Tula-tulando rasulu 11:13 - Muna Southern Dialect

¹³ Anoa netula-tula kainsami nokopowohaꞌao seemie malaꞌekati neehe-ehe weo lambuno bhe nopugauane ambano, ‘Metudu mie dakumala we Yope daꞌumulei Simon nekonando dua Petrus.

Tula-tulando rasulu 11:13 Referans Kwoze

Tula-tulando rasulu 12:11

Hato nopandeꞌao lalono, Petrus nopugaumo, “Kaneꞌomo apandeꞌaane gahaꞌa nokotu-kotuꞌu o Ompu notudu malaꞌekatino namolapa kanau maiꞌao ne kuasano Herodes bhe patudhu modaindo miendo Yahudi.”

Tula-tulando rasulu 10:22

Ambado, “Notudu kainsami Kornelius. Kornelius ini seemie neangkando tantara, lalono nelaa bhe noteꞌi ne Lahataꞌala. Kosasawindo miendo Yahudi dopandeꞌaanemo dua kataano lalono. Anoa neꞌawa kafohato maiꞌaono ne Lahataꞌala nefosampeno seemie malaꞌekati mongkilono. Weo powohano naꞌa Lahataꞌala nofohato Kornelius daꞌumuleiko kumala we lambuno nametingkeꞌao pugaumu.”

Tula-tulando rasulu 9:43

Ampa seꞌoleo haa oleo Petrus nandoo neate-ate we Yope naꞌa, we lambuno seemie pande bhalula, koneaꞌano Simon.

Ibrani 1:14

Ingka o malaꞌekati maitu saneamo rohi meompuno ne Lahataꞌala, andoamo dua netuduno Lahataꞌala daꞌumondofao manusia so metahimano kasalamati.

Tula-tulando rasulu 9:36

We kotano Yope nandoo seemie hobhine mangkafino Yesus, neano Tabita; weo wamba Yunani neano Dorkas. Hobhine anaꞌa nobhahi sepaliꞌa nehabu metaaꞌano, sadhia netulumi mie mokae.

Tula-tulando rasulu 9:38

Liwuno Lida nopomaꞌoti bhe Yope naꞌa. Dofetingke Petrus nohato we Lida, mangkafino Yesus detudumo dohodua daesalo ne Petrus ambado, “Maimo fekahimba we liwu mani.”

Tula-tulando rasulu 9:42

Bhihitano kadhadhia aini nokolele ne kosekaꞌewaꞌae kotano Yope maka dobhahi sepaliꞌa mie marasaeano ne Ompu Yesus.

Tula-tulando rasulu 11:12

Ambano Rohino Lahataꞌala ne idi, ‘Kalamo angkafida, koemo kamihi-mihia!’ Bhahitie nonoono ini dopobhai kanau sampe tapesua weo lambuno Kornelius.

Tula-tulando rasulu 11:14

Anoa naꞌa namosampeangko bhihita so sumalamatiꞌao wutomu bhe kosasawindo meateno weo lambumu.’