Tula-tulando rasulu 1:14 - Muna Southern Dialect

¹⁴ Andoa ini sadhia dosekakolalo dosambahea. Dosabhangkada dua hobhineꞌi, bhe Maria inano Yesus bhe bhahitieꞌino Yesus.

Tula-tulando rasulu 1:14 Referans Kwoze

Efesus 6:18

Habue bhahi-bhahiꞌae naꞌa poowa sambaheaꞌomu mesaloomu katulumino Lahataꞌala. Sadhia sambaheaꞌomu angkafiomu kaatono Rohino Lahataꞌala, o ae maka dua nehabumiu. Kodhagaomu weo sambaheamiu, koe fenga-fengaasia mesaloomu so kosasawindo umati mongkilono.

Tula-tulando rasulu 6:4

Neanomo insaodia tamosibhalamo sambahea, bhe taefolele bhoasaono Lahataꞌala.”

Kolose 4:2

Mpuu-mpuunieꞌomu sambaheamiu, kodhagaomu weo sambaheamiu poowa mefoampeomu katumpuno lalo.

Tula-tulando rasulu 2:42

Andoa sadhia dokampuu-mpuu dofintahaki kafoinaꞌundo rasulu, dopohompu-hompu bhe dosekakolalo. Andoa sadhia dua dopoharoa bhe dosambahea.

Roma 12:12

Fowula lalomiu hampano bhe neposahunaꞌaomiu, kosabaha potaamiomu weo kasabha, mpuu-mpuunieꞌomu sambaheamiu!

Lukas 18:1

Yesus nopugaumo toha nepakeanda kapalenda. Patudhuno nofoinaꞌu anaguhuꞌino putae sadhia dasumambahea pae daongoongaraa.

Matius 21:22

O ae maka dua nemesalomiu weo sambaheamiu, tetewei umawaeꞌomu, sumanomo kotu-kotuꞌu parasaeaꞌomu.”

Tula-tulando rasulu 2:1

Nohato hohaeaꞌano Pentakosta, kosasawindo mie marasaeano dopohompu-hompu ne seꞌonu lambu.

Lukas 11:13

Dadiꞌanomo sanginomo hintimiu mie modai pandemoomu waꞌaoꞌomu metaaꞌano ne anamiu, bhemo toha Amamiu te surugaa! Anoa namaꞌao Rohino ne laꞌae maka dua mesaloiꞌe.”

Tula-tulando rasulu 2:46

Andoa dokampuu-mpuu dosekakolalo, seꞌo-seꞌoleo dopohompu-hompu weo Lambuno Lahataꞌala. Andoa doꞌia bhe nohelasi lalondo dopoharoa ne lambudo seemie-seemie dopali-paliꞌaane.

Lukas 24:53

Andoa sadhia weo Lambuno Lahataꞌala, dopudhi dofekakalabhia Lahataꞌala.

Matius 12:46

Tangasano Yesus nopugau ne mie bhahi maitu, dohatomo inano bhe bhahitieꞌino. Andoa deehe-ehe we simbali, gaondo damoꞌawaane.

Lukas 24:10

Hobhineꞌi andoa naꞌa ndo Maria Magdalena, Yohana bhe Maria inano Yakobus. Nandoo dua hobhine poowaꞌando detula-tula dua ne rasuluꞌi.

Lukas 23:55

Hobhineꞌi poowa-owaꞌano Yesus domaiꞌao we Galilea doangkafimo Yusuf. Kobuhu anaꞌa dowohae, bhe dowohae dua peda amai maeatino Yesus dofondolee we lalo.

Lukas 23:49

Kosasawindo mie popandeꞌaono bhe Yesus tadeehe-ehemo we kodoꞌoꞌano, pedamo dua naꞌa hobhineꞌi mangkafie notanda we Galilea. Bhahi-bhahiꞌae kadhadhia anaꞌa dowohae.

Markus 16:1

Nopalusi oleono Sabat, Maria Magdalena, Salome bhe Maria inano Yakobus, dokalamo deꞌoli mina-mina. Patudhundo dakumala daminaki maeatino Yesus.

Markus 15:40

Nandoo dua hobhineꞌi umondono we kodoꞌono. Ne olotando hobhineꞌi maitu, nandoo Maria Magdalena, Salome bhe Maria inando Yakobus mohangkuꞌano dadi bhe Yoses.

Matius 27:55

Ne itu dobhahi dua hobhine umondono se kodoꞌono. Andoa ini mangkafino Yesus domaiꞌao we Galilea mbali umondofaono kafaraluuno.

Lukas 24:33

Wakutuu anaꞌa dua lasao doehe maka dosuli we Yerusalem. Dohato dopoꞌawaꞌaomo rasuluꞌi ompulu seemieno tangasano dopohompu-hompu bhe sabhangkaꞌi sigaoꞌano.

Lukas 8:20

Dofohatoemo mie ambado, “Inamu bhe bhahitieꞌimu deehe-ehe we simbali, gaondo dapoꞌawaangko!”

1 Korintus 14:13

Dadiꞌanomo laꞌae mepakeno wambano Rohi naetaa nasumambahea naesalo damaꞌane dua bhe kapooli namaꞌanakie.