Titus 3:13 - Muna Southern Dialect

¹³ Ulei lalomu tulumi ndo Zenas, pande Kitabi itu, bhe Apolos so kumalano itu, keana dokonikae weo kala-kalando.

Titus 3:13 Referans Kwoze

Tula-tulando rasulu 18:24

Wakutuu anaꞌa tanohatomo dua seemie Yahudi we kotano Efesus, neano Apolos, nomaiꞌao we kotano Aleksandria. Anoa ini pande wamba bhe nopoolie iꞌino Kitabi.

Matius 22:35

Seemie pande Kitabi ne olotando naꞌa nofeenamo nomansoꞌalai Yesus.

Tula-tulando rasulu 28:10

Nobhahi kawaꞌaondo mbaꞌinomo dofosibhala kainsami, pakade hato tabhose, dowaꞌa kainsami sabhaha nefaraluu mani we sala.

1 Korintus 16:11

Dadiꞌanomo koe bhe misakiea. Tulumieꞌomu neanomo nasumalamati namopansuhu kala-kalano, sampe nasumuli ne idi. Aitu nandoo aanta-antagie we ini bhe bhahitieꞌi dua sigaoꞌano.

Roma 15:24

maka patudhuku weo kala-kalaku ahumope we Spanyol, naembali amangka apoꞌawaangkoomu. Mahingga nasebantaha kaowu, natisangke dua laloku dapoꞌawa-awaomu, mada anaꞌa naembali tumulumi kanauꞌomu amopansuhu kala-kalaku ne watu.

Tula-tulando rasulu 21:5

Tamaka nohato kaowu tempono, tapansuhumo. Mie marasaeano ne itu mahingga hobhineꞌi bhe anaꞌindo doato kainsami ampa we simbalino kota. Tahato we wiwino teꞌi tafongkohamo tuu mani maka tasambahea.

Lukas 14:3

Nopugaumo Yesus ne pande-pande Kitabi bhe miendo Farisi ambano, “Weo tubhono agamantoomu naembali bhahaa daefekaꞌosa mie mosaki ne oleono Sabat kaa paise?”

Lukas 11:52

Balaamoomu hintimiu pande-pande Kitabi, kapaꞌamo hintimiu mintahano kunsino fointono kapande ⸤ maꞌanano kafoinaꞌu so dasumalamatiꞌao⸥ . Gahaꞌa wutomiu kiido mesuaꞌomu bhe mie moindalono mesuano onto-ontomidaomu.”

Lukas 11:45

Seemie pande Kitabi notobhoosimo ambano, “Guru, pugau peda naꞌa ingka fekaꞌaebumo dua bhe insaodi.”

Lukas 10:25

Sewakutuu noehemo seemie pande Kitabi nomansoꞌalai Yesus. Ambano, “Guru, aeafa so aeꞌawaꞌao dadi suhue dhamani?”

Lukas 7:30

Tamaka miendo Farisi bhe pande-pande Kitabi doewangi patudhuno Lahataꞌala, mbaꞌinomo dongahe nakumadiuda Yohanes.

Tula-tulando rasulu 15:3

Umati marasaeano dopoangkaꞌaanda ampa we simbalino kotano Antiokia. Andoa dokala doangkai kadieno Fenisia bhe Samaria. Ne amai liwu kaangkaiꞌando detula-tulaꞌaomo bansano liwu suano Yahudi dodolimo dua ne Lahataꞌala. Bhihita anaꞌa doꞌiaꞌane bhahitieꞌi ne itu.

Tula-tulando rasulu 19:1

Tangasano Apolos nandooꞌe we Korintus, Paulus nopalintangimo tombuno kabhawo weo kadie aitu maka nohato we kotano Efesus. Ne itu nopoꞌawaꞌao seemie hodua mie mangkafino Yesus.

1 Korintus 16:12

Pedamo dua bhahitientoomu Apolos, ingka afendu-fenduaꞌemo afeꞌulaiane namai we hintimiu napoowa-owa bhe bhahitie sigaoꞌano, tamaka miina sepaliꞌa naꞌumundaa namai haꞌoleo ini. Ane bhe kasalawa metaa tetewei namai dua.