Roma 9:32 - Muna Southern Dialect

³² Noafa bhahaa pata katosampeꞌano? Ingka mbaꞌinomo dohabu bhahi-bhahiꞌae maitu miina dasumahunaꞌao kaparasaeando, tamaka dotangkaꞌao kaꞌosando doꞌulei sampe dotilole dotituno ne kontu, ⸤ maꞌanano wutono Kristus⸥ .

Roma 9:32 Referans Kwoze

1 Korintus 1:23

Tamaka insaodi ini taefolele bhihitano Kristus mateno te sau salipu. Bhihita aini nodaiane lalondo miendo Yahudi, mie suano Yahudi dokonae tula-tula bhohe.

1 Petrus 2:8

Notibuhi dua, “Kontu aini somo katitunoꞌa, somo dua katifolongkoꞌando mie.” Katitunoꞌando hampano miina daeangka ne bhoasaono Lahataꞌala, pedamo toka nefotantuno Lahataꞌala.

Roma 11:11

Ameena dua: bhahaa katitunondo miendo Yahudi somo katiloleꞌando ⸤ maka paemo damoolia damanu⸥ ? Ingka paise. Tamaka dhosando miendo Yahudi neowamo kasalamati mbali bansano liwu suano Yahudi, somo kakonduaꞌano lalondo miendo Yahudi.

Lukas 7:23

Dokodawua mpuu mie tapa mongaheꞌi kanau hampano kandidikino lalo.”

Roma 10:3

Kapaꞌamo miina damandeꞌaanea peda amai dhalano Lahataꞌala nofotahima peda mie banara. Hampano gaondo damangkafi dhalando wutondo, sampe dokiido damangkafi kaangkaꞌa nelengkano Lahataꞌala so nafotahimaꞌao peda mie banara.

Roma 4:16

Kanandooꞌanomo dhandino Lahataꞌala nengkoha ne kaparasaea, neanomo naentalea putae dhandi maitu o kawaꞌaono Lahataꞌala bhe tetewei nokantaa-ntaa so kosasawindo sampuꞌano Abraham, suano kaowu so mie dumadino weo tubhono agama Yahudi, tamaka so kosasawindo mie dumadino weo kaparasaea, peda kaparasaeano wutono Abraham. Ingka anoamo awuanto kosasawintoomu ini.

Lukas 2:34

Pada anaꞌa Simeon nobarakatidamo bhe nopugau ne Maria inano anaꞌi anaꞌa ambano, “Kotu-kotuꞌu anaꞌi aini nofotantuemo Lahataꞌala so miendo Israel bhahino, sigaꞌa namobinasada, sigaꞌa namosalamatida. Anoa somo katandai maiꞌao ne Lahataꞌala, somo dapotaga-tagaliꞌao mie bhahi.

Matius 13:57

Mie andoa naꞌa nondidiki lalondo sampe dokiidoemo. Gahaꞌa nopugaumo Yesus ne andoa maitu ambano, “Seemie anabii dofosibhalae ne amai liwu. Ampamo kaowu ne liwu kamaiꞌaoꞌano bhe ne lambuno wutono miina damosibhalaea.”

1 Petrus 2:6

Kapaꞌamo notibuhi weo Kitabi peda aini, “Padamo aepili sepoi kontu koharagaa, ahunsae te kabhawono Sion somo sandi bhalano. Sabhaha mie marasaeano ne Anoa paise nandidikiane lalondo.”