Titus 1:9 - Muna Southern Dialect

⁹ Anoa tetewei namintahaki kafoinaꞌu tiparasaea, peda toka nepoguhuꞌaono. Ane nada anaꞌa naembalimo nafotangahiꞌao kafoinaꞌu banara, naembalimo dua namotiwohaanda kaꞌalando mie mewangie.

Titus 1:9 Referans Kwoze

2 Tesalonika 2:15

Dadiꞌanomo bhahitieꞌi, fekatangka koehemiu, fintaha kansuhu ne kafoinaꞌu netahimamiu ne insaodi, naetaa weo pugau mani naetaa weo suha mani.

2 Timotius 1:13

Fintahakie sabhaha nefetingkemu ne idi, sandahanomo kafoinaꞌu metaa. Dhalangie weo kaparasaeamu bhe kanini kaasimu hampano kaseꞌisemu bhe Kristus Yesus.

1 Timotius 6:3

Ane nandoo fofoguhuꞌaono kafoinaꞌu poꞌalatiꞌano bhe kafoinaꞌu aini, maꞌanano miina namangkafiea kafoinaꞌu kumotuꞌuno maiꞌao ne Ompuntoomu Yesus Kristus bhe kafoinaꞌuno agamantoomu,

1 Timotius 1:10

mie pokawite-witeno, mie gumaano sapada moꞌane tawa sapada hobhine, mie poꞌoli poasoꞌaono bhatua, bhe mie megau-gauno, sakusii kopaha bhe kotika mie mehabuno kumangkalaꞌino kafoinaꞌu kumotuꞌuꞌano.

Powoha 3:3

Dadiꞌanomo tandaiꞌe kafoinaꞌu toka netahima bhe nefetingkemiu, angkafie bhe fetompaꞌao podiu modaimiu! Kapaꞌamo ane pae kodhagaomu, ahumato nada kasoꞌo, pae mandeꞌaaneomua tempono so kahatoꞌaku ne itu.

1 Timotius 1:15

Nokotuꞌu mpuu bhoasao aini, dadiꞌanomo nopantasi mpuu datumahimae bhe damarasaeaꞌe: “Kristus Yesus nomai we dhunia ini nofosalamati mie kodhosa”, maka mie fofoliuno kabhahino dhosa ingka o idimo ini.

Titus 2:1

Tamaka hintu Titus, kafoinaꞌu nefolelemu tabeano napokantibha bhe kafoinaꞌu banarano.

Titus 1:11

Mie medando naꞌa tabeano dadumampue nunsundo kapaꞌamo dobhahimo polambu nedai-daindo mbaꞌinomo dofohatoanda sabhaha kafoinaꞌu tapa mantasiꞌano. Habundo naꞌa so kaowu daeꞌawaꞌao laba haramu.

2 Timotius 4:3

Kapaꞌamo nasewakutuu mie paemo daetahima kafoinaꞌu kumotuꞌuꞌano, tamaka daeꞌondofi sabhaha guru ampa kapoindalondo, damangkafi kaowu kambakano tingalando.

1 Tesalonika 5:21

Tamaka bhahi-bhahiꞌae tabeano damesoloe, metaaꞌano damintahakie.

Powoha 3:11

Idi apikimaimo. Fintahakiomu toka netahimamiu, keana pae bhe mie so malano kawaꞌaondo fotalono so netahimamiu.

Powoha 2:25

Ampamo kaowu o ae toka netahimamiu, fintahakieꞌomu ampa ahumato.

Yudas 1:3

Bhahitieꞌiku timoasiꞌaono! Apatudhu mpuu aebuhiangkoomu suha apuga-pugauꞌao kasalamati toka neꞌawantoomu. Tamaka aitu anamisie nofaraluu atumangahikoomu ne suha aini, so umuleiꞌomu lalomiu potunduꞌao kaparasaeamiu toka newaꞌaono Lahataꞌala ne umatino mongkilono.

2 Timotius 2:25

Mie mansoewano tabeano namalu-malusianda katangahi, sio-siomo Lahataꞌala nandoo namaꞌanda kasalawa dametompaꞌao dhosando maka damandeꞌao kabanara.

2 Timotius 2:2

Kafoinaꞌu nefetingkemu ne idi endefiꞌini ne wisendo mie bhahi, naetaa posahunaꞌaandae mie tiparasaea bhe mandeno moinaꞌuno mie bhaindo.

1 Timotius 4:9

Nokotuꞌu mpuu bhoasao aini, dadiꞌanomo nopantasi mpuu datumahimae bhe damarasaeaꞌe.

1 Timotius 1:19

Fintahakie kaparasaeamu bhe totono lalomu metaano kumatanga-tangano. Kapaꞌamo nandoo seemie hodua miinamo daꞌumondofaanea totono lalondo kumatanga-tangano naꞌa, sampe kaparasaeando nohungga tapeda kapala tisoheno.

Tula-tulando rasulu 18:28

Miina namanda-mandaa, miendo Yahudi notaloanda wamba ne wisendo mie bhahi, bhe nofotiwohaandae ne aeatino Kitabi putae Yesus maitu Mesias, Omputo Fosalamatino.

1 Korintus 14:24

Tamaka ane kosasawindo dakosuaha peda anabii, gahaꞌa dahumato dua mie tapaꞌo marasaeano tawa mie buꞌou, ingka pugaumiu kosasawimiu itu natumiisangi totono lalono sampe naꞌuminsafuane sabhaha dhosano.

2 Timotius 3:14

Tamaka hintu Timotius, fintahakie kabanara toka nepoguhuꞌaomu bhe neparasaeamu, ingka pandeꞌaanda ndo laꞌae gurumu.