Roma 7:9 - Muna Southern Dialect

⁹ Endefiꞌini adadi miina aepandeꞌao tubhono agama, tamaka saꞌapandeꞌao pahintano agama, o dhosa tanosidadiꞌamo maka idi amatemo.

Roma 7:9 Referans Kwoze

Galatia 3:10

Notibuhi weo Kitabi peda aini, “Mie tapa dhumalangino kosasawiꞌae tubhono agama tibuhino weo Kitabi nakumangkanaiꞌemo balaa.” Dadiꞌanomo kosasawindo tumangkaꞌaono tubhono agama Yahudi ⸤ so kaangkaꞌando dapometaa bhe Lahataꞌala⸥ , ingka sanea so nekangkanaino balaa ⸤ kapaꞌamo pae bhe so mondoiꞌea⸥ .

Roma 8:7

Fekihino mie nekuasaino kapoindalono mbadha sapoewangi bhe Lahataꞌala, mbaꞌinomo miina natumuhu ne pahintano Lahataꞌala. Mie medando aitu daanumo pae namoolia natumuhua ne Lahataꞌala.

Galatia 2:19

Miinamo bhe potaiꞌakua bhe tubhono agama Yahudi, kanggetu amatemo. Nofekamate kanaumo tubhono agama maitu. Dadiꞌanomo amatemo so tubhono agama Yahudi, neanomo adumadi so Lahataꞌala. Wakutuuno Kristus dokantaiꞌe te sau salipu, kao-kaomo o idi dokantai kanau dua.

Roma 10:5

Anabii Musa nopulaoꞌao dhalano katitahimaꞌa ne Lahataꞌala peda mie banara mengkohano ne tubhono agama Yahudi. Notibuhi peda aini, “Mie dhumalangino tubhono agama ini nadumadiane.”

Roma 7:11

Noangka ne pahintano agama maitu, dhosa neꞌawa kasalawa nobhohe-bhoheꞌi kanau, bhahamoa noangka ne pahinta maitu nopongko kanau.

Roma 7:6

Tamaka ampa aitu domatemoomu maiꞌao ne tubhono agama Yahudi, dobebasimoomu maiꞌao ne tubho fokuhumano. Ampa aitu intaodi dofeompu ne Lahataꞌala doangkafi tubho buꞌou, tubhono Rohino Lahataꞌala; miinamo damangkafi tubho ngkodau tibuhino weo Kitabi.

Roma 7:4

Pedamo dua hintimiu itu, bhahitieꞌiku. Hampano seꞌiseomu bhe mbadhano Kristus, momatemoomu maiꞌao ne tubhono agama Yahudi ⸤ sampe miinamo nakumuasaikoomu⸥ . Ampa aitu membalimoomu fehebuaꞌano sigaoꞌano, fehebuaꞌano Kristus nefodadi maiꞌao ne mate, neanomo dadintoomu nakofahalaa so Lahataꞌala.

Lukas 18:21

Ambano mie anaꞌa, “Kosasawiꞌae pahinta naꞌa adhalangiemo mpini kaanaꞌiku.”

Lukas 15:29

Tamaka tanotobhoosi ne amano ambano, ‘Ingka ntini taꞌu-taꞌumo afeompuniꞌiko, bhe nasepaku miina alumempagi pahintamu. Tamaka bhe naseꞌulu anano membe miina maꞌa kanau so ahumame-hameꞌao bhe sabhangkaꞌiku.

Matius 19:20

Ambano ana moꞌane anaꞌa, “Kosasawiꞌae naꞌa apadaemo adhalangiea. Taꞌo dua ae nekaemiku?”

Roma 7:8

Tamaka noangka ne tubhono agama maitu, o dhosa neꞌawa kasalawa nefolua sabhaha kapoindalo modai weo totono laloku. Kapaꞌamo ane pae bhe tubhono agama, ingka o dhosa pae bhe nepoolinoa, kanggetumo nomate.

Roma 7:10

Apandeꞌaomo laloku ingka tubhono agama kopatudhuno so meowano dadi, gahaꞌaitu meowanomo mate so idi.