Tula-tulando rasulu 14:15 - Muna Southern Dialect

¹⁵ “Alee, noafa habuꞌaoꞌomu giu aitu? Insaodi ini ingka mie melaa, kabeanga dua hintimiu! Kahatoꞌa mani ne ini tamohatoangkoomu Bhihita Metaa so humunsaꞌaoꞌomu giu tapa kofahalaaꞌano ini, neanomo dumolimoomu bhe marasaeamoomu ne Lahataꞌala dumadino. Anoamo mokonandoono o lani, o dhunia, o teꞌi bhe kosasawiꞌae iꞌino.

Tula-tulando rasulu 14:15 Referans Kwoze

Yakobus 5:17

Anabii Elia ingka o manusia melaa dua, tanopototomo bhe intaodiomu. Hampano kakampuu-mpuuno nosambahea so pae nakoꞌuseꞌao, gahaꞌa daanumo miina sepaliꞌa nakoꞌuse ampa tolu taꞌu nomo wula.

1 Korintus 8:4

Pokaiꞌano bhe humaaꞌano oti toka nepopanga ne barahala saꞌituini, ingka dopandeꞌaanemoomu sakotuꞌuꞌano miina bhe barahala ne alamu ini, dopandeꞌaanemoomu dua Lahataꞌala Kaseemie-mieꞌano, miina bhe sigaoꞌanoa.

Tula-tulando rasulu 10:26

Tamaka Petrus nofoehee ambano, “Ehe, idi ini ingka o manusia dua.”

Powoha 14:7

Anoa nokei nofekahaa-haaꞌi ambano, “Moteꞌiomu ne Lahataꞌala! Fekakalabhiaꞌomu neano! Kapaꞌamo nohatomo tempono kafobhotusiꞌano. Taohao sombamiu ne Mokonandoono lani bhe dhunia, teꞌi bhe sabhaha matano oe.”

1 Tesalonika 1:9

Mie andoa maitu detula-tulaꞌaomo kataano tahima kainsamiomu ⸤ pakamai mani⸥ te liwumiu, detula-tulaꞌaomo dua putae kukundoemoomu barahala nesombaimiu maka doliomu ne Lahataꞌala banarano dumadino, feompumoomu ne Anoa.

Efesus 4:17

Dadiꞌanomo, amohatokoomu weo neano Ompu bhe amodhagakoomu: koemo toha dadiomu peda mie tapa mandeꞌaono Lahataꞌala, mefekihino sabhaha tapa kofahalaano.

Tula-tulando rasulu 4:24

Dofetingke peda naꞌa, dosekakolalomo dofewise ne Lahataꞌala maka desalo ambado, “O Ompu, Hintumo mokonandoono lani bhe dhunia, o teꞌi bhe kosasawiꞌae iꞌindo.

Matius 16:16

Notobhoosimo Simon Petrus ambano, “Hintumo Mesias, Omputo Fosalamatino, Anano Lahataꞌala dumadino ⸤ suhue dhamani⸥ .”

Ibrani 3:12

Bhahitieꞌiku! Posiꞌondoomu, koise bhe kolalo modaino bhe tapa marasaeano ne olotamiu itu, sampe nokukundo Lahataꞌala dumadino.

1 Timotius 3:15

Tamaka ane pae apikihatoko, ingka pandeꞌaanemo nada amai tabeano dadindo mie weo polambuno Lahataꞌala, aituꞌaemo umatino Lahataꞌala dumadino. Intaodiomu umati marasaeano ini tapedamo sandi bhe kampana mekatangkanomo seꞌonu lambu, hampano dofintahaki bhe dodambaꞌao kafoinaꞌuno kabanara.

Tula-tulando rasulu 14:21

We Derbe, Paulus bhe Barnabas defolele Bhihita Metaa sampe dobhahi mie marasaeano. Pada anaꞌa dosulimo we kotano Listra, Ikonium bhe Antiokia.

Yohanes 7:18

Ane o mie nofofoinaꞌu nomaiꞌao ne fekihino wutono, mie aitu neꞌondofi kafosibhala so wutono. Tamaka mie meꞌondofino kafosibhala so Tumudue, mie aitu nelaa lalono, miina bhe modaiꞌano weo totono lalono.

Powoha 22:9

Tamaka anoa tanopugau ambano, “Koise nada itua! Idi ini palima-lima dua, nopototo bhe hintu bhe bhahitieꞌimu membalino ana-anabii bhe kosasawindo mie mangkafino sabhaha wambano kitabi aini. Taohao sombamu ne Lahataꞌala!”

Powoha 19:19

Taꞌawohamo dua kadadi ⸤ kofotuꞌano fitu pongke⸥ naꞌa bhe sabhaha omputo ne dhunia dopoowa-owa bhe tantarando, dohompu dapopahisa damewangi mie sumawino ne adhaha kapute maitu bhe tantaraꞌino.

Powoha 19:10

Idi lasao aefodapa ne aꞌeno ataohao sombaku tamaka tanopugau ambano, “Koise nada itua! Idi ini palima-lima dua nopototo bhe hintu bhe bhahitieꞌimu marasaeano mintahakino kafohatono Yesus. Taohao sombamu ne Lahataꞌala, kapaꞌamo o Rohi mekabhintino mie sampe dokosuaha peda anabii, nomaiꞌao ne kafohatono Yesus.”

Tula-tulando rasulu 27:25

Dadiꞌanomo bhahitieꞌiku, fekatangka lalomiu. O idi aparasaea ne Lahataꞌala kosasawiꞌae nakumadhadhia peda nefohatoꞌaono ne idi.

Tula-tulando rasulu 27:21

Nompona kaowu miina daomaa, noehemo Paulus ne wunta-wuntando maka nopugau ambano, “Bhahitieꞌiku, ane damangkafi katangahiku pae dahumelaomu damaiꞌao we witeno Kreta endefiꞌini, teteweimo pae daꞌumawaeꞌomua kakadee-dee bhe kahugi aini!

Tula-tulando rasulu 27:10

“Bhahitieꞌiku, afesuhuiꞌe kala-kalantoomu inia nakobalaa, daeꞌawaane kahugi bhala, suano kaowu taꞌo bhangka bhe uleano tamaka bhe inawantoomu dua.”

Tula-tulando rasulu 16:30

Kohoduando nofolimbadamo bhe nopugau ambano, “Aehabu ae bhahaa so asumalamatiꞌao?”

Tula-tulando rasulu 14:7

Ne itu defolele dua Bhihita Metaa.

Tula-tulando rasulu 13:32

Dadiꞌanomo insaodi ini tafoleleangkoomu Bhihita Metaa; maꞌanano dhandino Lahataꞌala ne awuaꞌintoomu,

Tula-tulando rasulu 7:26

Hato nomentae nowohamo dua dohodua miendo Israel dopogiha, lasao nokala noꞌontada patudhuno napometaaꞌanda. Ambano, ‘Hintimiu ini sibhahitieꞌomu, noafa gahaꞌa pogihaꞌaoꞌomu?’

Yohanes 5:26

Amano kamaiꞌaoꞌanomo dadi; pedamo dua aitu Anano nowaꞌane kuasa nembali kamaiꞌaoꞌano dadi.

Powoha 4:11

“Ompu bhe Lahataꞌala mani, Hintu nopantasi tumahima sabhaha kapudhi, kafosibhala bhe kuasa, kapaꞌamo Hintumo mokonandoono sabhaha ndumandooꞌano; kosasawiꞌae maitu donandoo bhe dofokonandooda hampano kapoindalomu.”