Tula-tulando rasulu 10:1 - Muna Southern Dialect

¹ We Kaisarea nandoo seemie suano Yahudi koneaꞌano Kornelius, anoa ini neangkando tantara. Kaseꞌisendo tantara nepandeꞌaono dokonae “Taguano Italia”.

Tula-tulando rasulu 10:1 Referans Kwoze

Tula-tulando rasulu 27:1

Pada kaowu dobhotusie takumala we witeno Italia, Paulus bhe seemie hodua katohongku sigaoꞌano doowadamo ne limano seemie neangkando tantara koneaꞌano Yulius. Kaseꞌiseno tantara nepandeꞌaono dokonae “Taguano Kaisar”.

Matius 27:27

Pada anaꞌa tantaraꞌino gubernur doowamo Yesus se kamalino kaebhotusiꞌa parakara, maka kosasawindo tantara doloꞌoida dapohompu-hompu dolibu-libu Yesus.

Tula-tulando rasulu 8:40

Gahaꞌa nofengkanaꞌao lalono Filipus nohatomo we Asdod. Anoa nokala kansuhu poowa nefolele Bhihita Metaa ne sabhaha liwu ampa nohato we kotano Kaisarea.

Tula-tulando rasulu 27:43

Tamaka neangkando tantara gaono namosalamati Paulus. Dadiꞌanomo noꞌeleꞌaandamo. Notudumo mandeno lumenino damaꞌindulumo damunda we teꞌi maka damoni te wite.

Tula-tulando rasulu 25:1

Nopooli tolu oleo nohato ne kadie neowano naꞌa, gubernur Festus nohunsamo kotano Kaisarea nokala we Yerusalem.

Matius 27:54

Neangkando tantara bhe tantara dhumaganino Yesus doteꞌi sepaliꞌa dowoha lualino wite bhe sabhaha kumadhadhiaꞌano sampe dopugau ambado, “Kotu-kotuꞌu mie aini Anano Lahataꞌala.”

Tula-tulando rasulu 27:31

Gahaꞌa Paulus nopugaumo ne meangkando tantara bhe tantara sigaoꞌano ambano, “Ane paemo bhe andoa maitu weo bhangka, pae sumalamatiomua.”

Tula-tulando rasulu 25:13

Miina naomponaa nohatomo dua kolaki Agripa bhe Bernike we Kaisarea dapointaha lima bhe gubernur Festus.

Tula-tulando rasulu 23:33

Sahatondo we Kaisarea, tantaraꞌi sumawino ne adhaha maitu lasao doowa suha naꞌa bhe wutono Paulus se gubernur.

Tula-tulando rasulu 23:23

Pada aitu panglima neloꞌoimo dohodua tantarano maka nofohatoda ambano, “Mefontaa-ntaa kaitaomu dahaa moꞌono tantara so kumalano we Kaisarea, pakade dafitu fulu tantara sumawino ne adhaha bhe dahaa moꞌono tantara meintahano pandanga. Nahambi-hambi siua mata sealo itu dakumalamo.

Tula-tulando rasulu 22:25

Tamaka hato dokatapue maka dahumambisiane habuta, Paulus nopugaumo ne tantara meehe-eheno ne itu, “Gahaꞌa nembali mepepekiomu warga negarano Roma? Pakade miinaꞌo dabhitahakiea.”

Tula-tulando rasulu 21:8

Nomentae takalamo we kotano Kaisarea. Ne itu tabutu we lambuno Filipus. Anoa ini mefoleleno dua Bhihita Metaa, seemie ne olotando pipituno nesangkendo we Yerusalem endefiꞌitu.

Yohanes 18:12

Pada anaꞌa taguando tantara bhe neangkando dopoowa bhe dhagaꞌi katuduno miendo Yahudi dohakomo Yesus maka dokatapue.

Yohanes 18:3

Dadiꞌanomo Yudas nokalamo dua te naꞌa, newowoꞌo setagua tantara bhe dhagaꞌino Lambuno Lahataꞌala katudundo neangkaꞌindo imamu bhe miendo Farisi. Andoa ini detagu bhe kantalea, kaꞌula bhe ewangando.

Lukas 7:2

Ne itu nandoo seemie neangkando tantarano Roma, bhatuano nosaki moꞌosa tamateꞌano. Bhatuano naꞌa noasiane sepaliꞌa.

Markus 15:16

Pada peda naꞌa, tantara doowamo Yesus we kamali kaebhotusiꞌa parakara. Maka kosasawindo tantara dosaliꞌida dapofoꞌo-foꞌonu.

Tula-tulando rasulu 10:24

Pooli nomentae dohatomo we Kaisarea. Kornelius nontaa-ntaadamo pakade padamo nofohompuda bhahitie bhe sabhangkaꞌino.

Tula-tulando rasulu 21:31

Tangasano dosoba-soba damongkoe, gahaꞌa panglimano tantara Roma nofetingkemo bhihita kosekotaꞌae Yerusalem tadohialelemo.