Roma 9:24 - Muna Southern Dialect

²⁴ Ingka intaodimoomu ini, mie nebhasino suano kaowu maiꞌao ne miendo Yahudi, tamaka maiꞌao ne bansano liwu sigaoꞌano dua.

Roma 9:24 Referans Kwoze

Kolose 3:11

Weo dadi buꞌou ini miinamo bhe poꞌalaꞌano miendo Yahudi bhe suano miendo Yahudi, mie nesuna tawa tapa nesuna, mie koliwuno tawa bansano liwu pata koꞌadhatino, o bhatua tawa mie bebasi. Tamaka nefosibhalando ampamo kaowu Kristus, hampano Kristus neate weo totono lalondo kosasawindo naꞌa.

Powoha 19:9

Pada aitu nopugaumo ⸤ malaꞌekati naꞌa⸥ ne idi, “Buhie nada ini: dokodawua mpuu mie tibhasino ne kagaano Anano Dhumba.” Ambano dua, “Wamba aini nokotuꞌu, sanea bhoasaono Lahataꞌala.”

1 Petrus 5:10

Tamaka Lahataꞌala kamaiꞌaoꞌano sabhaha rahamati, Anoamo bhasikoomu so mealaomu dawu weo kakalabhia suhue dhamani bhe Kristus. Dadiꞌanomo namada kumadee-deeꞌomu sebantaha, Lahataꞌala namosangkamo dadimiu, namoehekoomu, namekaꞌosakoomu bhe namekamatangka kofindamiu.

Ibrani 3:1

Dadiꞌanomo bhahitieꞌiku mongkilono toka nebhasino Lahataꞌala so menamisino surugaa! Fekihi kaitaomu nehabuno Yesus, Rasulu bhe Imamu Bhalano neparasaeantoomu.

Galatia 3:28

Kanandooꞌanomo miinamo bhe miendo Yahudi tawa miendo Yunani, miinamo bhe bhatua tawa mie bebasi, miinamo bhe moꞌane tawa hobhine, kapaꞌamo kosasawimiu itu seꞌisemoomu bhe Kristus Yesus.

1 Korintus 1:9

Lahataꞌala nokampuu-mpuu ne dhandino. Ingka Anoamo bhasikoomu seꞌiseomu bhe Anano, Yesus Kristus Ompuntoomu.

Roma 10:12

Kapaꞌamo miina bhe poꞌalaꞌano miendo Yahudi bhe bansano liwu sigaoꞌano. Lahataꞌala Kaseemie-mieꞌano, o Ompundomo kosasawindo manusia. Anoamo mefosampuno kabarakati pontalabhi-labhino ne mie metondalano.

Tula-tulando rasulu 15:14

Simon kaneꞌo pada netula-tulaꞌao kabhao-bhaono Ompu Lahataꞌala noꞌondofao mie suano Yahudi, patudhuno naepili ne olotando so membalino umatino.