Tula-tulando rasulu 14:22 - Muna Southern Dialect

²² Ne itu dofekatangka lalondo mangkafino Yesus, dotangahida nakumampuu-mpuu lalondo weo kaparasaeando ne Yesus. Dofohatoda dua tetewei nabhahi daeꞌawa kasabha so damesuaꞌao weo Kafopahintaꞌano Lahataꞌala.

Tula-tulando rasulu 14:22 Referans Kwoze

1 Petrus 5:10

Tamaka Lahataꞌala kamaiꞌaoꞌano sabhaha rahamati, Anoamo bhasikoomu so mealaomu dawu weo kakalabhia suhue dhamani bhe Kristus. Dadiꞌanomo namada kumadee-deeꞌomu sebantaha, Lahataꞌala namosangkamo dadimiu, namoehekoomu, namekaꞌosakoomu bhe namekamatangka kofindamiu.

2 Timotius 3:12

Ingka daanumo kosasawindo mie dumadi lumebeno weo kaseꞌise bhe Kristus Yesus tetewei damodee-deeda.

Yohanes 16:33

Kosasawiꞌae ini afohatoangkoeꞌomu neanomo seꞌiseomu bhe Idi maka meꞌawaomu katohopono dadi. We dhunia ini meꞌawaomu kasabha, tamaka tafekatangkamo lalomiu, dhunia ataloemo.”

Roma 8:17

Ane intaodiomu dembalimo anaꞌino Lahataꞌala, nokomaꞌana dokohakumo dua daꞌumawa sabhaha kabarakati nefontaa-ntaano Lahataꞌala so anaꞌino. Kabarakati nefontaa-ntaa naꞌa datumahimaeꞌomu dapoowa-owa bhe Kristus. Kapaꞌamo ane dokadee-deeꞌomu poowa bhe Kristus, teteweimo dua dafofekalabhia poowa bhe Kristus.

Powoha 2:10

Koise moteꞌia ne kakadee-dee so neꞌawamiu! Tandaiꞌe, Kafeompuꞌando seetani naꞌumohofi seemie hodua ne olotamiu itu weo katohongku patudhuno nasumobakoomu, maka meꞌawaomu kasabha naompuluꞌa. Fintahakieꞌomu mpuu kaparasaeamiu mahingga mewisekiomu mate, maka amaꞌangkoomu dadi suhue dhamani mbali kawaꞌaondo fotalono.

Kolose 1:23

Tamaka tabeano mpuu-mpuunieꞌomu kaparasaeamiu, fekamatangkae kofindamiu. Koise nomagoeaꞌa, koise dua nogampi posahunaꞌao neꞌawamiu wakutuuno fetingkeomu Bhihita Metaa. Bhihita Metaa ainimo nefolele ne sabhaha manusia we towawano lani ini. Idimo dua ini, Paulus, katudu mefoleleno Bhihita Metaa naꞌa.

2 Timotius 1:8

Dadiꞌanomo koise moambano membali sakusiino Ompuntoomu, koe dua moambanoꞌao idi titohongkuno mbaꞌinomo Anoa Ompuntoomu. Tamaka bhe kapoolino Lahataꞌala, angkafi kanau kadee-deeꞌao Bhihita Metaa.

Tula-tulando rasulu 18:23

Seꞌoleo haa oleo kaowu dua neate we Antiokia, nokalamo toha noangkai kadieno Galatia bhe Frigia, namekatangka lalondo kosasawindo mangkafino Yesus ne itu.

Matius 10:38

Laꞌae so pata tumongkuno sau salipuno maka namangkafi kanau, pae namantasia so Idi.

Powoha 7:14

Ambaku, “Waompu, ingka hintumo mandeꞌaane!” Maka nopugau toha ambano, “Andoa ini mie lumimbano maiꞌao ne tempono kasabha bhalano, dhubando padamo dotofae ampa nopute weo heano Anano Dhumba.

2 Petrus 1:11

Nadamo naꞌa hintimiu daelengkaangkoomu kaangkaꞌa molalesa mesuaꞌomu weo kafopahintaꞌa suhue dhamani, ingka aitumo kafopahintaꞌano Yesus Kristus Ompuntoomu mosalamati kaitamo.

Tula-tulando rasulu 9:16

Idi amotiwohaane kabhahino kakadee-dee so nenamisino mbaꞌinomo neaku.”

1 Korintus 1:8

Wutono Kristus namekamatangkakoomu ampa we kafetompaino, neanomo pae kodengoomua ne oleo kahatoꞌano Ompuntoomu Yesus Kristus naꞌaa.

Tula-tulando rasulu 15:41

Doliligi kadieno Siria bhe Kilikia; ne itu dofekatangka kaparasaeando umati.

Tula-tulando rasulu 15:32

Yudas bhe Silas dotilentu dua anabii, dadiꞌanomo nompona dofoinaꞌu bhe dofekatangka lalondo bhahitieꞌi ne itu.

Lukas 24:26

Ingka Mesias Omputo Fosalamatino tetewei naenamisi kadeki kosasawiꞌae maitu so namehapiꞌao kakalabhiano.”

Matius 16:24

Pada peda maitu Yesus nopugau ne anaguhuꞌino, “Laꞌae maka so mangkafi kanau tabeano nahumunsa kafaraluuno wutono, natumongku sau salipuno ⸤ maꞌanano doꞌunda mahingga damate⸥ maka namangkafi kanau.

Tula-tulando rasulu 11:23

Nohato we naꞌa Barnabas noꞌia sepaliꞌa nowoha kabarakatino Lahataꞌala ne andoa maitu. Anoa notangahida kosasawindo nakumampuu-mpuu lalondo damasande ne Ompu.

Yohanes 15:20

Feꞌulaiꞌeomu pugauku ne hintimiu, ‘Seemie bhatua paise namoliu kafeompuꞌano.’ Ane damodee-dee kanau, tetewei dua damodee-deekoomu; ane damangkafi kafoinaꞌuku, tetewei dua damangkafi kafoinaꞌumiu.

Powoha 1:9

Idi, Yohanes o bhahitiemiu; peda hintimiu aenamisi dua kasabha, aeala dua dawu weo Kafopahintaꞌano Lahataꞌala bhe akosabaha dua apotaami aantagi kahatoꞌano Yesus. Idi doꞌoho kanau ne liwutono Patmos, hampano aefolele bhoasaono Lahataꞌala bhe kafohatono Yesus.

Yudas 1:3

Bhahitieꞌiku timoasiꞌaono! Apatudhu mpuu aebuhiangkoomu suha apuga-pugauꞌao kasalamati toka neꞌawantoomu. Tamaka aitu anamisie nofaraluu atumangahikoomu ne suha aini, so umuleiꞌomu lalomiu potunduꞌao kaparasaeamiu toka newaꞌaono Lahataꞌala ne umatino mongkilono.

1 Tesalonika 3:13

Sio-siomo dua Ompu namekatangka lalomiu, neanomo mongkiloomu bhe paise kodengo-dengoomua ne wiseno Lahataꞌala Amantoomu, ne oleo kahatoꞌano Ompuntoomu Yesus bhe kosasawindo umati mongkilono.

Tula-tulando rasulu 13:43

Dopuli kaowu dolimba, dobhahi miendo Yahudi bhe koliwuno mesuano agama Yahudi doangkafimo Paulus bhe Barnabas. Andoa dofoinaꞌuda rasulu hoduano maitu neanomo sadaa-daa dadumadi damasande ne rahamatino Lahataꞌala.

Tula-tulando rasulu 6:7

Bhoasaono Ompu Lahataꞌala sadhulu-dhulu kaꞌewa nolelea. Mie marasaeano we Yerusalem sedhuluꞌamo dua kabhahindo. Dobhahi dua imamu tumuhuno maka doparasaea ne Yesus.

Markus 10:30

Ne dhamani aini daeꞌawa moꞌono paku kabhahino: o lambu, o bhahitie, o ina, o anaꞌi bhe kaampo, tamaka daenamisi dua kafodee-dee. We dhamani mbuhumai daeꞌawa dadi suhue dhamani.

Markus 9:47

Ane ibahano matamu naehabuangko dhosa, sungkie; hampano naetaa mesua weo Kafopahintaꞌano Lahataꞌala nasembali matamu bhe daꞌumohoko weo narakaa kohaambaliꞌae matamu.

Yohanes 3:5

Ambano Yesus, “Amohatoko, kotu-kotuꞌu ane seemie pae nalumente maiꞌao ne oe bhe Rohino Lahataꞌala, pae namesua weo Kafopahintaꞌano Lahataꞌala.

Matius 19:24

Sakotuꞌuno nomuda seꞌulu kahumbau namangka ne kabhentano deu bhe mie hangkaea namesua weo Kafopahintaꞌano Lahataꞌala.”

Yohanes 15:18

“Ane dhunia dabansikoomu, tafeꞌulaimoomu ingka paꞌindulu dobansi Idi bhe hintimiu.

Tula-tulando rasulu 11:26

Setaꞌu kaomponanoa deate bhe umati marasaeano ne itu, dobhahi dua mie nefoguhundo. We Antiokia naꞌa kabhao-bhaonomo mie marasaeano ne Yesus dokonada miendo sarani.

Tula-tulando rasulu 11:29

Dadiꞌanomo mie mangkafino Yesus dobhotusiemo daetawunao dhoi ampa so nepoo-poolindo seemie-seemiea maka damakatuandae bhahitie marasaeano we Yudea.

Tula-tulando rasulu 14:20

Tamaka tangasano o mie marasaeano ne itu deehe-ehe dolibue, gahaꞌa nowanumo maka nopesua toha weo kota. Hato nomentae nokalamo we kotano Derbe nopoowa bhe Barnabas.

Tula-tulando rasulu 14:28

Ne Antiokia naꞌa Paulus bhe Barnabas nompona dua deate bhe mangkafino Yesus ne itu.

Filipi 1:29

Kapaꞌamo Lahataꞌala padamo nowaꞌangkoomu rahamati suano kaowu marasaeaꞌomu, tamaka dua menamisiomu kakadee-dee so Kristus.

1 Petrus 2:21

Dokosabaha weo kakadee-dee, ingka anaꞌamo katibhasiꞌamiu ne Lahataꞌala, kapaꞌamo wutono Kristus padamo dua nokadee-dee so hintimiu. Pedamo anaꞌa ingka nehunsaangkoomu sandaha so neangkafimiu, tumapiomu koinaꞌano.

1 Petrus 5:9

Ewangieꞌomu, ewangianeomu kaparasaea motangka. Ingka pandeꞌaaneomu kosasawindo bhahitiemiu marasaeano ne Kristus te dhunia ini, saneamo dua kumadee-deeno peda hintimiu.