Roma 6:6 - Muna Southern Dialect

⁶ Ingka dopandeꞌaanemo, kamanusianto ngkodauꞌano dopongkoemo te sau salipu poowa bhe Kristus, neanomo kuasano dhosa ne mbadhanto nahumansurumo. Dadiꞌanomo paemo namobhatua kaita dhosa.

Roma 6:6 Referans Kwoze

Galatia 2:20

Tamaka ampa aitu adadimo. Ampamo kaowu suanomo dadiku wutokua, tamaka Kristus dumadino we laloku ini. Dadi nedambaꞌaoku ini, ingka o dadi weo kaparasaea ne Anano Lahataꞌala. Anoa noasi kanaumo sampe nofotawakala wutono dopongkoe so idi.

Efesus 4:22

Ingka padamo dofoinaꞌukoomu peda aini: hunsaeꞌomu toha kodadimiu ngkodauꞌano, kapaꞌamo dadimiu ngkodauꞌano naꞌa nodai-daiꞌe sabhaha kapoindalo fofekakolilinono.

Galatia 5:24

Mie membalino fehebuaꞌano Kristus Yesus, kapoindalono mbadhano padamo dofekamatee te sau salipu, maꞌanano sabhaha nafusuu bhe kapoindalono kamanusiano dosobuemo.

Galatia 6:14

Tamaka o idi akiido naowose bhakeku ne ae maka dua, mpahinomo Ompuntoomu Yesus Kristus mateno te sau salipu nefosibhalakua. Kapaꞌamo mbaꞌinomo mateno Kristus te sau salipu, dhunia ini miinamo bhe fahalaanoa so idi, kao-kaomo nomatemo so idi. Pedamo dua idi ini, kao-kaomo amatemo so dhunia.

Kolose 3:5

Dadiꞌanomo fekamateeꞌomu weo totono lalomiu sabhaha fekihino dhunia: podiu tampahasa bhe pokahaku, o nafusuu bhe kapoindalo modai bhe kakadau-dau, kapaꞌamo o kakadau-dau ini ingka nopototo bhe desombai barahala.

Roma 8:13

Ane dumadi mangkafiomu kapoindalono mbadha, tetewei momateomu, tamaka ane bhe kuasano Rohino Lahataꞌala ⸤ sadhia⸥ mongkoeꞌomu sabhaha habu modaino mbadha, tetewei dumadiomu.

Roma 6:22

Tamaka ampa aitu padamo dofobebasikoomu maiꞌao ne dhosa maka membalimoomu bhatuano Lahataꞌala. Labamiu naeowaangkoomu dadi mongkilo, kaopuliꞌano dadi suhue dhamani.

Roma 6:12

Koemo undaꞌaaneomu o dhosa nokokuasa weo mbadha kasaramiu, keana sadhia angkafiomu kapoindalono.

Roma 7:14

Ingka dopandeꞌaanemo tubhono agama Yahudi nomaiꞌao ne Rohino Lahataꞌala, tamaka idi ini o manusia monale. Padamo doaso kanau aembali bhatuano dhosa.

2 Korintus 5:14

Kanini kaasino Kristus nowadhumpa kainsami, hampano tapandeꞌaanemo lalo mani ane seemie nomateꞌao mie bhahino, nokomaꞌana kosasawindo domatemo.

Titus 3:3

Endefiꞌini intaodiomu dobhoheomu dua, miina daeangkaa bhe nokolilino totono lalontoomu, dembaliomu bhatuano nafusuu bhe sabhaha kapoindalono mbadha. Dadintoomu noponoꞌao podiu modai bhe kakonduano lalo, o mie dofobansi bhe intaodiomu dobansi dua mie bhainto.