Tula-tulando rasulu 10:35 - Muna Southern Dialect

³⁵ Mieno liwu ae maka, mahingga Yahudi mahingga suano Yahudi, sumanomo noteꞌi ne Lahataꞌala bhe nehabu metaaꞌano, tetewei natumahimae Lahataꞌala.

Tula-tulando rasulu 10:35 Referans Kwoze

1 Yohanes 2:29

Ingka pandeꞌaanemoomu, Kristus nodadi noangkafi kapoindalono Lahataꞌala. Dadiꞌanomo tabeano mandeꞌaaneomu dua putae sasuka mangkafino kapoindalono Lahataꞌala, ingka anaꞌinomo Lahataꞌala.

Tula-tulando rasulu 10:2

Anoa ini mie lumebe, koseꞌonu lambudo doteꞌi ne Lahataꞌala. Anoa nobhahi pakuno netulumi miendo Yahudi mokaeno bhe sadhia dua nosambahea ne Lahataꞌala.

Kolose 3:11

Weo dadi buꞌou ini miinamo bhe poꞌalaꞌano miendo Yahudi bhe suano miendo Yahudi, mie nesuna tawa tapa nesuna, mie koliwuno tawa bansano liwu pata koꞌadhatino, o bhatua tawa mie bebasi. Tamaka nefosibhalando ampamo kaowu Kristus, hampano Kristus neate weo totono lalondo kosasawindo naꞌa.

Tula-tulando rasulu 15:9

Lahataꞌala miina napoꞌala-alaandaa bhe intaodiomu; totono lalondo padamo nofekangkiloe hampano doparasaea.

2 Korintus 7:1

Bhahitieꞌiku timoasiꞌaono! Ampa aitu dotahimaemo sabhaha dhandi anaꞌa. Dadiꞌanomo fekangkilo kaitaomu wutontoomu ne sabhaha mefekahakuno mbadha bhe alusu. Ulei kaitaomu lalontoomu so nasumangkaꞌao kangkilono dadintoomu, hampano doteꞌi ne Lahataꞌala.

Kolose 1:6

Bhihita Metaa ini ingka nohatokomoomu dua. Ne kosekaꞌewaꞌae dhunia sadhulu kaꞌewa nolele bhe sadhulu kabhahi hasilino ⸤ maꞌanano sadhulu kabhahi mie marasaeano ne Kristus bhe notibhalii podiundo⸥ . Pedamo dua anaꞌa ne hintimiu, notanda oleo kabhao-bhaono fetingkeomu bhe kotu-kotuꞌu pandeꞌaoꞌomu kanini kaasino Lahataꞌala.

Tula-tulando rasulu 9:31

Nomampona-mpona dua umati marasaeano we kadieno Yudea, Galilea bhe Samaria deate-ate weo katohopo. Umati andoa ini dhulu katangka kaparasaeando bhe dodadi weo kateꞌi ne Ompu. Weo katulumi bhe kalawesino Rohino Lahataꞌala andoa sadhulu-dhulu kabhahi.

Efesus 5:21

Potuhu-tuhupiomu hampano kafosibhalamiu ne Kristus.

Efesus 1:6

Nopantasimo mpuu damekakalabhia Lahataꞌala, kapaꞌamo nofotohaiꞌao kanini kaasino noangka ne Anano kamoasiꞌaono.

Galatia 3:28

Kanandooꞌanomo miinamo bhe miendo Yahudi tawa miendo Yunani, miinamo bhe bhatua tawa mie bebasi, miinamo bhe moꞌane tawa hobhine, kapaꞌamo kosasawimiu itu seꞌisemoomu bhe Kristus Yesus.

1 Korintus 12:13

Kapaꞌamo Rohino Lahataꞌala padamo nokadiu sarani kosasawintoomu mbalimo sembadha, naetaa miendo Yahudi naetaa miendo Yunani, naetaa o bhatua naetaa mie bebasi, saneamo dua kao-kaomo dofowaꞌao dofohoꞌu ne Rohi anaꞌa.

Roma 3:22

Kafotahimaꞌano Lahataꞌala peda mie banara naꞌa noangka weo kaparasaea ne Yesus Kristus. Kaangkaꞌa aini notilengka so kosasawindo manusia, hampano manusia miina dapoꞌala-alaa.

Roma 2:13

Kapaꞌamo suano mie metingkeno tubhono agama Yahudi banarano te wiseno Lahataꞌala, tamaka mie dhumalangino tubhono agama maitu so netahimano Lahataꞌala peda mie banara.

Lukas 1:28

Sapesuano weo lambuno Maria, malaꞌeakati nofeabhamo ambano, “Megau ae itua, hintu tibarakatino, Ompu nopobhaiangko.”

Filipi 3:3

Gahaꞌaitumo sakotuꞌuno intaodiomu ini metahimano kasuna mpuu. Maꞌanano intaodiomu ini nofoato Rohino Lahataꞌala dosombaomu ne Anoa, nowose bhakentoomu hampano nehabuno Kristus Yesus. Pakade miina daposahunaꞌaoꞌomu ne kaengkohaꞌano kamanusia bhe habu metaantoomu.

Tula-tulando rasulu 10:28

Ambano Petrus ne andoa, “Ingka pandeꞌaaneomu o falia bhalano weo agama mani ane miendo Yahudi dopoanaꞌibhai bhe mie suano miendo Yahudi tawamoa dopesua weo lambudo. Tamaka Lahataꞌala padamo nofotiwoha kanaꞌe, pae naembalia akumona mie bhaiku dohaku tawa miina daongkiloa.

Roma 2:14

Tubhono agama Yahudi miina damandeꞌaanea bansano liwu sigaoꞌano. Ampamo kaowu ane habundo nomaiꞌao weo totono lalondo nopokantibha bhe tubhono agama Yahudi, ingka nokomaꞌana totono lalondo nembalimo tubhono agama so andoa, mahinggamo sakotuꞌuno miina damandeꞌao tubhono agama Yahudi.