Tula-tulando rasulu 13:46 - Muna Southern Dialect

⁴⁶ Tamaka Paulus bhe Barnabas notangka lalondo. Ambado, “Anoamo, sakotuꞌuno hintimiumo maꞌindulu metingkeno bhoasaono Lahataꞌala. Tamaka bansieꞌomu, pakade abhiomu wutomiu pae mantasiomua metahimaomu dadi suhue dhamani. Dadiꞌanomo tadolimo ne bansano liwu suano Yahudi.

Tula-tulando rasulu 13:46 Referans Kwoze

Tula-tulando rasulu 28:28

Dadiꞌanomo tabeano mandeꞌaaneomu putae kasalamati maiꞌaono ne Lahataꞌala ini damohatoandae bansano liwu sigaoꞌano suano Yahudi maka andoamo so metingkee.”

Tula-tulando rasulu 26:20

Mentalea-mentalea afohatoda, o mie tabeano dametompaꞌao podiu modaindo maka dadumoli ne Lahataꞌala. Pakade daehabu podiu posahataaꞌano bhe fetompando maitu. Nepugauꞌaoku ini kabhao-bhaono afohato miendo Yahudi we kotano Damsyik maka we Yerusalem bhe kosekaꞌewaꞌae kadieno Yudea. Pada anaꞌa afohatomo dua mie suano Yahudi.

Matius 21:43

Dadiꞌanomo, amohatokoomu, hakumiu weo Kafopahintaꞌano Lahataꞌala namalae Lahataꞌala, maka namaꞌandae bansano liwu sigaoꞌano so dhumalangino pahintano.

Tula-tulando rasulu 3:26

Dadiꞌanomo Lahataꞌala nofoehemo palima-limano, maka notudue wawo ne hintimiu neowaangkoomu kabarakati. Kabarakati anaꞌa, maꞌanano Anoamo so matokoomu metompaꞌaoꞌomu sabhaha podiu modaimiu seemie-seemie.”

Roma 2:10

Tamaka sasuka mie humabu metaano daeꞌawa kakalabhia, kafosibhala bhe katohopono dadi maiꞌao ne Lahataꞌala, natumanda ne miendo Yahudi, bhe bansano liwu sigaoꞌano dua.

Roma 1:16

Miina aoambanoanea Bhihita Metaa, hampano aini o kuasanomo Lahataꞌala mosalamatino sabhaha mie marasaeano, kabhao-bhaono miendo Yahudi maka bansano liwu sigaoꞌano dua.

Tula-tulando rasulu 22:21

Tamaka ambano Ompu, ‘Kalamo, kapaꞌamo atumuduko we kodoꞌoꞌano, we liwundo mie suano Yahudi.’ ”

Tula-tulando rasulu 13:26

Bhahitieꞌiku, naetaa sampuꞌano Abraham naetaa sigaoꞌano moteꞌino ne Lahataꞌala, bhihita kasalamatiꞌa ini padamo dofofohatoane.

Yohanes 1:11

Anoa nohato ne liwuno wutono, tamaka saliwuno miina datumahimaea.

Tula-tulando rasulu 7:51

⸤ Ambano toha Stefanus,⸥ “Hintimiu katuꞌa fotu! Lalomiu miina naongkiloa. Tingalamiu nopoꞌopi. Hintimiu sadhia ewangiomu Rohino Lahataꞌala, nopototo bhe awuaꞌimiu!

Lukas 24:47

Nandoo dua notibuhi: weo neano Omputo Fosalamatino daefolele bhihita ne sabhaha bansano liwu putae dametompaꞌao dhosando maka Lahataꞌala naꞌumamponida. Bhihita anaꞌa damolelee natumanda we Yerusalem.

Filipi 1:14

Mbaꞌinomo dotohongku kanau, dobhahi dua bhahitie marasaeano ne kota ini sedhuluꞌa kamatangkano kaparasaeando ne Ompu, sampe sedhuluꞌa dua kakadondo, miinamo dakateꞌi-teꞌia defolele bhoasaono Lahataꞌala.

Tula-tulando rasulu 13:14

Domaiꞌao we Perga, dopansuhu te Antiokia te kadieno Pisidia. Ne oleono Sabat dokala se lambu kasambaheaꞌa maka dengkoha ne itu.

Tula-tulando rasulu 13:5

Sahatondo we kotano Salamis, defolelemo bhoasaono Lahataꞌala ne lambu kasambaheaꞌando miendo Yahudi. Yohanes nosabhangkada mbali kahambado.

Tula-tulando rasulu 4:13

Dowoha katangkano lalondo Petrus bhe Yohanes, kamungkulaꞌi Sahano Agama maitu tadomente, kapaꞌamo dopandeꞌaanda andoa maitu mie ndidiki pata kokasikolano. Gahaꞌa dopandeꞌaomo lalondo ingka andoa mie mangkafino Yesus.

Yohanes 4:22

Hintimiu ⸤ miendo Samaria⸥ sombaiꞌomu tapa nepandeꞌaomiu, insaodi ⸤ miendo Yahudi⸥ tasombai nepandeꞌao mani, kapaꞌamo kasalamati noangka ne miendo Yahudi.

Matius 10:6

Tamaka kalaomu ne umatino Israel kolilinono tapedamo dhumba.

Ibrani 11:34

depeoni hendeno efi mobhibhiisa. Andoa dolapa ne matano kampue, kanalendo nembali kaꞌosando, andoa doꞌosa weo popahisaꞌa sampe dotalo tagu-taguando tantarando koliwuno.

Matius 21:41

Dotobhoosie ambado, “Mie modai naꞌa namongkoda. Kaampono naeponamboane dua mie sigaoꞌano so maꞌane dawuno nahumato tempono foꞌonuꞌano pehapi.”

Matius 25:46

Andoa ini damesua weo kakadee-dee suhue dhamani, tamaka mie banara daeꞌawa dadi suhue dhamani.”

Tula-tulando rasulu 9:20

Lasao dua nopesua weo lambu-lambu kasambaheaꞌa nefebhihitaiꞌao putae Yesus Anano Lahataꞌala.

Tula-tulando rasulu 19:9

Tamaka nandoo dua seemie hodua katuꞌa fotu. Andoa ini dongahe damarasaea, bhahaa tadofekandidiki kaangkaꞌano Ompu maitu ne wisendo mie bhahi. Kanandooꞌanomo Paulus nohunsadamo. O mie mangkafino Yesus nogaatida maka seꞌo-seꞌoleo nofoinaꞌuda weo boloku kapoguhuꞌano Tiranus.