Tula-tulando rasulu 13:26 - Muna Southern Dialect

²⁶ Bhahitieꞌiku, naetaa sampuꞌano Abraham naetaa sigaoꞌano moteꞌino ne Lahataꞌala, bhihita kasalamatiꞌa ini padamo dofofohatoane.

Tula-tulando rasulu 13:26 Referans Kwoze

Kolose 1:5

Katangkaꞌanomo kaparasaeamiu naꞌa bhe kanini kaasimiu ne mie bhaimiu, hampano kaposahunaꞌao umawaomu nefontaa-ntaano Lahataꞌala te surugaa. Kaposahunaꞌao ini ingka tokamo fetingkeeꞌomu wakutuuno dofohatoangkoomu bhoasao banarano, maꞌanano o Bhihita Metaa.

Efesus 1:13

Hintimiu dua membalimoomu umatino Lahataꞌala, wakutuuno fetingkeomu bhihitano kabanara, maꞌanano Bhihita Metaa meowaangkoomu kasalamati. Hampano kaparasaeamiu ne Kristus, Lahataꞌala nowaꞌangkomoomu Rohino toka nedhandiꞌaono. Rohino naꞌa katandainomo membalimoomu fehebuaꞌano Lahataꞌala.

Roma 1:16

Miina aoambanoanea Bhihita Metaa, hampano aini o kuasanomo Lahataꞌala mosalamatino sabhaha mie marasaeano, kabhao-bhaono miendo Yahudi maka bansano liwu sigaoꞌano dua.

Lukas 1:77

somo mohatono umatino putae Lahataꞌala namosalamatida, hampano dhosando naꞌumamponie.

Lukas 1:69

Anoa nefoehe seemie fosalamatino kokuasano, nomaiꞌao ne sampuꞌano omputo Daud palima-limano.

Tula-tulando rasulu 13:46

Tamaka Paulus bhe Barnabas notangka lalondo. Ambado, “Anoamo, sakotuꞌuno hintimiumo maꞌindulu metingkeno bhoasaono Lahataꞌala. Tamaka bansieꞌomu, pakade abhiomu wutomiu pae mantasiomua metahimaomu dadi suhue dhamani. Dadiꞌanomo tadolimo ne bansano liwu suano Yahudi.

Tula-tulando rasulu 13:43

Dopuli kaowu dolimba, dobhahi miendo Yahudi bhe koliwuno mesuano agama Yahudi doangkafimo Paulus bhe Barnabas. Andoa dofoinaꞌuda rasulu hoduano maitu neanomo sadaa-daa dadumadi damasande ne rahamatino Lahataꞌala.

Tula-tulando rasulu 10:35

Mieno liwu ae maka, mahingga Yahudi mahingga suano Yahudi, sumanomo noteꞌi ne Lahataꞌala bhe nehabu metaaꞌano, tetewei natumahimae Lahataꞌala.

Tula-tulando rasulu 5:20

Ambano malaꞌekati naꞌa, “Kala meehe-eheomu we Lambuno Lahataꞌala maka foleleomu bhihitano dadi buꞌou ini ne mie bhahi.”

Tula-tulando rasulu 4:12

Ampamo kaowu Yesus fosalamatino, kapaꞌamo te dhunia ini we simbalino Anoa bhe naseemie miina bhe meꞌawano kuasa maiꞌaono ne Lahataꞌala so nafofosalamatiꞌao.”

Lukas 24:47

Nandoo dua notibuhi: weo neano Omputo Fosalamatino daefolele bhihita ne sabhaha bansano liwu putae dametompaꞌao dhosando maka Lahataꞌala naꞌumamponida. Bhihita anaꞌa damolelee natumanda we Yerusalem.

Matius 10:6

Tamaka kalaomu ne umatino Israel kolilinono tapedamo dhumba.

Matius 3:9

Koise nokofekihi we lalomiu, ‘Ingka insaodi ini sampuꞌano Abraham, ⸤ tetewei tasumalamati⸥ ’. Kapaꞌamo Lahataꞌala nokokuasa naefokonandoo sampuꞌano Abraham mahinggamo namaiꞌao ne kontu ini.

Tula-tulando rasulu 16:17

Anoa nokaangka Paulus bhe insaodi, bhe nokei ambano, “Andoa ini katudunomo Lahataꞌala Foliuno Kuasa. Andoa dofohatoangkoomu nada amai dhalano so sumalamatiꞌaoꞌomu.”

Tula-tulando rasulu 3:26

Dadiꞌanomo Lahataꞌala nofoehemo palima-limano, maka notudue wawo ne hintimiu neowaangkoomu kabarakati. Kabarakati anaꞌa, maꞌanano Anoamo so matokoomu metompaꞌaoꞌomu sabhaha podiu modaimiu seemie-seemie.”

Tula-tulando rasulu 28:28

Dadiꞌanomo tabeano mandeꞌaaneomu putae kasalamati maiꞌaono ne Lahataꞌala ini damohatoandae bansano liwu sigaoꞌano suano Yahudi maka andoamo so metingkee.”

Yohanes 6:68

Notobhoosimo Simon Petrus ambano, “Waompu, takumala se laꞌae bhahaa? Wambamumo meowano dadi suhue dhamani.

Tula-tulando rasulu 10:2

Anoa ini mie lumebe, koseꞌonu lambudo doteꞌi ne Lahataꞌala. Anoa nobhahi pakuno netulumi miendo Yahudi mokaeno bhe sadhia dua nosambahea ne Lahataꞌala.

Tula-tulando rasulu 22:5

Kabanarano pugauku ini naembali dasumakusiiꞌane Imamu Bhalano bhe Sahano kamungkulaꞌi. Andoa ini dowaꞌa kanau suha so miendo Yahudi we kotano Damsyik. Padamo dua akala we naꞌa patudhuku ahumakofi mie mangkafino Yesus ne kota aitu maka aowada we Yerusalem damodee-deeda.