Tula-tulando rasulu 12:24 - Muna Southern Dialect

²⁴ Bhoasaono Lahataꞌala sadhulu kaꞌewa nolele; sadhulu dua kabhahi mie marasaeano ne Yesus.

Tula-tulando rasulu 12:24 Referans Kwoze

Tula-tulando rasulu 6:7

Bhoasaono Ompu Lahataꞌala sadhulu-dhulu kaꞌewa nolelea. Mie marasaeano we Yerusalem sedhuluꞌamo dua kabhahindo. Dobhahi dua imamu tumuhuno maka doparasaea ne Yesus.

2 Tesalonika 3:1

Panda-pandano bhahitieꞌi, sambahea kainsamiomu, sio-siomo bhoasaono Ompu naehimba nalumele bhe datumahima metaaꞌe, peda ne hintimiu.

Tula-tulando rasulu 19:20

Pedamo anaꞌa bhoasaono Lahataꞌala dhulu kaꞌewa leleno bhe dhulu kamatangka kuasano.

Matius 16:18

Amohatoko, hintumo Petrus ⸤ maꞌanano nea aini o kontu dempa,⸥ maka te wawono dempa aini amoehe umatiku. Mahingga kuasano mate pae natumaloea.

Kolose 1:6

Bhihita Metaa ini ingka nohatokomoomu dua. Ne kosekaꞌewaꞌae dhunia sadhulu kaꞌewa nolele bhe sadhulu kabhahi hasilino ⸤ maꞌanano sadhulu kabhahi mie marasaeano ne Kristus bhe notibhalii podiundo⸥ . Pedamo dua anaꞌa ne hintimiu, notanda oleo kabhao-bhaono fetingkeomu bhe kotu-kotuꞌu pandeꞌaoꞌomu kanini kaasino Lahataꞌala.

Tula-tulando rasulu 11:21

Kuasano Ompu nopobhaianda maka dobhahi sepaliꞌa marasaeano, dodolimo ne Ompu.

Tula-tulando rasulu 5:39

Tamaka ane nomaiꞌao ne Lahataꞌala, pae moolieꞌomua mekasalidaomua, konanomo nakoꞌulaꞌao poewangimoomu bhe Lahataꞌala.” Katangahino naꞌa dotahimae.