Roma 7:21 - Muna Southern Dialect

²¹ Kapuliaono aeala tubho peda aini: ane patudhuku ahumabu metaaꞌano, sadhia modaiꞌano tumangkumi kanau.

Roma 7:21 Referans Kwoze

Roma 7:23

tamaka ne katokano mbadhaku awoha tubho sigaoꞌano, poewangino bhe tubhono Lahataꞌala neꞌakuino fekihiku. Panda-pandano idi ini kanggetumo notohongku kanau dhosa, kumuasainomo katokano mbadhaku.

Ibrani 2:17

Kanandooꞌanomo Yesus nofaraluu nopototoane ⸤ Lahataꞌala⸥ bhe bhahitieꞌino ne ae maka dua, kaembaliꞌanomo Imamu Bhalano tiposahunaꞌaono, mobhelano lalo ne mie bhaino bhe meompuno ne Lahataꞌala. Pedamo dua anaꞌa neowa kapometaaꞌando manusia bhe Lahataꞌala mosalinomo dhosando umatino manusia.

Roma 8:2

Kapaꞌamo noangka ne Kristus Yesus, tubhono Rohino Lahataꞌala meowano dadi padamo nofobebasikoomu maiꞌao ne tubhono dhosa bhe mate.

Roma 6:14

O dhosa paemo naembali kafeompuꞌamiu, kapaꞌamo hintimiu miinamo masandeomu ne tubhono agama Yahudi, tamaka pasandeomu ne rahamatino Lahataꞌala.

Roma 6:12

Koemo undaꞌaaneomu o dhosa nokokuasa weo mbadha kasaramiu, keana sadhia angkafiomu kapoindalono.

2 Petrus 2:19

Mie andoa naꞌa dodhandianda kabebasi, gahaꞌaitumo wutondo mpahaguru-guruno maitu nofobhatuada kanea fofobinasano. Ingka dopandeꞌaane ane seemie manusia notalo, nembalimo bhatuano o ae maka dua tumaloe naꞌa.

Ibrani 4:15

Imamuntoomu, o Imamu Bhalano numamisino dua sabhaha kanalentoomu. Anoa nopototo bhe intaodiomu ini, padamo nonamisie sabhaha kasoba, ampamo kaowu miina nakodhosaa.

Yohanes 8:34

Ambano Yesus, “Amohatokoomu, kotu-kotuꞌu sasuka mehabuno dhosa, anoamo bhatuano dhosa.

Lukas 4:1

Yesus nokabhintiemo Rohino Lahataꞌala. Nosuli maiꞌao we umeleno Yordan noatoemo Rohino Lahataꞌala we pandaso bhalano.

Roma 7:25

Foampe kaitaomu katumpuno lalo ne Lahataꞌala, kasalamati aini noowae Yesus Kristus Ompuntoomu. Dadiꞌanomo peda aini koeateno dadiku ini: totono laloku nofeompu ne tubhono Lahataꞌala, tamaka mbadha kamanusiaku nofeompu ne tubhono dhosa.