Tula-tulando rasulu 13:48 - Muna Southern Dialect

⁴⁸ Dofetingke anaꞌa kosasawindo mie suano Yahudi doꞌia bhe dopudhi bhoasaono Lahataꞌala; o mie nepilino Lahataꞌala so dumadino suhue dhamani doparasaeamo.

Tula-tulando rasulu 13:48 Referans Kwoze

Efesus 1:4

Mpini miinaꞌo natifokonandoo dhunia, Lahataꞌala nofopilimo noangka ne Kristus, neanomo daembali mie mongkilo bhe pata kodengono ne wiseno.

Roma 11:7

Kaowu pedamo amai? Ingka neꞌondofindo miendo Israel miina daꞌumawaea, tamaka ⸤ seendaino⸥ tipilino doꞌawaemo. We simbalino mie tipilino maitu saneamo dembali katuꞌa fotu.

Yohanes 10:16

Nandoo dua dhumbaku sigaoꞌano tapa maiꞌaono ne katondo aini. Andoa maitu tetewei dua amatoda maka datumandaiꞌe dua suahaku, dadiꞌanomo daembalimo naseguluma, dhagando naseemie.

Yohanes 11:52

Gahaꞌaitumo suano kaowu so raꞌeatino Yahudi, tamaka nomateꞌao dua kosasawindo anano Lahataꞌala tikambisano, neanomo sumuli namoꞌonuda bhe namoseꞌiseda.

Efesus 1:19

So mandeꞌaoꞌomu dua kabhibhiisano kuasano Lahataꞌala meateno weo totono lalontoomu mie marasaeano. Kuasa aini nopototo bhe kuasano kumalabhiano,

Tula-tulando rasulu 2:41

Dobhahi mie marasaeano ne pugauno Petrus, maka dokadiuda. Oleo itu umati dotitubhahi, kabhahindo dapetolu hewu.

Tula-tulando rasulu 22:10

Ambaku toha, ‘Aeafa bhahaa Ompu?’ Ambano dua Ompu, ‘Ehe, maka kala we Damsyik, ne watu damohatoangkoemo sabhaha taka nefontantuno Lahataꞌala so nekahadhaamu.’

Lukas 7:8

Kapaꞌamo idi ini bhe neangkaku dua, maka nandoo dua tantara neowaku. Ane apugau ne seemie tantara, ‘Kala!’ lasao nokala. Ane apugau ne seemieno dua, ‘Mai!’ lasao nomai. Pedamo dua aitu ane apugau ne bhatuaku, ‘Kahadhaa aini!’ lasao nokahadhaaꞌe.”

Roma 13:1

Seemie-seemie tabeano datumuhu ne pamarinta kokuasano, kapaꞌamo miina bhe pamarinta tapa mealano kapooli ne Lahataꞌala. Sabhaha pamarinta ndumandooꞌano nosangkeda Lahataꞌala.

Tula-tulando rasulu 28:23

Pada anaꞌa detempomo so dapoꞌawa-awaꞌao. Nohato tempono dobhahi sepaliꞌa maino we kabutuꞌano. Paulus nofohatoanda bhe notalesaandamo peda amai Kafopahintaꞌano Lahataꞌala notanda ne Kitabino Musa bhe Kitabindo ana-anabii. Anoa noꞌule-uleiꞌe lalono so damarasaeaꞌao ne Yesus, notanda hangkowine ampa nohondo oleo.

Tula-tulando rasulu 2:47

Sadhia dua dopudhi Lahataꞌala bhe doasianda sabhaha mie. Seꞌo-seꞌoleo Ompu nofodhulu kabhahindo mie nefosalamati.

Tula-tulando rasulu 20:13

Insaodi tapaꞌindulu we bhangka maka tahela tahope we kotano Asos. Patudhu mani tasumumpui Paulus ne naꞌa peda kaowilino, hampano anoa noangka wite.

Matius 28:16

Pada aitu anaguhuꞌino ompulu seemieno dokalamo we Galilea, te kabhawo toka nefotantuno endefiꞌini.

2 Tesalonika 3:1

Panda-pandano bhahitieꞌi, sambahea kainsamiomu, sio-siomo bhoasaono Ompu naehimba nalumele bhe datumahima metaaꞌe, peda ne hintimiu.

1 Korintus 16:15

Bhahitieꞌiku, tasehonda dua kamesaloku. Ingka pandeꞌaaneomu Stefanus bhe polambuno; andoamo mie kabhao-bhaono marasaeano we Akaya, dokahadhaa sampuu-mpuuno lalondo doꞌondofao umati marasaeano sigaoꞌano.

Tula-tulando rasulu 15:31

Pada dobasae, umati doꞌia, notilawesianemo lalondo.

Tula-tulando rasulu 15:2

Tamaka Paulus bhe Barnabas doewangi bhe dotagali sepaliꞌa fekihindo maitu. Panda-pandano dobhotusiemo peda aini: Paulus bhe Barnabas bhe seemie hodua mie marasaeano ne itu dakumala dapoꞌawaꞌao rasulu sigaoꞌano bhe kamungkulaꞌi we Yerusalem so dapugau-gauꞌao kasabha netompaloindo naꞌa.

Tula-tulando rasulu 13:42

Tangasano dolimba domaiꞌao weo lambu kasambaheaꞌa, o mie desalomo Paulus bhe Barnabas damoguhuda toha nahumato oleono Sabat te wise, peda kafoguhu nefetingkendo saꞌituini.

Tula-tulando rasulu 8:8

Dadiꞌanomo kaꞌiando maka miendo kota aitu.

Matius 25:46

Andoa ini damesua weo kakadee-dee suhue dhamani, tamaka mie banara daeꞌawa dadi suhue dhamani.”

Tula-tulando rasulu 13:12

Nowoha kadhadhia aitu, o gubernur lasao noparasaea bhe nomenteꞌao kafoguhu maiꞌaono ne Ompu.

Roma 8:28

Ingka dopandeꞌaanemo, ne kadhadhia ae maka dua Lahataꞌala nokahadhaa so kaetaaꞌano mie moasiane, mie toka nebhasino posahataa bhe patudhuno.

Efesus 1:5

Hampano kanini kaasino, Lahataꞌala tokamo nofotantue wawo, putae namangka ne Yesus Kristus intaodiomu nasumangke kaita dembaliomu anaꞌino. Ingka pedamo naꞌa kapoindalono bhe patudhuno.

Efesus 1:11

Lahataꞌala nofokonandoo bhahi-bhahiꞌae noposahataa bhe kapoindalono bhe patudhuno Wutono. Mpini kabhao-bhaono nofopilimo bhe tokamo nofotantue daembali umatino hampano kaseꞌisentoomu bhe Kristus.