Tula-tulando rasulu 13:39 - Muna Southern Dialect

³⁹ Tabeano mandeꞌaaneomu dua weo neano Yesus ini kosasawindo marasaeano ne Anoa natiꞌamponi dhosando maka natumahimada Lahataꞌala peda mie banara. Aini suano nepoolino tubhono agama Yahudi.

Tula-tulando rasulu 13:39 Referans Kwoze

Galatia 2:16

Mahinggamo peda anaꞌa, tapandeꞌaanemo o manusia notahimae Lahataꞌala peda mie banara mpahinomo hampano noparasaea ne Yesus Kristus, suano mbaꞌinomo nodhalangi tubhono agama Yahudi. Dadiꞌanomo insaodi dua taparasaeamo ne Yesus Kristus, neanomo weo kaparasaea mani maitu naembali natumahima kainsami Lahataꞌala peda mie banara, suano mbaꞌinomo taangkafi tubhono agama. Kapaꞌamo bhe naseemie miina bhe netahimano Lahataꞌala peda mie banara mbaꞌinomo nodhalangi tubhono agama Yahudi.

Roma 10:4

Kristus nofekakoꞌulamo kosasawiꞌae tubhono agama Yahudi, neanomo kotika marasaeano ne Anoa natumahimada Lahataꞌala peda mie banara.

Roma 8:3

O ae pata nepoolino tubhono agama Yahudi, hampano kanaleno mbadha kamanusia, padamo nohabue Lahataꞌala. Lahataꞌala notudu Anano wutono ⸤ nomai we dhunia ini⸥ nokatu mbadha kodhosa nembali kapopanga metolosino dhosa. Pedamo anaꞌa Lahataꞌala nohukumu dhosa nepake mbadha kamanusia.

Ibrani 7:19

Tubhono agama Yahudi naꞌa miina naeowa dadi sumangka ne laꞌae maka dua, kanandooꞌanomo dowaꞌa kaita posahunaꞌao sedhuluꞌano kataa. Hampano posahunaꞌao anaꞌa nembalimo domaꞌotiomu Lahataꞌala.

Roma 10:10

Kapaꞌamo manusia doparasaeaꞌao totono lalondo sampe notahimada Lahataꞌala peda mie banara, bhe dopugauꞌao wiwindo sampe dosalamati.

Roma 8:1

Dadiꞌanomo ampa aitu mie seꞌiseno bhe Kristus Yesus paemo dahumukumudaa.

Roma 4:15

Tubhono agama Yahudi neowa amahano Lahataꞌala, tamaka ane pae bhe tubhono agama, pae dua bhe nekangkalaꞌia.

Roma 3:19

Tamaka dopandeꞌaaneomu bhahi-bhahiꞌae tibuhino weo Kitabino tubhono agama Yahudi mbali mie dumadino weo tubhono agama naꞌa. Pedamo anaꞌa kosasawindo manusia paemo dakowobhaa ⸤ dapotunduꞌao wutondo ne wiseno Lahataꞌala⸥ , kapaꞌamo kosedhuniaꞌae ini nabhotusie Lahataꞌala.

Roma 5:20

Katifosampuꞌano tubhono agama Yahudi, neanomo manusia damandeꞌao lalondo putae kaꞌalando dhulu kabhahi. Ampamo kaowu sedhuluꞌa kabhahino kaꞌalando manusia, sedhuluꞌa dua kapontalabhi-labhino rahamatino Lahataꞌala.

Roma 5:9

Aitu intaodiomu nofotahimamo Lahataꞌala peda mie banara hampano tuhuno heano Kristus, maka teteweimo dua mada kaowu dasumalamati maiꞌao ne amahano Lahataꞌala hampano Kristus.

Yohanes 1:17

Tubhono agama Yahudi dotahimaeꞌomu ne anabii Musa, tamaka kanini kaasi bhe kabanara notiwoha ne Yesus Kristus.

Ibrani 10:11

Seemie-seemie imamuno agama Yahudi nodhalangi takano seꞌo-seꞌoleo bhe tanofendu-fenduamo nefoampe kapopanga. Tamaka kapopanga naꞌa pae bhe kapoolia naetolosi dhosa.

Ibrani 10:4

Kapaꞌamo heano sapi bhe heano membe ingka pae bhe kapoolia naetolosi dhosa.

Roma 5:1

Dadiꞌanomo, hampano Lahataꞌala notahima kaitaomu peda mie banara mbaꞌinomo kaparasaeantoomu, maka ampa aitu intaodiomu dopometaamoomu bhe Lahataꞌala, noangka ne Yesus Kristus Ompuntoomu.

Roma 4:24

tamaka notibuhi so intaodiomu dua. Ingka intaodiomu nafotahima dua Lahataꞌala peda mie banara, hampano doparasaeaꞌomu ne Anoa mowanuno Yesus Ompuntoomu maiꞌao ne mate.

Tula-tulando rasulu 10:43

Anoamo ini nepulaoꞌaondo kosasawindo anabii putae ane damarasaea ne Anoa natiꞌamponi dhosando hampano kuasano neano.”

Galatia 5:3

Amenduaꞌe toha, sasuka mie mesalono dasumunae, tetewei nadhumalangie kosasawiꞌae tubhono agama Yahudi.

Galatia 3:8

Weo Kitabi mpini endefiꞌini notipandeꞌaomo, putae Lahataꞌala notahima dua mie suano Yahudi peda mie banara hampano kaparasaeando ne Anoa. Kapaꞌamo nandoo Bhihita Metaa nefosampeno wawo ne Abraham, ambano, “Namangka ne hintu, sabhaha bansano liwu daeꞌawa kabarakati.”

Galatia 2:19

Miinamo bhe potaiꞌakua bhe tubhono agama Yahudi, kanggetu amatemo. Nofekamate kanaumo tubhono agama maitu. Dadiꞌanomo amatemo so tubhono agama Yahudi, neanomo adumadi so Lahataꞌala. Wakutuuno Kristus dokantaiꞌe te sau salipu, kao-kaomo o idi dokantai kanau dua.

1 Korintus 6:11

Ingka seemie hodua ne hintimiu dohabu dua peda anaꞌa endefiꞌini, tamaka ampa aitu padamo dofekanggelaꞌikoomu, padamo dofekangkilokoomu, padamo dua dopometaaꞌangkoomu bhe Lahataꞌala, noangka ne Ompu Yesus Kristus bhe Rohino Lahataꞌalantoomu.

Roma 9:31

Nopobhansule bhe miendo Yahudi, mahingga sadhia doꞌulei lalondo doangkafi tubhono agama so datitahimaꞌao peda mie banara ne Lahataꞌala, gahaꞌaitu miina natosampe patudhundo.

Yohanes 5:24

Amohatokoomu, kotu-kotuꞌu sasuka metingkeno wambaku bhe marasaeano ne Tumudu kanau, ingka neꞌawamo dadi suhue dhamani. Paise naeꞌawa kahukumu, kapaꞌamo nogampimo maiꞌao ne mate nopesuamo weo dadi.

Lukas 18:14

Amohatokoomu, mie mealano sewa ini nosuli se lambuno nembalimo mie banara ne wiseno Lahataꞌala, tamaka seemieno miina. Kapaꞌamo sasuka mekalangkeno wutono namekapandae Ompu, sasuka mekapandano wutono namekalangkee.”

Lukas 10:28

Ambano Yesus, “Ingka anoamo katobhoosimu itu, angkafimo aitu maka tetewei dumadi.”

Lukas 10:25

Sewakutuu noehemo seemie pande Kitabi nomansoꞌalai Yesus. Ambano, “Guru, aeafa so aeꞌawaꞌao dadi suhue dhamani?”

Roma 3:20

Hampano bhe naseemie miina bhe netahimano Lahataꞌala peda mie banara mbaꞌinomo nodhalangi tubhono agama Yahudi; tamaka hampano nandoo tubhono agama maitu manusia dopandeꞌao wutondo dokodhosa.