Tula-tulando rasulu 13:32 - Muna Southern Dialect

³² Dadiꞌanomo insaodi ini tafoleleangkoomu Bhihita Metaa; maꞌanano dhandino Lahataꞌala ne awuaꞌintoomu,

Tula-tulando rasulu 13:32 Referans Kwoze

Roma 4:13

Lahataꞌala nopodhandi ne Abraham bhe sampuꞌano namaꞌanda dhunia ini somo fehebuaꞌando. Dhandi aini nobhoasaane Lahataꞌala suano mbaꞌinomo Abraham noangkafi tubhono agama Yahudi, tamaka hampano kaparasaeano, sampe Lahataꞌala notahimae peda seemie banara.

Tula-tulando rasulu 26:6

Aini dobhitahaki kanaumo mbaꞌinomo afintahaki dhandino Lahataꞌala ne awuaꞌintoomu.

Roma 9:4

Andoa ini umatino Israel, padamo nosangkeda Lahataꞌala mbali anaꞌino, nofotiwohaanda kakalabhiano, padamo nehabu podhandiꞌa bhe andoa, nowaꞌanda tubhono agama, padamo nofohatoda nada amai dasumambahea bhe nowaꞌanda dua sabhaha dhandino.

Tula-tulando rasulu 13:38

Dadiꞌanomo bhahitieꞌiku tabeano mandeꞌaaneomu! Bhihita katiꞌamponiꞌano dhosa ini dofohatoangkoemoomu hampano Yesus ini.

Roma 10:15

Nada amai dua daefolele bhihita ane pae bhe fotuduno dakumala? Noposahataa bhe tibuhino weo Kitabi peda aini, “Nokesa mpuu hatondo mie mefoleleno Bhihita Metaa.”

Tula-tulando rasulu 5:42

Andoa miina dametumpua dofofoguhu weo Lambuno Lahataꞌala bhe ne lambudo mie. Seꞌo-seꞌoleo defolele Bhihita Metaa putae Yesus maitu Omputo Fosalamatino.

Tula-tulando rasulu 3:19

Dadiꞌanomo dolimoomu ne Lahataꞌala, fetompaanemoomu dhosamiu, neanomo dhosamiu namekanggelaꞌiemo.

Lukas 2:10

Nopugaumo malaꞌekati anaꞌa ambano, “Koise moteꞌiomua, kapaꞌamo amohatoangkoomu bhihita metaa, so kaowulaꞌano lalondo kosasawindo mie.

Lukas 1:19

Notobhoosimo malaꞌekati anaꞌa ambano, “Idimo ini Gabriel, palima-limano Lahataꞌala, notudu kanau apotula-tulaangko, amohatoangko bhihita metaa ini.

Tula-tulando rasulu 10:36

Ingka pandeꞌaanemoomu bhihita nefosampeno Lahataꞌala ne miendo Israel. Bhihita metaa naꞌa nofofohatoꞌao pometaaꞌano manusia bhe Lahataꞌala neowano Yesus Kristus, Ompundo kosasawindo manusia.

Tula-tulando rasulu 13:23

Nomaiꞌaomo ne sampuꞌano Daud ini, Lahataꞌala nofoehemo Omputo Fosalamatino mbali miendo Israel, noposahataa bhe dhandino. Anoamo naꞌa koneaꞌano Yesus.

Tula-tulando rasulu 14:15

“Alee, noafa habuꞌaoꞌomu giu aitu? Insaodi ini ingka mie melaa, kabeanga dua hintimiu! Kahatoꞌa mani ne ini tamohatoangkoomu Bhihita Metaa so humunsaꞌaoꞌomu giu tapa kofahalaaꞌano ini, neanomo dumolimoomu bhe marasaeamoomu ne Lahataꞌala dumadino. Anoamo mokonandoono o lani, o dhunia, o teꞌi bhe kosasawiꞌae iꞌino.

Roma 1:2

Bhihita Metaa aini toka nofodhandiane Lahataꞌala mpini wawono noangka ne suahando ana-anabiino tibuhino weo Kitabi.