesalonika 3:6

Ampa aitu Timotius nosulimo we insaodi, neowa lele timoꞌiaꞌaono, leleno kaparasaea bhe kanini kaasimiu. Ambano dua hintimiu sadaa-daa feꞌulai metaa kainsamiomu, nokamba dua lalomiu poꞌawa kainsamiomu, pedamo dua kakambano lalo mani.

2 Korintus 1:19

Hampano Yesus Kristus, Anano Lahataꞌala, miina sepaliꞌa napoibhahaa uumbe bhe paise, Anoa tanofokoꞌuumbemo. Anoamo ini toka nefebhihitaiꞌaondo Silas, Timotius bhe wutoku ne hintimiu.

2 Korintus 1:1

Suha aini nomaiꞌao ne idi, Paulus, rasuluno Kristus Yesus hampano kapoindalono Lahataꞌala, bhe nomaiꞌao dua ne Timotius bhahitientoomu. Apakatue so umatino Lahataꞌala we Korintus bhe kosasawindo umati mongkilono we kosekaꞌewaꞌae kadieno Akaya.

1 Korintus 7:14

Kapaꞌamo moꞌane pata marasaeano naꞌa nongkilomo hampano hobhineno, pedamo dua hobhine pata marasaeano naꞌa nongkilomo hampano moꞌaneno. Ane paise ingka o anamiu sanea anaꞌi haramu, tamaka ampa aitu anamiu ingka sanea anaꞌi mongkilo.

Tula-tulando rasulu 14:21

We Derbe, Paulus bhe Barnabas defolele Bhihita Metaa sampe dobhahi mie marasaeano. Pada anaꞌa dosulimo we kotano Listra, Ikonium bhe Antiokia.

Tula-tulando rasulu 14:1

Dohato te Ikonium tanopototomo dua. O rasulu hoduano naꞌa dopesua weo lambu kasambaheaꞌando miendo Yahudi, kaꞌosano kakesano kafoguhundo sampe dobhahi sepaliꞌa miendo Yahudi bhe suano Yahudi marasaeano ne Yesus.

1 Korintus 16:10

Ane Timotius namai te hintimiu, uleiꞌeomu lalomiu keana nokateꞌi-teꞌi naeate bhe hintimiu, hampano anoa itu nokahadhaa so Ompu peda dua idi ini.

Filemon 1:1

Filemon, bhahitie timoasiꞌaono bhe sabhangka mani weo kahadhaano Ompu! Suha aini nomaiꞌao ne idi, Paulus bhe bhahitientoomu Timotius. Idi ini seemie katohongku hampano kaparasaea ne Kristus Yesus.