Tula-tulando rasulu 10:36 - Muna Southern Dialect

³⁶ Ingka pandeꞌaanemoomu bhihita nefosampeno Lahataꞌala ne miendo Israel. Bhihita metaa naꞌa nofofohatoꞌao pometaaꞌano manusia bhe Lahataꞌala neowano Yesus Kristus, Ompundo kosasawindo manusia.

Tula-tulando rasulu 10:36 Referans Kwoze

Matius 28:18

Yesus nomaꞌotidamo bhe nopugau ambano, “Sabhaha kuasa te surugaa bhe we dhunia ini nowaꞌa kanaꞌe Amaku.

Tula-tulando rasulu 2:36

Dadiꞌanomo kosasawindo miendo Israel tabeano mandeꞌaaneomu kotu-kotuꞌu putae Yesus nosangkeemo Lahataꞌala nembali Ompu bhe Mesias, Omputo Fosalamatino. Yesus ini padamo kantaiꞌeomu te sau salipu.”

Powoha 17:14

Andoa dapopahisa bhe Anano Dhumba, tamaka Anano Dhumba natumaloda hampano Anoa Kafeompuꞌandomo sabhaha kafeompuꞌa bhe Omputo sabhaha omputo. Anano Dhumba naꞌa daposabhangkaane mie nesaliꞌino, nepilino bhe tiparasaeano.”

Powoha 1:18

Idimo dumadino, padamo amate, tamaka ondo kanau itu, ingka adadimo ampa suhue dhamani. Idimo mintahano kunsino mate bhe dhuniano mate.

1 Petrus 3:22

Ampa aitu Kristus nofonimo te surugaa, nengkoha ne suanano Lahataꞌala. Kosasawindo malaꞌekati bhe sabhaha mintahano kuasa bhe kafeompuꞌa dotuhumo ne Anoa.

1 Korintus 15:27

Kapaꞌamo ⸤ notibuhi weo Kitabi⸥ , “Bhahi-bhahiꞌae padamo nofolongkoe te wawono aꞌeno.” Ane notibuhi putae bhahi-bhahiꞌae nofolongkoe te wawono aꞌeno, maka nentaleamo miina natilentua wutono Lahataꞌala molongkono bhahi-bhahiꞌae naꞌa.

Powoha 19:16

Ne dhubano bhe ne faꞌano notibuhi nea peda aini, Omputo sabhaha omputo, Kafeompuꞌandomo sabhaha kafeompuꞌa.

Powoha 1:5

bhe nomaiꞌao dua ne Yesus Kristus, sakusii tiparasaeano, kabhao-bhaono manuno maiꞌao ne mate bhe kokuasano ne sabhaha omputo ne dhunia ini. Yesusmo ini moasi kaitaomu bhe noangka ne tuhuno heano padamo nofolapa kaita maiꞌao ne dhosa.

Ibrani 13:20

Ingka Lahataꞌala padamo nofowanu Ompu Yesus maiꞌao ne mate. Hampano tuhuno heano, Anoa nembalimo Dhagano Dhumba Kumalabhiano so intaodiomu, mekamatangkanomo dua podhandiꞌa suhue dhamani nehabuno Lahataꞌala bhe intaodiomu.

Filipi 2:11

Kosasawindo naꞌa daꞌumakui putae Yesus Kristus maitu o Ompu, somo kakalabhiano Lahataꞌala Amantoomu.

1 Korintus 15:47

Manusia kabhao-bhaono nomaiꞌao we dhunia, mbadhano nomaiꞌao we bungahasi; manusia mbuhumaino nomaiꞌao te surugaa.

Roma 14:9

Kapaꞌamo ingka anaꞌaemo kamateꞌano bhe kawanuꞌano Kristus, neanomo naembali Ompundo mie dumadi bhe mie mate.

Tula-tulando rasulu 13:46

Tamaka Paulus bhe Barnabas notangka lalondo. Ambado, “Anoamo, sakotuꞌuno hintimiumo maꞌindulu metingkeno bhoasaono Lahataꞌala. Tamaka bansieꞌomu, pakade abhiomu wutomiu pae mantasiomua metahimaomu dadi suhue dhamani. Dadiꞌanomo tadolimo ne bansano liwu suano Yahudi.

Tula-tulando rasulu 13:32

Dadiꞌanomo insaodi ini tafoleleangkoomu Bhihita Metaa; maꞌanano dhandino Lahataꞌala ne awuaꞌintoomu,

Tula-tulando rasulu 11:19

Nopalusi dopongko Stefanus dobhahimo mie marasaeano dotigasa mbaꞌinomo dofodee-deeda. Andoa dohato we kadieno Fenisia, we witeno Siprus bhe we kotano Antiokia. Tamaka defolele Bhihita Metaa ne miendo Yahudi kaowu.

Tula-tulando rasulu 5:31

Anoamo nesangkeno Lahataꞌala bhe nowaꞌanemo kuasa mbali Neangka bhe Omputo Fosalamatino, neanomo miendo Israel dametompaꞌao diundo modaino, so notiꞌamponiꞌao dhosando.

Lukas 24:47

Nandoo dua notibuhi: weo neano Omputo Fosalamatino daefolele bhihita ne sabhaha bansano liwu putae dametompaꞌao dhosando maka Lahataꞌala naꞌumamponida. Bhihita anaꞌa damolelee natumanda we Yerusalem.

Matius 11:27

Kosasawiꞌae padamo nowaꞌa kanaꞌe Amaku. Miina bhe mandeꞌaono Anano Lahataꞌala mpahinomo Amano. Miina dua bhe mandeꞌaono Amano mpahinomo Anano, bhe kosasawindo mie neꞌundaꞌaono Anano Lahataꞌala damandeꞌao Amano.

Matius 10:6

Tamaka kalaomu ne umatino Israel kolilinono tapedamo dhumba.

Ibrani 1:2

Ne pandano dhamani ini Lahataꞌala nokobhoasao ne intaodiomu noangkamo ne Anano. Anoamo toka nefotantuno mbali kohakuꞌaono bhahi-bhahiꞌae ndumandooꞌano. Noangkamo dua ne Anano ini, Lahataꞌala nofokonandoo alamu bhalano.

Kolose 1:20

Patudhuno Lahataꞌala, noangka ne Anano ini, sabhaha ndumandoono te surugaa bhe we dhunia napometaaꞌanda bhe Wutono. Tuhuno heano Kristus te sau salipu meowanomo pometaaꞌa naꞌa.

Lukas 1:79

naꞌumulawi mie dumadino weo kahohondo bhe mewisekino mate. Anoamo so tumonda kaita ne kaangkaꞌa humopeꞌano ne katohopono dadi.”

Tula-tulando rasulu 10:37

Ingka pandeꞌaanemoomu dua sabhaha kumadhadhiaꞌano we witeno Yudea, notanda we Galilea nopalusi kakadiu nehatoꞌaono Yohanes.

Roma 5:1

Dadiꞌanomo, hampano Lahataꞌala notahima kaitaomu peda mie banara mbaꞌinomo kaparasaeantoomu, maka ampa aitu intaodiomu dopometaamoomu bhe Lahataꞌala, noangka ne Yesus Kristus Ompuntoomu.