Tula-tulando rasulu 12:19 - Muna Southern Dialect

¹⁹ Herodes netudu mie daꞌumondofi Petrus, tamaka miina dapoꞌawaanea. Dadiꞌanomo, Herodes nofotudumo damee-meena tantara dhumaganie maitu maka damongkoda. Pada kadhadhia anaꞌa Herodes nokalamo nomaiꞌao we kadieno Yudea nohope we kotano Kaisarea maka neate ne itu.

Tula-tulando rasulu 12:19 Referans Kwoze

Tula-tulando rasulu 16:27

Sanoepe mandeꞌaono lambu katohongku bhe nowoha fointo nopuli notilengka, nobunamo kampueno namongko wutono. Weo fekihino katohongku dopulimo dofilei.

Tula-tulando rasulu 21:8

Nomentae takalamo we kotano Kaisarea. Ne itu tabutu we lambuno Filipus. Anoa ini mefoleleno dua Bhihita Metaa, seemie ne olotando pipituno nesangkendo we Yerusalem endefiꞌitu.

Tula-tulando rasulu 12:6

Nengke naewine Herodes nabhitahakie te wisendo mie bhahi, alo aitu Petrus noodo dopoꞌolotaane dohodua tantara. Anoa dotapuane hante haa honda. Nandoo dua tantara sigaoꞌano dodhaga ne wiseno fointo.

Tula-tulando rasulu 12:4

Notihako kaowu Petrus, Herodes notududamo dotohongkue maka dodhaganie tantara fato tagua, dopopaa-popaa. Patudhuno namalusi hohaeaꞌano Paska nabhitahakie te wisendo mie bhahi.

Tula-tulando rasulu 8:40

Gahaꞌa nofengkanaꞌao lalono Filipus nohatomo we Asdod. Anoa nokala kansuhu poowa nefolele Bhihita Metaa ne sabhaha liwu ampa nohato we kotano Kaisarea.

Matius 2:13

Dokundo mie mande maitu, malaꞌekatino Ompu nofotiwohamo wutono ne Yusuf, ambano, “Wanumo, wowoꞌo anaꞌi aitu bhe inano maka fileiꞌomu we witeno Mesir. Meateomu ne watu ampa amohatoko toha, kapaꞌamo anaꞌi aitu naꞌumondofie Herodes patudhuno namongkoe.”

Tula-tulando rasulu 27:42

Wakutuu anaꞌa tantaraꞌi dokopatudhu damongko mie netaangi maitu keana doleni maka dofilei.

Tula-tulando rasulu 25:13

Miina naomponaa nohatomo dua kolaki Agripa bhe Bernike we Kaisarea dapointaha lima bhe gubernur Festus.

Matius 2:16

Sanopandeꞌao lalono gahaꞌa dobhohe-bhoheꞌie mie mande maitu, Herodes noꞌamaha sepaliꞌa. Dadiꞌanomo nofotudumo damongko kosasawindo anaꞌi moꞌane tapaꞌo kumapono haa taꞌu we Betlehem bhe liwu-liwu ne owano. Aini nopokantibha bhe wakutuu katiwohaꞌano kulipopo, peda nefeenaꞌaono ne mie mande naꞌa.

Matius 2:1

Yesus nolente we liwuno Betlehem we kadieno Yudea ne dhamanino kolaki Herodes. Gahaꞌa dohatomo we Yerusalem seemie hodua mie mande maiꞌaono te mata oleo. Andoa ini dopoguhuꞌao waweno sabhaha kulipopo.

Tula-tulando rasulu 12:18

Nomentae o tantara tadohialelemo. Andoa dopofee-feena bhahaꞌi noafamo Petrus.