Tula-tulando rasulu 13:15 - Muna Southern Dialect

¹⁵ Pada dobasa Kitabino Musa bhe Kitabindo ana-anabii, mie mandeꞌaono lambu kasambaheaꞌa dotudumo mie dameena ne Paulus bhe sabhangkaꞌino. Ambado, “Bhahitieꞌi, ane bhe kafoinaꞌu so kalawesino lalondo umati naembalimo damosampeea.”

Tula-tulando rasulu 13:15 Referans Kwoze

Ibrani 13:22

Bhahitieꞌiku, aesalo mpuu sabahakieꞌomu sabhaha wambano katangahi ini, kapaꞌamo suha nebuhiku ini ingka miina naewantaa.

Tula-tulando rasulu 15:21

Kapaꞌamo mpini dhamani wawono pahintano Musa dofoleleandae ne amai onuno liwu. Taꞌampamo aini Kitabino Musa amaitu taenomo oleono Sabat sadhia dobasae weo lambu kasambaheaꞌa.”

Markus 5:22

gahaꞌa nohatomo seemie mandeꞌaono lambu kasambaheaꞌa weo liwu aitu, neano Yairus. Sanowoha Yesus, nolongkomo ne aꞌeno

1 Korintus 14:3

Tamaka laꞌae kosuahano peda anabii, nopugau ne manusia, nofofekamatangka kaparasaea, nofotangahi, bhe nofolawesi lalo.

Roma 12:8

Meꞌawano kapooli nafotangahi, naetaa nafotangahi. Meꞌawano kapooli so nadumawu-dawuꞌao kanandoono ne mie bhaino, naetaa nahumabue weo kahelasino lalo. Meꞌawano kapooli naembali neangka, naetaa naꞌumulei lalono nadhumalangie. Meꞌawano kapooli so metulumino mie weo kasabha, naetaa nadhumalangie weo kawulano lalo.

Tula-tulando rasulu 22:1

Ambano Paulus, “Bhahitie bhe kamungkulaꞌiku, soba fetingkeeꞌomu nepugauꞌaoku ini atumunduꞌao wutoku.”

Tula-tulando rasulu 18:17

Tamaka kosasawindo mie naꞌa dobuutimo Sostenes mandeꞌaono lambu kasambaheaꞌa, maka dowangkulie ne wisendo pande bhitaha, tamaka Galio miina napokihaꞌiandaa.

Tula-tulando rasulu 13:27

Miendo Israel bhe neangkaꞌindo miina damandeꞌaane putae Yesus maitu fofosalamatinomo. Miina dua dalumosangie pugaundo ana-anabii nebasando seꞌo-seꞌoleono Sabat, sampe dobhotusiemo damongkoe. Tamaka habundo naꞌa nofekakoꞌulamo pugaundo ana-anabii maitu.

Tula-tulando rasulu 20:2

Anoa noliligi kadieno Makedonia maitu bhe nobhahi katangahino nofekatangka lalondo mie marasaeano. Pada anaꞌa nopansuhu we kadieno Yunani.

Tula-tulando rasulu 18:8

Krispus mandeꞌaono lambu kasambaheaꞌa naꞌa bhe kosasawindo mie weo lambuno doparasaeamo ne Ompu Yesus. Dobhahi dua miendo Korintus metingkeno kafoguhuno Paulus doparasaea maka dokadiuda.

Tula-tulando rasulu 15:7

Nompona kaowu dopololi-loliꞌao fekihindo, noehemo Petrus maka nopugau ambano, “Bhahitieꞌiku, ingka pandeꞌaaneomu mpini kabhao-bhaono Lahataꞌala nopili kanau maiꞌao ne olotamiu, neanomo bansano liwu suano Yahudi dametingke bhe damarasaea Bhihita Metaa nefoleleku.

Tula-tulando rasulu 7:2

Notobhoosimo Stefanus ambano, “Bhahitieꞌiku bhe kamungkulaꞌiku, fetingke kanauꞌomu! Ompu Lahataꞌala kumalabhiano nofotiwoha Wutono ne awuantoomu Abraham. Wakutuu anaꞌa Abraham nandooꞌe we Mesopotamia, miinaꞌo naeate we Haran.

Tula-tulando rasulu 2:37

Dofetingke peda naꞌa nosabhamo handado maka dofeenamo Petrus bhe rasulu sigaoꞌano ambado, “Bhahitieꞌi, kaowua taeafaꞌimo bhahaa insaodi ini?”

Tula-tulando rasulu 2:29

Bhahitieꞌiku! Naetaa aetula-tulaangkoomu awuantoomu Daud mentalea-mentalea. Daud nomatemo, padamo dokobuhue. Kobuhuno nandooꞌe ampa aini ne liwuntoomu ini.

Tula-tulando rasulu 2:4

Kosasawindo nokabhintidamo Rohino Lahataꞌala maka dotanda dopugau depake wambado koliwuno ⸤ tapaꞌo nepandeꞌaondo⸥ , seemie-seemie ampa kadawuꞌaono ne Rohino Lahataꞌala.

Tula-tulando rasulu 1:16

“Bhahitieꞌiku, teteweimo nokoꞌula tibuhiꞌano weo Kitabi. Maꞌanano, kafohatono Rohino Lahataꞌala ne anabii Daud wawo-wawo, mulaoꞌaono Yudas, nokoꞌulamo. Yudas ini neangkando mie humakono Yesus.

Lukas 16:16

Kitabino Musa bhe Kitabino ana-anabii sadaa-daa nolaku ampa ne dhamanino Yohanes, tamaka notanda ne dhamanino Yohanes Kafopahintaꞌano Lahataꞌala dofoleleemo maka sabhaha mie dopogolo-golo damesua.

Tula-tulando rasulu 4:36

Pedamo dua aitu Yusuf, seemie sampuꞌano Lewi nomaiꞌao we witeno Siprus; o rasulu dokonae dua Barnabas (maꞌanano nea anaꞌa Folawesino lalo).

2 Korintus 3:14

Fekihindo nopapa, kapaꞌamo taꞌampamo haꞌoleo ini kantutu endefiꞌini sadaa-daaꞌe dopakee ane debasa Kitabino podhandiꞌa ngkodau. Kantutu aini kaneꞌomo natilengka ane o mie doseꞌise bhe Kristus.

1 Tesalonika 2:3

Katangahi mani ne hintimiu miina namaiꞌao ne fekihi umala, miina dua namaiꞌao ne patudhu pata mongkilo tawa so dafobhohe-bhoheꞌiꞌao.