Roma 8:15 - Muna Southern Dialect

¹⁵ Rohi netahimamiu suano rohi so mobhatuakoomu toha sampe dadimiu sakateꞌi, tamaka tahimamoomu Rohi humabukoomu mbali anaꞌino Lahataꞌala. Hampanomo Rohi aini nembali dofokoamaomu ne Lahataꞌala.

Roma 8:15 Referans Kwoze

2 Timotius 1:7

Kapaꞌamo Rohi kawaꞌaono Lahataꞌala miina nahumabu kaita mbali mie motehe, tamaka o Rohi meowano katangkano lalo, kanini kaasi bhe kapooli so damewanakiꞌao totono lalontoomu.

1 Korintus 2:12

Intaodiomu miina daetahima rohino dhunia, tamaka netahimantoomu o Rohi maiꞌaono ne Lahataꞌala, neanomo damandeꞌaane sabhaha newaꞌaono Lahataꞌala ne intaodiomu.

Roma 8:16

Wutono Rohino Lahataꞌala nopoowa bhe rohintoomu nofofohato putae intaodiomu ini anaꞌinomo Lahataꞌala.

Ibrani 2:15

Patudhunomo dua so namobebasiꞌao manusia dumadino peda bhatua sasukae umuhundo, nofobhatuada kateꞌi ne mate.

Efesus 1:5

Hampano kanini kaasino, Lahataꞌala tokamo nofotantue wawo, putae namangka ne Yesus Kristus intaodiomu nasumangke kaita dembaliomu anaꞌino. Ingka pedamo naꞌa kapoindalono bhe patudhuno.

1 Yohanes 4:18

Mie dumadino weo kanini kaasi, miina bhe kateꞌia. Kanini kaasi sumangkaꞌano nefosali sabhaha kateꞌi. Mie moteꞌino ingka doteꞌi kahukumuno Lahataꞌala. Dadiꞌanomo ane doteꞌi, nokomaꞌana kanini kaasino Lahataꞌala weo totono lalonto miinaꞌo nasumangkaa.

Markus 14:36

Ambano, “O Aba, Amaku, sanea membaliꞌano so Hintu. Fogampi kanau kampohoꞌuꞌa so kafohoꞌuꞌaku ini. Ampamo kaowu koise angkafi kapoindalokua, tamaka taꞌampamo kapoindalomu.”

Roma 8:23

Suano kaowu taꞌalamu bhalano, intaodiomu dua ini dombaꞌuhu weo totono lalontoomu. Ingka padamo dotahimaomu Rohino Lahataꞌala. Rohimo aini kawaꞌao kabhao-bhaono maiꞌao ne Lahataꞌala, tamaka nandoo dua dofenta-fentaa Lahataꞌala nasumangke kaita daembali anaꞌino bhe namobebasi mbadhantoomu.

Lukas 11:2

Notobhoosidamo Yesus ambano, “Ane sumambaheaꞌomu, pugauꞌomu nada ini: Ama, notifosibhalaꞌo toha neamu, nohatoꞌo toha Kafopahintaꞌamu.

Yohanes 20:17

Ambano dua Yesus, “Koise dampasi kanaua, kapaꞌamo miinaꞌo akumala te Amaku. Aitu sulimo se bhahitieꞌiku, fohatoda Idi akumalamo te Amaku bhe Amamiu dua, Lahataꞌalaku bhe Lahataꞌalamiu dua.”

Lukas 22:42

Ambano, “Amaku, ane umunda fogampi kanaꞌe sabhaha kakadee-dee so netompaloiku, ampamo kaowu suano kapoindaloku tamaka kapoindalomu so kumadhadhiaꞌano.”

Yohanes 16:8

Nahumato kaowu Rohi maitu, miendo dhunia namoꞌinsafuanda dhosando, o kabanara bhe kabhotusino Lahataꞌala.

Tula-tulando rasulu 16:29

Mandeꞌaono lambu katohongku maitu nesalo kantalea maka notende we lalo, tanokahedu-hedumo nolongko notaohao sombano ne Paulus bhe Silas.

Tula-tulando rasulu 2:37

Dofetingke peda naꞌa nosabhamo handado maka dofeenamo Petrus bhe rasulu sigaoꞌano ambado, “Bhahitieꞌi, kaowua taeafaꞌimo bhahaa insaodi ini?”

Lukas 8:37

Pada naꞌa kosasawindo mie ne kadieno Gerasa maitu desalo ne Yesus nakumalamo napikihunsaꞌao liwundo, kapaꞌamo doteꞌi sepaliꞌa. Dadiꞌanomo Yesus nosawimo ne bhangka maka dahumela dasumuli kundodo.

Lukas 8:28

Sanowoha Yesus nekei-keimo maka nosudhumo notaohao sombano bhe nopugau ampa kabhalano suahano, “O ae patudhumu ne idi ini, Yesus Anano Lahataꞌala foliuno kuasa? Aesalo mpuu koise fodee-dee kanaua.”

Yakobus 2:19

Ingka parasaeaꞌomu Lahataꞌala Kaseemie-mieꞌano. Nokesa itua. Tamaka rohi modaino doparasaea dua anaꞌa sampe noguguda kateꞌindo.

Roma 8:26

Pedamo aitu intaodi mie monale notulumi kaita Rohino Lahataꞌala. Kapaꞌamo miina damandeꞌaaneomu peda amai dosambahea bhe o ae so nesambaheaꞌao. Ampamo kaowu wutono Rohi fosambaheaꞌaono, kaꞌuuno miina natibhoasaꞌaoa.

Roma 9:4

Andoa ini umatino Israel, padamo nosangkeda Lahataꞌala mbali anaꞌino, nofotiwohaanda kakalabhiano, padamo nehabu podhandiꞌa bhe andoa, nowaꞌanda tubhono agama, padamo nofohatoda nada amai dasumambahea bhe nowaꞌanda dua sabhaha dhandino.

2 Korintus 11:4

Kapaꞌamo wohaꞌamiu ingka tanetaaꞌimo dua ane dofohatoangkoomu Yesus poꞌalaꞌano bhe Yesus toka nefohatoꞌao mani. Wohaꞌano tahimaeꞌomu dua rohi poꞌalano bhe Rohi toka neꞌawamiu maiꞌao ne insaodi. Pedamo dua itu ingka tahimaeꞌomu dua bhihita poꞌalaꞌano bhe Bhihita Metaa toka netahimamiu maiꞌao ne insaodi.

Galatia 2:4

Daanumo nandoo mesalono peda naꞌa, tamaka andoa maitu o mie mekalisuno, dompahabhahi-bhahitie ne intaodiomu. Andoa dopesua miina daediu-diua so damata-mataiꞌao kaowu kabebasintoomu mie marasaeano ne Kristus ⸤ maiꞌao ne pahintano Musa⸥ . Patudhundo dasumuli damobhatua kaita ⸤ ne sabhaha tubhono agama Yahudi⸥ .

Galatia 5:1

Kristus padamo nofobebasi kaita, neanomo intaodiomu kotu-kotuꞌu dabebasiomu. Dadiꞌanomo ehe fekatangkaomu, koise undaomu sumuli dakumuhumakoomu so bhatuano tubhono agama Yahudi.

Matius 25:25

Dadiꞌanomo aoteꞌi sampe dhoimu sekakaduno ini akantanoe. Aini sulimo alaꞌao wutomu.’