Roma 8:13 - Muna Southern Dialect

¹³ Ane dumadi mangkafiomu kapoindalono mbadha, tetewei momateomu, tamaka ane bhe kuasano Rohino Lahataꞌala ⸤ sadhia⸥ mongkoeꞌomu sabhaha habu modaino mbadha, tetewei dumadiomu.

Roma 8:13 Referans Kwoze

Galatia 6:8

Ane doangkafi kapoindalono mbadha tantumo datumobhe dua hasilino kapoindalono mbadha, o kabinasa. Tamaka mangkafino kapoindalono Rohino Lahataꞌala datumobhe dua hasilino kapoindalono Rohino Lahataꞌala, o dadi suhue dhamani.

1 Petrus 2:11

Bhahitieꞌiku timoasiꞌaono! Ngkoha-ngkohamiu te dhunia ini kanggetu mie humampe bhe mie meateno ne koliwuno. Dadiꞌanomo aesalo mpuu, koise angkafiomu kapoindalono wuto, kapaꞌamo sadhia nopoewangi bhe kapoindalono alusu.

1 Korintus 9:27

Idi akanea wutoku: miina aooloanea uluku, afobhatua mbadhaku, neanomo namada aefolele Bhihita Metaa ne mie bhaiku, pae damolimba kanau ne potandingiꞌa.

Titus 2:12

Noangka ne rahamatino, Lahataꞌala nofoinaꞌu kaita dakumukundo sabhaha podiu modai bhe kapoindalono dhunia. Nofoinaꞌu kaita dua damewanaki totono lalonto, daembali mie banara bhe dadumadi lumebe we dhunia ini.

Galatia 5:24

Mie membalino fehebuaꞌano Kristus Yesus, kapoindalono mbadhano padamo dofekamatee te sau salipu, maꞌanano sabhaha nafusuu bhe kapoindalono kamanusiano dosobuemo.

Efesus 4:22

Ingka padamo dofoinaꞌukoomu peda aini: hunsaeꞌomu toha kodadimiu ngkodauꞌano, kapaꞌamo dadimiu ngkodauꞌano naꞌa nodai-daiꞌe sabhaha kapoindalo fofekakolilinono.

1 Petrus 1:22

Hampano meangkaomu kafoinaꞌu banarano, totono lalomiu nomoindamo bhe nohelasimo pomoni-moniniꞌaoꞌomu. Dadiꞌanomo pomoa-moasiꞌaoꞌomu sampuu-mpuuno lalomiu.

Roma 7:5

Endefiꞌini dodadiomu doangkafi kamanusiantoomu. Wakutuu anaꞌa katokano mbadhantoomu nokuasaiꞌe sabhaha kapoindalo modai, dhohono nofoluaꞌe tubhono agama Yahudi, sampe fahalaano ingka neowa mate.

Efesus 5:18

Koise mololanuomu, kapaꞌamo kalolanu neowa nafusuu fodai-daino, tamaka naetaa umulei lalomiu sadhia nakumabhintikoomu Rohino Lahataꞌala.

Roma 6:21

Wakutuu anaꞌa o laba ae bhahaa neꞌawamiu? Ingka mpahinomo kaambanono taꞌampamo aitu. Kapaꞌamo kaopuliꞌano sabhaha habu anaꞌa o mate.

Efesus 4:30

Koise fekakompeahaomu lalono Rohino Lahataꞌala. Rohino Lahataꞌala ini katandainomo hintimiu fehebuano Lahataꞌala. Hampano Rohino neate weo totono lalontoomu, paemo dapoibhahaa putae ingka tetewei nahumato oleo so katifobebasiꞌanto.

Roma 6:23

Ponambo netahima maiꞌao ne dhosa ingka o mate, tamaka kawaꞌaono Lahataꞌala ingka dadi suhue dhamani weo kaseꞌise bhe Kristus Yesus Ompuntoomu.

Roma 8:12

Bhahitieꞌiku! Daanumo bhe takantoomu, tamaka suano taka so daꞌumondofaoꞌao mbadha kamanusianto, kapaꞌamo miinamo namaraluua damangkafi kapoindalono.