Roma 8:25 - Muna Southern Dialect

²⁵ Tamaka ane doposahunaꞌao ne pataꞌo newohanto, dokosabaha dofenta-fentaaꞌe.

Roma 8:25 Referans Kwoze

Roma 12:12

Fowula lalomiu hampano bhe neposahunaꞌaomiu, kosabaha potaamiomu weo kasabha, mpuu-mpuunieꞌomu sambaheamiu!

Ibrani 10:36

Nofaraluu kosabaha potaamiomu neanomo namada dhumalangiomu kapoindalono Lahataꞌala, tetewei umawaeꞌomu nedhandiꞌaono.

1 Tesalonika 1:3

Kapaꞌamo miina bhe katiehea, tafeꞌulai kahadhaa maiꞌaono ne kaparasaeamiu, kawulemiu fotiwohaomu kanini kaasimiu bhe tafeꞌulai dua sabahamiu potaamiomu weo posahunaꞌaomiu ne Ompuntoomu Yesus Kristus.

Kolose 1:11

Sio-siomo kuasano kumalabhiano Lahataꞌala namekamatangkakoomu, so kosabahaꞌaoꞌomu bhe natumuhu lalomiu potaamiꞌaoꞌomu sabhaha netompaloimiu.

Lukas 21:19

Ane potaamiomu, sumalamatiomu bhe meꞌawaomu dadi sakotuꞌuno.”

2 Tesalonika 3:5

Sio-siomo Ompu namato totono lalomiu lumosangieꞌomu kanini kaasino Lahataꞌala bhe namaꞌangkoomu sabaha dapotaami peda Kristus.

Roma 8:23

Suano kaowu taꞌalamu bhalano, intaodiomu dua ini dombaꞌuhu weo totono lalontoomu. Ingka padamo dotahimaomu Rohino Lahataꞌala. Rohimo aini kawaꞌao kabhao-bhaono maiꞌao ne Lahataꞌala, tamaka nandoo dua dofenta-fentaa Lahataꞌala nasumangke kaita daembali anaꞌino bhe namobebasi mbadhantoomu.

Powoha 1:9

Idi, Yohanes o bhahitiemiu; peda hintimiu aenamisi dua kasabha, aeala dua dawu weo Kafopahintaꞌano Lahataꞌala bhe akosabaha dua apotaami aantagi kahatoꞌano Yesus. Idi doꞌoho kanau ne liwutono Patmos, hampano aefolele bhoasaono Lahataꞌala bhe kafohatono Yesus.

Ibrani 6:12

Takiido membaliomu mie mantawa, tamaka gao mani mangkafiomu sandahano mie tumahimano nedhandiꞌaono Lahataꞌala hampano kaparasaea bhe kakosabahando.

Roma 2:7

Namaꞌao dadi suhue dhamani ne mie kumampuu-mpuuno humabu metaano hampano deꞌondofi dadi tapa binasano, dadi kumalabhia bhe dadi tifosibhala.

Lukas 8:15

Mondawuꞌano ne wite menowu maꞌanano mie metingkeno bhoasaono Lahataꞌala, dofekataaꞌe mpuu weo totono lalondo metaaꞌano. Andoa dopotaami kansuhu ampa dokohasili.”

Powoha 14:12

Maraluuꞌano ne ini kakosabahando umati mongkilo dopotaami weo kasabha, mie mangkafino pahintano Lahataꞌala bhe kumampuu-mpuuno kaparasaea ne Yesus.

Powoha 13:10

Mie toka nefotantu natitohongku, tetewei datumohongkue; mie toka nefotantu namateꞌao kampue, tetewei damongkoane kampue. Maraluuꞌano mpuu kakosabaha dopotaami bhe kaparasaeando umati mongkilo.

Ibrani 6:15

Abraham nokosabaha neanta-antagi ampa noꞌawamo nedhandiꞌaono Lahataꞌala naꞌa.