Tula-tulando rasulu 11:28 - Muna Southern Dialect

²⁸ Seemie, koneaꞌano Agabus, nofohatoanda so kumadhadhiaꞌano we oleo mbuhumai. Weo kuasano Rohino Lahataꞌala nofohatoanda kosedhuniaꞌae nakumantibhae gaba. Kafohatono naꞌa kotu-kotuꞌu nokadhadhia ne dhamani pahintano Omputo Kaisar Klaudius.

Tula-tulando rasulu 11:28 Referans Kwoze

Tula-tulando rasulu 21:10

Nopooli haa oleo tolu oleo taeate ne itu nohatomo seemie anabii maiꞌaono we kadieno Yudea, neano Agabus.

Tula-tulando rasulu 18:2

We Korintus nopoꞌawa bhe seemie Yahudi koneaꞌano Akwila nomaiꞌao we kadieno Pontus. Anoa kaneꞌo nohato nomaiꞌao we witeno Italia bhe hobhineno, neano Priskila. Kahatoꞌando ne itu mbaꞌinomo Omputo Kaisar Klaudius nefondawu pahinta putae kosasawindo miendo Yahudi dahumunsa kotano Roma. Paulus noangka we lambudo,

Lukas 3:1

Ompulu lima taꞌumo Tiberius nembali Omputo Kaisar. Taꞌu anaꞌa dua Pontius Pilatus gubernur ne kadieno Yudea, Herodes noowa kadieno Galilea, Filipus bhahitieno Herodes noowa kadieno Iturea bhe kadieno Trakonitis, bhe Lisanias noowa kadieno Abilene.

Lukas 2:1

Wakutuu anaꞌa Omputo Kaisar Agustus nofondawu pahintano nofotudu dabuhi neando kosasawindo mie weo kafopahintaꞌano Roma so dhiwaꞌa.

Matius 24:14

Bhihita Metaano Kafopahintaꞌano Lahataꞌala ini damolelee ne kosekaꞌewaꞌae dhunia, neanomo sabhaha bansano liwu dametingkee. Mada anaꞌa kaneꞌomo nahumato kafetompaino dhamani.”

Matius 24:7

Liwu dapoewangi bhe liwu, kakolakiꞌa dapoewangi bhe kakolakiꞌa. Neꞌamai-neꞌamai nandumandoo gaba bhe luali.