Tula-tulando rasulu 11:24 - Muna Southern Dialect

²⁴ Barnabas ini mie metaano lalo, notangka kaparasaeano bhe nokabhintie Rohino Lahataꞌala. Dadiꞌanomo dhulumo kabhahi mie marasaeano ne Ompu Yesus.

Tula-tulando rasulu 11:24 Referans Kwoze

Tula-tulando rasulu 11:21

Kuasano Ompu nopobhaianda maka dobhahi sepaliꞌa marasaeano, dodolimo ne Ompu.

Tula-tulando rasulu 5:14

Dhulu kaompona dhulu kabhahi mie marasaeano ne Ompu, namoꞌane nahobhine.

Tula-tulando rasulu 6:5

Patudhundo naꞌa doangkafie kosasawindo mie marasaeano. Dadiꞌanomo dopilimo Stefanus, seemie motangkano kaparasaea bhe nekabhintino Rohino Lahataꞌala. Dopilimo dua Filipus, Prokorus, Nikanor, Timon, Parmenas bhe Nikolaus. Nikolaus ini mieno Antiokia, tamaka nopesuamo agama Yahudi.

Roma 15:15

Ampamo kaowu akakadoi wutoku aebuhiangkoomu sehonda haa honda kafeꞌulai weo suhaku ini, hampano ainimo taka kaꞌondofaoku newaꞌaono Lahataꞌala.

Tula-tulando rasulu 9:31

Nomampona-mpona dua umati marasaeano we kadieno Yudea, Galilea bhe Samaria deate-ate weo katohopo. Umati andoa ini dhulu katangka kaparasaeando bhe dodadi weo kateꞌi ne Ompu. Weo katulumi bhe kalawesino Rohino Lahataꞌala andoa sadhulu-dhulu kabhahi.

Tula-tulando rasulu 6:8

Stefanus noponoꞌao kabarakati bhe kuasano Lahataꞌala sampe nobhahi nehabu tanda tapa mentela bhe giu timenteꞌaono ne mie bhahi.

Tula-tulando rasulu 6:3

Dadiꞌanomo, bhahitie-bhahitie, mepili kaitaomu dapipitu ne olotando mie marasaeano, maka tasumangkeda so umondofaono kafaraluu aini. Mie so nepilintoomu tabeano mie metaa weo pomatando mie bhahi, tabeano nekabhintino Rohino Lahataꞌala bhe dokotimbangi.

Roma 5:7

Kapaꞌamo miina naomudaa seemie namateꞌao mie banara, mahinggamo bheanea nandoo dua so mokadono namateꞌao mie metaa.

Tula-tulando rasulu 24:16

Dadiꞌanomo weo dadiku sadhia aꞌulei laloku ampuu-mpuuni kangkilono totono laloku ne pomatano Lahataꞌala bhe mie bhaiku.

Yohanes 7:12

Dobhahi raꞌeati mekamu-kamuntuno sadhia dopulaoꞌao Anoa. Nandoo mugauno, “Anoa maitu mie metaa.” Nandoo dua mugauno, “Miina, Anoa maitu nefekakolilino raꞌeati.”

Lukas 23:50

Nandoo seemie koneaꞌano Yusuf, nopesua dua ne Sahano Agama. Anoa ini mie metaa bhe mie banara,

Matius 19:17

Notobhoosimo Yesus ambano, “Noafa gahaꞌa feena kanauꞌao metaaꞌano? Ampamo Wutono Lahataꞌala metaaꞌano. Tamaka ane moindalo meꞌawa dadi suhue dhamani, angkafi pahintano Lahataꞌala.”

Matius 12:35

Mie metaa nefolimba metaaꞌano maiꞌao ne kampebuniꞌano lalo metaaꞌano. Pedamo dua aitu mie modai nefolimba modaiꞌano maiꞌao ne kampebuniꞌano lalo modaiꞌano.

Tula-tulando rasulu 2:4

Kosasawindo nokabhintidamo Rohino Lahataꞌala maka dotanda dopugau depake wambado koliwuno ⸤ tapaꞌo nepandeꞌaondo⸥ , seemie-seemie ampa kadawuꞌaono ne Rohino Lahataꞌala.

Tula-tulando rasulu 2:47

Sadhia dua dopudhi Lahataꞌala bhe doasianda sabhaha mie. Seꞌo-seꞌoleo Ompu nofodhulu kabhahindo mie nefosalamati.