Tula-tulando rasulu 1:8 - Muna Southern Dialect

⁸ Ampamo kaowu, nahumato nasumampu Rohino Lahataꞌala, hintimiu meꞌawaomu kuasa, maka membaliomu sakusiiku we Yerusalem, we kadieno Yudea, we kadieno Samaria ampa we tompano dhunia.”

Tula-tulando rasulu 1:8 Referans Kwoze

Matius 28:19

Dadiꞌanomo kalaomu, owadaomu sabhaha bansano liwu daembali anaguhuꞌiku. Kadiudaomu, weo neano Ama bhe Ana bhe Rohino Lahataꞌala.

Markus 16:15

Pada aitu Yesus nofohatodamo ambano, “Kalaomu ne amai liwu ne dhunia ini maka foleleomu Bhihita Metaa ne kosasawindo manusia!

Roma 15:19

noangka dua ne tanda-tanda tapa mentela bhe giu timenteꞌaono, saneamo hampano kuasano Rohino Lahataꞌala. Hampanomo kuasa anaꞌa kaliliꞌaku aefolele Bhihita Metaano Kristus ne amai maka dua, notanda we Yerusalem ampa te kadieno Ilirikum.

Tula-tulando rasulu 5:32

Insaodimo ini sumakusiiꞌaono sabhaha kadhadhia naꞌa, insaodi bhe Rohino Lahataꞌala. Rohino Lahataꞌala ini nowaꞌandae Lahataꞌala ne kosasawindo mie mangkafino pahintano.”

Tula-tulando rasulu 4:33

O rasulu dosakusiiꞌao putae Ompu Yesus nowanumo maiꞌao ne mate. Pugaundo noponoꞌao kuasa. Kosasawindo marasaeano nobarakatida mpuu Lahataꞌala.

Tula-tulando rasulu 6:8

Stefanus noponoꞌao kabarakati bhe kuasano Lahataꞌala sampe nobhahi nehabu tanda tapa mentela bhe giu timenteꞌaono ne mie bhahi.

Roma 10:18

Ampamo kaowu ameena, bhahaa daanumo miinaꞌo dametingkea bhihita anaꞌa? Ingka tetewei padamo, hampano weo Kitabi notibuhi, “Suahando nokolelengamo ne kosedhuniaꞌae, pugaundo notifetingkemo ampa we tompano dhunia.”

Yohanes 15:27

Pedamo dua hintimiu, tetewei dua sumakusii kanauꞌomu, kapaꞌamo pobhai kanauꞌomu mpini kabhao-bhaono.”

Lukas 10:19

Ingka padamo awaꞌangkoomu kuasa so mefindaꞌiꞌaoꞌomu ule bhe sabhaha kaꞌuhi kobisa. Awaꞌangkoomu dua kapooli so tumaloꞌaoꞌomu kuasano kaewamiu sampe paise bhe so kobalaaꞌano ne wutomiu.

Tula-tulando rasulu 1:5

Kapaꞌamo Yohanes nofokadiuꞌao oe, tamaka paemo naomponaa hintimiu dakumadiuangkoomu Rohino Lahataꞌala.”

Matius 24:14

Bhihita Metaano Kafopahintaꞌano Lahataꞌala ini damolelee ne kosekaꞌewaꞌae dhunia, neanomo sabhaha bansano liwu dametingkee. Mada anaꞌa kaneꞌomo nahumato kafetompaino dhamani.”

Tula-tulando rasulu 2:32

Nepulaoꞌaono Daud naꞌa o Yesus, nefowanuno Lahataꞌala nomaiꞌao ne mate. Kosasawiꞌa mani ini mohaꞌaono wuntano mata mani kadhadhia anaꞌa.

Tula-tulando rasulu 22:15

Kapaꞌamo hintu ini membalino sakusii, newohamu bhe nefetingkemu naꞌa mosampeandae sabhaha mie.

Tula-tulando rasulu 13:31

Nomampona-mpona dua nofotiwoha Wutono ne mie pobhaiane domaiꞌao we Galilea ampa we Yerusalem. Andoamo ini membalino sakusii ne miendo Israel ampa aitu.

Lukas 1:35

Notobhoosimo malaꞌekati, “Rohino Lahataꞌala nasumampu ne hintu bhe kuasano Lahataꞌala foliuno kalangke nakumaputiko, dadiꞌanomo anaꞌi so lumenteꞌano naꞌa dakumonae Mie mongkilo, Anano Lahataꞌala.

Tula-tulando rasulu 3:15

Anoamo fowaꞌaono dadi, gahaꞌa pongkoemoomu. Tamaka Lahataꞌala nofowanue nomaiꞌao ne mate. Insaodimo ini mohaꞌaono wuntano mata mani kadhadhia anaꞌa.

Kolose 1:23

Tamaka tabeano mpuu-mpuunieꞌomu kaparasaeamiu, fekamatangkae kofindamiu. Koise nomagoeaꞌa, koise dua nogampi posahunaꞌao neꞌawamiu wakutuuno fetingkeomu Bhihita Metaa. Bhihita Metaa ainimo nefolele ne sabhaha manusia we towawano lani ini. Idimo dua ini, Paulus, katudu mefoleleno Bhihita Metaa naꞌa.

Tula-tulando rasulu 1:22

notanda nofokadiu Yohanes ampa nohunsa kainsami Yesus ne oleo katisangkeꞌano te surugaa.”

Tula-tulando rasulu 8:1

Notandamo oleo anaꞌa umati marasaeano we Yerusalem dofodee-deeda sepaliꞌa. Andoa dopuli dotigasa dohope we witeno Yudea bhe Samaria, ampamo kaowu rasuluꞌi miina.

Lukas 24:29

Tamaka andoa dofosuhue ambado, “Angkamo kadeki bhe insaodi sealo itu, ingka naohondomo; oleo nomaꞌomo nasumoo.” Dadiꞌanomo nopesuamo weo lambudo nabutu ne itu.