Titus 1:3 - Muna Southern Dialect

³ Ne wakutuu toka nefotantuno, Lahataꞌala nofekakoꞌulaemo dhandino naꞌa weo bhoasaono, ⸤ o Bhihita Metaa⸥ . Foleleꞌano Bhihita Metaa aini noposahunaꞌa kanaꞌemo idi, nopoangkafi bhe pahintano Lahataꞌala Mosalamati kaita.

Titus 1:3 Referans Kwoze

1 Timotius 1:11

Kafoinaꞌu anaꞌa nopoangkafi bhe Bhihita Metaa maiꞌaono ne Lahataꞌala, kumalabhiano bhe mantasiꞌano damosibhalae. Bhihita Metaa ainimo nefoposahunaꞌaono Lahataꞌala ne idi so amolele.

1 Timotius 1:1

Timotius, nekoanaꞌaoku mpuu weo kaparasaea ne Ompu! Suha aini nomaiꞌao ne Paulus. Idimo ini rasuluno Kristus Yesus hampano pahintano Lahataꞌala mosalamati kaita bhe pahintano Kristus Yesus, kaengkohaꞌano posahunaꞌaontoomu ⸤ so daeꞌawaꞌao dadi suhue dhamani⸥ . Sio-siomo Lahataꞌala Amantoomu bhe Kristus Yesus Ompuntoomu sadhia napobhaiangko kabarakatino, rahamatino bhe katohopono dadi.

Titus 2:10

Koise dokalima-lima, tamaka damotiwohae kalaano totono lalondo bhe datiparasaea. Ane podiundo nada anaꞌa, ingka dofotiwohaemo ne mie bhaindo kakesano kafoinaꞌuno Lahataꞌala Mosalamati kaita.

Titus 2:13

Ampa aini nandoo dontaa-ntaaꞌomu oleo bhalano neposahunaꞌaontoomu so meowano dawua. Ne oleo anaꞌa natiwohamo kakalabhiano Lahataꞌala Foliuno Kuasa bhe Yesus Kristus Mosalamati kaita.

1 Timotius 4:10

Kanandooꞌanomo intaodiomu ini doꞌulei lalontoomu dokahadhaa moꞌosa hampano doposahunaꞌao ne Lahataꞌala dumadino. Anoa mosalamatino kosasawindo manusia, mangke-mangkemo mie marasaeano ⸤ ne Kristus⸥ .

1 Timotius 2:3

Sambaheamo pedando aini metaaꞌano, poangkafiꞌano bhe kapoindalono Lahataꞌala, mosalamati kaitaomu.

1 Tesalonika 2:4

Insaodi tapugau suano so tamekaꞌiaꞌao lalondo manusia, tamaka so tamekaꞌiaꞌao lalono Lahataꞌala, umudhinomo totono lalo mani. Kapaꞌamo Lahataꞌala noabhi kainsami nopantasi noposahunaꞌao kainsami Bhihita Metaa tamolelee.

Kolose 1:23

Tamaka tabeano mpuu-mpuunieꞌomu kaparasaeamiu, fekamatangkae kofindamiu. Koise nomagoeaꞌa, koise dua nogampi posahunaꞌao neꞌawamiu wakutuuno fetingkeomu Bhihita Metaa. Bhihita Metaa ainimo nefolele ne sabhaha manusia we towawano lani ini. Idimo dua ini, Paulus, katudu mefoleleno Bhihita Metaa naꞌa.

Kolose 1:6

Bhihita Metaa ini ingka nohatokomoomu dua. Ne kosekaꞌewaꞌae dhunia sadhulu kaꞌewa nolele bhe sadhulu kabhahi hasilino ⸤ maꞌanano sadhulu kabhahi mie marasaeano ne Kristus bhe notibhalii podiundo⸥ . Pedamo dua anaꞌa ne hintimiu, notanda oleo kabhao-bhaono fetingkeomu bhe kotu-kotuꞌu pandeꞌaoꞌomu kanini kaasino Lahataꞌala.

Efesus 2:17

Kristus nomai neowa Bhihita Metaano pometa-metaaꞌa, naetaa ne hintimiu mie suano Yahudi mokodoꞌono bhe Lahataꞌala, naetaa ne miendo Yahudi momaꞌono bhe Lahataꞌala.

Galatia 4:4

Tamaka nokapo kaowu tempo nefotantuno, Lahataꞌala notudumo Anano nomai we dhunia ini. Anano Lahataꞌala ini nofolentee seemie hobhine, nodadi noangkafi tubhono agama Yahudi.

1 Korintus 9:17

Ibahano kahadhaa aini ahumabue amangkafi kapoindalono wutoku, tantumo naembali aesalo ponamboku. Tamaka kaefoleleꞌaku Bhihita Metaa suano kapoindaloku wutoku, ingka adhalangi kaowu taka neposahunaꞌaono Lahataꞌala ne idi.

Filipi 1:13

Mbaꞌinomo kadhadhia aitu, nentaleamo ne kosasawindo dhagano kamali bhe mie sigaoꞌano weo kota ini putae idi ini dotohongku kanau hampano afeompu ne Kristus.

Roma 16:26

Tamaka ampa aitu, nopoangkafi bhe pahintano Lahataꞌala dumadino suhue dhamani, patudhuno ini dofekantaleaꞌiemo bhe bhihitano padamo dofolelee ne sabhaha bansano liwu, noangka ne nebuhi weo Kitabindo ana-anabii, neanomo kosasawindo damarasaea bhe daeangka ne Lahataꞌala.

Roma 15:19

noangka dua ne tanda-tanda tapa mentela bhe giu timenteꞌaono, saneamo hampano kuasano Rohino Lahataꞌala. Hampanomo kuasa anaꞌa kaliliꞌaku aefolele Bhihita Metaano Kristus ne amai maka dua, notanda we Yerusalem ampa te kadieno Ilirikum.

Roma 5:6

Wakutuuno miina dakonipooliomua, ne tempo toka nefotantuno Lahataꞌala, Kristus nomate so intaodiomu mie modai.

Tula-tulando rasulu 17:26

Nomaiꞌao ne seemie manusia nofokonandoo sabhaha bansano liwu meatefino kosekaꞌewaꞌae dhunia ini. Mpini kabhao-bhaono Anoamo motantuno liwu so kaeateꞌando bansano liwu naꞌa bhe tempono dadindo manusia.

Tula-tulando rasulu 10:36

Ingka pandeꞌaanemoomu bhihita nefosampeno Lahataꞌala ne miendo Israel. Bhihita metaa naꞌa nofofohatoꞌao pometaaꞌano manusia bhe Lahataꞌala neowano Yesus Kristus, Ompundo kosasawindo manusia.

Lukas 1:47

noꞌia totono laloku hampano Lahataꞌala Mosalamati kanau,

Markus 16:15

Pada aitu Yesus nofohatodamo ambano, “Kalaomu ne amai liwu ne dhunia ini maka foleleomu Bhihita Metaa ne kosasawindo manusia!

Markus 13:10

Ampamo kaowu Bhihita Metaa tetewei damoleleandae kadeki sabhaha liwu we dhunia ini.

Powoha 14:16

Dadiꞌanomo Mengkoha-ngkohano te olu ngkapute naꞌa nofowawemo kapulu kokanggaino we dhunia, maka o dhunia dotobheemo.

Efesus 1:10

Patudhuno anaꞌa peda aini: bhahi-bhahiꞌae ndumandoono te surugaa bhe we dhunia namoseꞌiseda bhe Kristus somo neangkando. Aini tetewei namekakoꞌulae Lahataꞌala, nahumato kaowu tempono.

Markus 1:15

Ambano, “Nohatomo tempono, nomaꞌomo Kafopahintaꞌano Lahataꞌala. Fetompaꞌao dhosamiu, doliomu ne Lahataꞌala bhe parasaeaꞌomu ne Bhihita Metaa!”

Roma 16:25

Notifekakalabhia mpuu Lahataꞌala! Anoamo kokuasano namekatangka kaparasaeamiu, naposahataa bhe Bhihita Metaa nefoleleku, bhihitano Yesus Kristus. Bhihita anaꞌa ingka o bhihitano patudhuno Lahataꞌala tifebuniꞌano ntini moꞌo-moꞌonono taꞌu.

2 Timotius 4:17

Tamaka Ompu nopobhai kanau kansuhu, nofekatangkae laloku sampe ampuu-mpuunie aefolele kosasawiꞌae Bhihita Metaa mbali dofetingke kosasawindo mie suano Yahudi. Kanandooꞌanomo asalamati maiꞌao ne balaano mate.