Roma 7:7 - Muna Southern Dialect

⁷ Kaowu damugauꞌomu nada amai? Bhahaa nokomaꞌana tubhono agama Yahudi maitu nopototo bhe dhosa? Tantumo miina. Ane pae bhe tubhonomo agama Yahudi, ingka pae amandeꞌaane medando ae nekonando dhosa. Miina dua amandeꞌaanea medando ae nekonando kapoindalo modai, ane pae nofohato kanau tubhono agama Yahudi, “Koise mekapoindalo tapa membalino hakumu!”

Roma 7:7 Referans Kwoze

Roma 3:20

Hampano bhe naseemie miina bhe netahimano Lahataꞌala peda mie banara mbaꞌinomo nodhalangi tubhono agama Yahudi; tamaka hampano nandoo tubhono agama maitu manusia dopandeꞌao wutondo dokodhosa.

Roma 4:15

Tubhono agama Yahudi neowa amahano Lahataꞌala, tamaka ane pae bhe tubhono agama, pae dua bhe nekangkalaꞌia.

1 Korintus 15:56

Tifuno mate ingka o dhosa, kuasano dhosa ingka o tubhono agama.

Roma 13:9

Kapaꞌamo bhahi-bhahiꞌae pahinta weo tubhono agama Yahudi: koe monsule, koe fopongko, koe mosibu, koe mekapoindalo pata membalino hakumu, bhe sabhaha pahinta sigaoꞌano, ingka noꞌonumo ne bhoasao sehondano ini, “Moasiꞌao mie bhaimu peda kaasimu ne wutomu.”

Roma 7:8

Tamaka noangka ne tubhono agama maitu, o dhosa neꞌawa kasalawa nefolua sabhaha kapoindalo modai weo totono laloku. Kapaꞌamo ane pae bhe tubhono agama, ingka o dhosa pae bhe nepoolinoa, kanggetumo nomate.

1 Tesalonika 4:5

Weo dadimiu, koe taangka-angkafimo nafusuuno mbadhamiu, peda nehabundo bansano liwu tapa mandeꞌaono Lahataꞌala.

Roma 3:5

Tamaka ane kaꞌadhilino Lahataꞌala sedhuluꞌa kantaleano hampano habu modaintoomu, kaowu damugauꞌomu nada amai bhahaa? (Pugauku ini aangkafi kaowu fekihindo manusia.) Bhahaa damugau putae Lahataꞌala miina naꞌumadhilia ane namondawu kaita kahukumuno?

Kolose 3:5

Dadiꞌanomo fekamateeꞌomu weo totono lalomiu sabhaha fekihino dhunia: podiu tampahasa bhe pokahaku, o nafusuu bhe kapoindalo modai bhe kakadau-dau, kapaꞌamo o kakadau-dau ini ingka nopototo bhe desombai barahala.

Efesus 5:3

Hintimiu umati mongkilono Lahataꞌala, dadiꞌanomo miina namantasia mepakeomu podiu pokawite-wite bhe pokahaku tawa kakadau-dau. Podiu medando aini mahingga sumambilieꞌomu koise.

Roma 7:13

Kaowu nokomaꞌana bhahaa metaaꞌano maitu neowa kanau mate? Tantumo miina! Ingka o dhosamo meowano mate, ⸤ suano tubhono agama⸥ . O dhosa nepake kaowu metaaꞌano naꞌa ⸤ maꞌanano tubhono agama⸥ neowa kanau mate, neanomo sifatino dhosa nentaleamo. Pedamo anaꞌa noangka ne pahintano agama, nokobukutiimo kaꞌosano kadaino dhosa.

Roma 7:11

Noangka ne pahintano agama maitu, dhosa neꞌawa kasalawa nobhohe-bhoheꞌi kanau, bhahamoa noangka ne pahinta maitu nopongko kanau.

Roma 7:5

Endefiꞌini dodadiomu doangkafi kamanusiantoomu. Wakutuu anaꞌa katokano mbadhantoomu nokuasaiꞌe sabhaha kapoindalo modai, dhohono nofoluaꞌe tubhono agama Yahudi, sampe fahalaano ingka neowa mate.

Roma 6:15

Kaowu peda ae? Naembali bhahaa daehabu kansuhu dhosa, hampano ingka miinamo damasande ne tubhono agama Yahudi tamaka dopasandemo ne rahamatino Lahataꞌala? Ingka teteweimo paise!

Roma 4:1

Kaowu ane dasumambili Abraham awuantoomu, damugauꞌao ae?

Tula-tulando rasulu 20:33

Miinaꞌo sepaliꞌa akonimesaloa ne laꞌae-laꞌaemoa, nasalaka, nabulawa, tawa o pakea.

Lukas 12:15

Ambano toha Yesus ne mie bhahi, “Posiꞌondoomu bhe kodhagaomu ne sabhaha kakadau-dau, kapaꞌamo mahinggamo mie napontalabhi-labhi kahangkaeano, dadino miina naeate ne kahangkaeano naꞌa.”

Matius 5:28

Tamaka ambaku Idi, ane seemie moꞌane nowoha hobhine maka lasao gaono napomoodofiane, ingka nomonsuleanemo weo totono lalono.

Lukas 20:16

Ingka tetewei namai namongkolida, maka kaampono naꞌa namaꞌandae mie sigaoꞌano so kumahadhaaꞌe.” Dofetingke peda maitu mie bhahi dopugaumo ambado, “Tetewei paise!”

Roma 5:20

Katifosampuꞌano tubhono agama Yahudi, neanomo manusia damandeꞌao lalondo putae kaꞌalando dhulu kabhahi. Ampamo kaowu sedhuluꞌa kabhahino kaꞌalando manusia, sedhuluꞌa dua kapontalabhi-labhino rahamatino Lahataꞌala.

Ibrani 7:19

Tubhono agama Yahudi naꞌa miina naeowa dadi sumangka ne laꞌae maka dua, kanandooꞌanomo dowaꞌa kaita posahunaꞌao sedhuluꞌano kataa. Hampano posahunaꞌao anaꞌa nembalimo domaꞌotiomu Lahataꞌala.