Titus 2:11 - Muna Southern Dialect

¹¹ Kapugauꞌaku peda anaꞌa, kapaꞌamo Lahataꞌala padamo nofotiwoha rahamatino nofosalamati kosasawindo manusia.

Titus 2:11 Referans Kwoze

1 Timotius 2:4

Gaono mpuu Lahataꞌala, kosasawindo manusia dasumalamati bhe damandeꞌao kabanara.

Efesus 2:8

Katifosalamatiꞌamiu hampano rahamatino Lahataꞌala, noangka ne kaparasaeamiu ne Kristus. O kasalamati maitu suano hasilino kahadhaano wutomiu, tamaka kotu-kotuꞌu katohaino Lahataꞌala.

Ibrani 2:9

Ampamo kaowu dowohamoomu Yesus. Sekabantaha nofosampue Lahataꞌala seendai we pandado malaꞌekati, neanomo hampano rahamatino Lahataꞌala nenamisimo mate so kosasawindo manusia. Ampa itu dowaꞌane kaengkohaꞌa kumalabhiano bhe tifosibhala peda omputo, hampano padamo nokadee-dee sampe mate.

Efesus 2:5

Lahataꞌala nofodadi kaita dopoowa bhe Kristus, mahinggamo domatemoomu hampano dokangkalaꞌi pahintano. Tandaiꞌeomu, hintimiu nofosalamatikoomu Lahataꞌala hampano kataano lalono.

2 Tesalonika 2:16

Sio-siomo wutono Ompuntoomu Yesus Kristus bhe Lahataꞌala Amantoomu nalumawesi bhe namekatangka lalomiu, neanomo so nehabumiu bhe so nepugauꞌaomiu sanea metaaꞌano. Kapaꞌamo Lahataꞌala nofomoasiꞌao; weo kataano lalo nofowaꞌao kaposahunaꞌao metaa bhe kalawesino lalo suhue dhamani.

Roma 5:15

Ampamo kaowu kaꞌalano Adam miina napototoa bhe kawaꞌaono Lahataꞌala. Hampano kaꞌalano seemieno maitu, manusia bhahino nokangkanaidamo mate, gahaꞌaitu neowano seemieno ⸤ mbuhumaiꞌano⸥ nopobhansule sepaliꞌa: noangka ne manusia Yesus Kristus ini Lahataꞌala nofosampu rahamatino bhe kadawuno pontalabhi-labhino ne manusia bhahino.

Yohanes 1:14

Bhoasao amaitu nembalimo manusia neate bhe intaodiomu; dowohaemoomu kakalabhiano, dadino noponoꞌao kanini kaasi bhe kabanara. Kakalabhia naꞌa notahimae peda seemie Ana Kaenseemieno Lahataꞌala.

Tula-tulando rasulu 11:23

Nohato we naꞌa Barnabas noꞌia sepaliꞌa nowoha kabarakatino Lahataꞌala ne andoa maitu. Anoa notangahida kosasawindo nakumampuu-mpuu lalondo damasande ne Ompu.

Tula-tulando rasulu 20:24

Tamaka miina sepaliꞌa aoheruanea inawaku sumanomo ahumato ne hatoꞌano amotoka taka neꞌawaku maiꞌao ne Ompu Yesus, maꞌanano aefolele Bhihita Metaano rahamatino Lahataꞌala.

Lukas 3:6

kosasawindo mie damoha kasalamati maiꞌaono ne Lahataꞌala.’ ”

1 Timotius 1:14

Bhahamoa nopontalabhi-labhi rahamatino Ompuntoomu ne idi. Nowaꞌa kanau dua kaparasaea ne Kristus Yesus bhe kanini kaasi ne mie bhaiku.

Roma 5:2

Noangka ne kaparasaeantoomu ne Yesus Kristus ini, intaodiomu deꞌawamoomu dua kaangkaꞌa dopesua weo kalibuno rahamatino Lahataꞌala, kaeateꞌantomo ampa aitu. Nowula lalontoomu weo posahunaꞌao daeala dawu weo kakalabhiano Lahataꞌala.

Kolose 1:6

Bhihita Metaa ini ingka nohatokomoomu dua. Ne kosekaꞌewaꞌae dhunia sadhulu kaꞌewa nolele bhe sadhulu kabhahi hasilino ⸤ maꞌanano sadhulu kabhahi mie marasaeano ne Kristus bhe notibhalii podiundo⸥ . Pedamo dua anaꞌa ne hintimiu, notanda oleo kabhao-bhaono fetingkeomu bhe kotu-kotuꞌu pandeꞌaoꞌomu kanini kaasino Lahataꞌala.

Galatia 2:21

Rahamatino Lahataꞌala miina aongaheꞌiea, kapaꞌamo ane o mie natumahimae Lahataꞌala peda mie banara mbaꞌinomo nodhalangi tubhono agama, ingka nosia-siamo mateno Kristus.

2 Korintus 6:1

Peda mie kumahadhaano bhe Lahataꞌala, taesalo mpuu koise fosia-siaꞌeomua rahamatino Lahataꞌala toka netahimamiu.

Tula-tulando rasulu 13:47

Kapaꞌamo nandoo pahintano Ompu ne insaodi ambano, ‘Idi afoehekomo mbali kantalea so bansano liwu sigaoꞌano tapa mandeꞌaono Lahataꞌala, somo meowano kasalamati ampa we tompano dhunia.’ ”

Tula-tulando rasulu 13:43

Dopuli kaowu dolimba, dobhahi miendo Yahudi bhe koliwuno mesuano agama Yahudi doangkafimo Paulus bhe Barnabas. Andoa dofoinaꞌuda rasulu hoduano maitu neanomo sadaa-daa dadumadi damasande ne rahamatino Lahataꞌala.

Yohanes 1:9

Tilanga amaitu tilanga sakotuꞌuno, nahumatomo we dhunia somo tumilano kosasawindo manusia.

Lukas 24:47

Nandoo dua notibuhi: weo neano Omputo Fosalamatino daefolele bhihita ne sabhaha bansano liwu putae dametompaꞌao dhosando maka Lahataꞌala naꞌumamponida. Bhihita anaꞌa damolelee natumanda we Yerusalem.

Markus 16:15

Pada aitu Yesus nofohatodamo ambano, “Kalaomu ne amai liwu ne dhunia ini maka foleleomu Bhihita Metaa ne kosasawindo manusia!

Matius 28:19

Dadiꞌanomo kalaomu, owadaomu sabhaha bansano liwu daembali anaguhuꞌiku. Kadiudaomu, weo neano Ama bhe Ana bhe Rohino Lahataꞌala.

Ibrani 12:15

Dhaganieꞌomu koise bhe mekapingkano maiꞌao ne rahamatino Lahataꞌala, koise dua bhe so membalino peda kantisa mopaꞌi kohasu ne olotamiu itu, kapaꞌamo hasuno naeowa kasabha bhe naedai-dai mie bhahi.

2 Timotius 4:17

Tamaka Ompu nopobhai kanau kansuhu, nofekatangkae laloku sampe ampuu-mpuunie aefolele kosasawiꞌae Bhihita Metaa mbali dofetingke kosasawindo mie suano Yahudi. Kanandooꞌanomo asalamati maiꞌao ne balaano mate.

Kolose 1:23

Tamaka tabeano mpuu-mpuunieꞌomu kaparasaeamiu, fekamatangkae kofindamiu. Koise nomagoeaꞌa, koise dua nogampi posahunaꞌao neꞌawamiu wakutuuno fetingkeomu Bhihita Metaa. Bhihita Metaa ainimo nefolele ne sabhaha manusia we towawano lani ini. Idimo dua ini, Paulus, katudu mefoleleno Bhihita Metaa naꞌa.

Roma 10:18

Ampamo kaowu ameena, bhahaa daanumo miinaꞌo dametingkea bhihita anaꞌa? Ingka tetewei padamo, hampano weo Kitabi notibuhi, “Suahando nokolelengamo ne kosedhuniaꞌae, pugaundo notifetingkemo ampa we tompano dhunia.”

Tula-tulando rasulu 17:30

Ampa aitu Lahataꞌala miinamo napolentua bhe dhamanino kakabhohe-bhohendo manusia, sampe nofohatodamo kosasawindo manusia kosedhuniaꞌae ini dametompaꞌaomo podiu modaindo.

2 Timotius 1:10

Ampa aitu Lahataꞌala nofotiwohamo rahamatino weo hatono Omputo Fosalamatino Yesus Kristus. Anoa notalomo kuasano mate maka nofosusuꞌao dadi buꞌou so tapa binasano noangka weo Bhihita Metaa.