Tula-tulando rasulu 15:32 - Muna Southern Dialect

³² Yudas bhe Silas dotilentu dua anabii, dadiꞌanomo nompona dofoinaꞌu bhe dofekatangka lalondo bhahitieꞌi ne itu.

Tula-tulando rasulu 15:32 Referans Kwoze

Tula-tulando rasulu 11:23

Nohato we naꞌa Barnabas noꞌia sepaliꞌa nowoha kabarakatino Lahataꞌala ne andoa maitu. Anoa notangahida kosasawindo nakumampuu-mpuu lalondo damasande ne Ompu.

Tula-tulando rasulu 14:22

Ne itu dofekatangka lalondo mangkafino Yesus, dotangahida nakumampuu-mpuu lalondo weo kaparasaeando ne Yesus. Dofohatoda dua tetewei nabhahi daeꞌawa kasabha so damesuaꞌao weo Kafopahintaꞌano Lahataꞌala.

Tula-tulando rasulu 13:1

Wakutuu anaꞌa ne olotando umati marasaeano we Antiokia nandoo seemie hodua anabii bhe guru. Andoa naꞌa dokonada Barnabas, Simeon nekonando dua Niger, Lukius miendo Kirene, Menahem bhe Saulus. Menahem ini nandoo kahobuno dodambaꞌaane poowa-owa bhe kolaki Herodes.

1 Petrus 5:12

Abuhiangkoomu suha aini notulumi kanau Silwanus, anoa ini akonae dua seemie bhahitientoomu kumampuu-mpuuno weo kaparasaea. Suha aini miina naewantaa, patudhuku amekamatangka kaparasaeamiu bhe aefeꞌulaiangkoomu putae nebuhiku ini kotu-kotuꞌu nefosampe rahamati maiꞌao ne Lahataꞌala. Fintahakieꞌomu sepaliꞌa!

1 Petrus 5:10

Tamaka Lahataꞌala kamaiꞌaoꞌano sabhaha rahamati, Anoamo bhasikoomu so mealaomu dawu weo kakalabhia suhue dhamani bhe Kristus. Dadiꞌanomo namada kumadee-deeꞌomu sebantaha, Lahataꞌala namosangkamo dadimiu, namoehekoomu, namekaꞌosakoomu bhe namekamatangka kofindamiu.

1 Petrus 5:1

Nandoo kamesaloku ne kamungkulaꞌi neangkando umati. Kaebuhiꞌaku peda aini, ingka idi ini seemie dua kamungkulaꞌindo umati peda hintimiu, pakade awohaꞌao wuntano mataku kakadee-deeno Kristus. Nahumato tempono natiwoha kakalabhiano Kristus, ingka aeꞌawa dua dawu weo kakalabhiano naꞌa.

2 Timotius 4:2

mefebhihitaiꞌao bhoasaono Ompu, fopahataaꞌe lalomu, dametingkeko bhe paise, naetaa bhe pae naetaa wakutuuno, feꞌulaiandae kaꞌalando, foꞌalada bhe fekatangkae lalondo. Kosabaha tangahida bhe foinaꞌuda.

1 Timotius 2:1

Kabhao-bhaono aesalo mpuu: foampe kamesalomu, sambaheamu, katondalamu so mie bhaimu bhe katumpuno lalo ne Lahataꞌala so kosasawindo manusia.

2 Tesalonika 3:12

Mie medando anaꞌa taefeꞌulaianda bhe tatangahida weo neano Ompu Yesus Kristus, damotoho lalondo dakumahadhaa neanomo daomaa otindo wutondo.

1 Tesalonika 5:20

Koe pisakieꞌomu wambado kosuahano peda seemie anabii.

1 Tesalonika 5:14

Taesalo dua, bhahitieꞌi, mefeꞌulaiandaomu mie mantawa. Fekatangkaomu lalondo mansoteꞌino. Tulumidaomu mefaraluuno katulumi. Sabahaomu ne sabhaha mie.

1 Tesalonika 4:1

Panda-pandano bhahitieꞌi, padamo tatangahikoomu nada amai dadumadi damekaꞌia lalono Lahataꞌala. Anaꞌa daanumo habuemoomu. Tamaka aitu taesalo mpuu weo neano Ompu Yesus, nasedhuluꞌa dua kakampuu-mpuuno habumiu naꞌa.

1 Tesalonika 3:2

maka tatudu bhahitie mani Timotius namai we hintimiu. Anoa ini posabhangkaꞌa mani weo kahadhaa so Lahataꞌala taefolele Bhihita Metaano Kristus. Katituduꞌano ne hintimiu, neanomo namekatangka lalomiu bhe namodhulu kamatangkano kaparasaeamiu ne Kristus.

1 Tesalonika 2:11

Pandeꞌaaneomu podiu mani ne hintimiu seemie-seemie tapedamo seemie ama bhe anaꞌino.

Efesus 3:5

Ne dhamani wawono rahasia aini miina sepaliꞌa damotiwohae ne manusia, tamaka ampa aini nofekantaleaꞌiemo Rohino Lahataꞌala ne rasuluꞌi bhe ana-anabii mongkilono.

1 Korintus 14:32

Mie kosuahano peda anabii ingka dopooli dofewanaki so nekosuahaꞌaondo naꞌa, ⸤ nembali dua doantagi waweꞌando⸥ .

1 Korintus 14:29

Mie kosuahano peda anabii, naetaa dahodua tawa datotolu so pugauno, maka sigaoꞌano somo tumimbangino pugaundo, ⸤ bhahaꞌi natitahima bhahaꞌi paise⸥ .

1 Korintus 14:3

Tamaka laꞌae kosuahano peda anabii, nopugau ne manusia, nofofekamatangka kaparasaea, nofotangahi, bhe nofolawesi lalo.

1 Korintus 1:8

Wutono Kristus namekamatangkakoomu ampa we kafetompaino, neanomo pae kodengoomua ne oleo kahatoꞌano Ompuntoomu Yesus Kristus naꞌaa.

Roma 12:8

Meꞌawano kapooli nafotangahi, naetaa nafotangahi. Meꞌawano kapooli so nadumawu-dawuꞌao kanandoono ne mie bhaino, naetaa nahumabue weo kahelasino lalo. Meꞌawano kapooli naembali neangka, naetaa naꞌumulei lalono nadhumalangie. Meꞌawano kapooli so metulumino mie weo kasabha, naetaa nadhumalangie weo kawulano lalo.

Roma 12:6

Intaodiomu detahimamoomu kapooli seemie-seemie poꞌala-alano noposahataa bhe kadawu newaꞌaono Lahataꞌala. Dadiꞌanomo ane deꞌawa kapooli dakosuaha peda seemie anabii, tabeano dadhumalangie naposahataa bhe kaparasaeando.

Tula-tulando rasulu 20:2

Anoa noliligi kadieno Makedonia maitu bhe nobhahi katangahino nofekatangka lalondo mie marasaeano. Pada anaꞌa nopansuhu we kadieno Yunani.

Tula-tulando rasulu 18:23

Seꞌoleo haa oleo kaowu dua neate we Antiokia, nokalamo toha noangkai kadieno Galatia bhe Frigia, namekatangka lalondo kosasawindo mangkafino Yesus ne itu.

Tula-tulando rasulu 15:41

Doliligi kadieno Siria bhe Kilikia; ne itu dofekatangka kaparasaeando umati.

Tula-tulando rasulu 15:22

Rasulu, kamungkulaꞌi bhe kosasawindo umati dobhotusie daeꞌondo seemie hodua ne olotando umati naꞌa so kumalano we Antiokia dasumabhangka Paulus bhe Barnabas. Maka dopilimo Silas bhe Yudas nekonando dua Barsabas. Andoa ini sanea poisaꞌando umati ne Yerusalem.

Tula-tulando rasulu 15:1

Nandoo seemie hodua maiꞌaono we Yudea dokala we Antiokia dofoguhu bhahitieꞌi ne itu. Ambado, “Ane pae dasumunakoomu peda adhati kahunsaꞌaono Musa, pae naembalia damosalamatikoomua.”

Tula-tulando rasulu 11:27

Wakutuu anaꞌa nandoo dua seemie hodua anabii maiꞌaono we Yerusalem dohato we Antiokia.

Tula-tulando rasulu 2:40

Nandoo dua nobhahi nepugauꞌaono Petrus. Nompuu-mpuunie notangahida bhe nefeꞌulaianda ambano, “Fekakodoꞌo wutomiu ne mie modaino ini, so sumalamatiꞌaoꞌomu.”

Lukas 11:49

Dadiꞌanomo Lahataꞌala kotimbangino nokobhoasao ambano, ‘Aetudu ana-anabii bhe rasuluꞌi dakumala se andoa, sigaꞌa damongkoda bhe damodee-deeda.’

Matius 23:34

Dadiꞌanomo, amohatokoomu: mada kaowu aetuduangkoomu ana-anabii, mie kotimbangi bhe pande-pande Kitabi. Andoa maitu sigaꞌa mongkodaomu bhe kumantaidaomu te sau salipu, sigaꞌa humambisiandaomu habuta weo lambu kasambaheaꞌa, maka umamba-ambadaomu dapontaala-ala ne amai kota.

Tula-tulando rasulu 15:3

Umati marasaeano dopoangkaꞌaanda ampa we simbalino kotano Antiokia. Andoa dokala doangkai kadieno Fenisia bhe Samaria. Ne amai liwu kaangkaiꞌando detula-tulaꞌaomo bansano liwu suano Yahudi dodolimo dua ne Lahataꞌala. Bhihita anaꞌa doꞌiaꞌane bhahitieꞌi ne itu.

Tula-tulando rasulu 15:27

Dadiꞌanomo tatudumo dua Yudas bhe Silas, daetula-tulaangkoomu peda tibuhino weo suha aini.

Tula-tulando rasulu 15:31

Pada dobasae, umati doꞌia, notilawesianemo lalondo.