Roma 6:5 - Muna Southern Dialect

⁵ Ane doseꞌisemo bhe Kristus dopototoomu weo mateno, ingka tetewei daseꞌise dua weo kawanuꞌano maiꞌao ne mate.

Roma 6:5 Referans Kwoze

Kolose 2:12

Kapaꞌamo wakutuuno dokadiu saranikoomu, ⸤ membaliomu peda mie mate maka⸥ dokobuhukoomu bhe Kristus. Weo kakadiu saranimo dua anaꞌa, hintimiu itu suli dofodadikoomu bhe Kristus, hampano parasaeaꞌomu ne kuasano Lahataꞌala toka mowanuno Kristus maiꞌao ne mate.

2 Korintus 4:10

Mateno Yesus sadhia tawoowae ne mbadha mani, neanomo dadino Yesus natiwoha dua ne mbadha mani.

Kolose 3:1

Ingka dofowanukoomu maiꞌao ne mate poowa bhe Kristus. Dadiꞌanomo ondofiomu ndumandooꞌano te surugaa. Ne itumo Kristus nengkoha ne suanano Lahataꞌala.

Matius 15:13

Yesus tanotobhoosida ambano, “Kotika kantisa tapa netisano Amaku te surugaa, tetewei damadae dabunatie.

Yohanes 12:24

Amohatokoomu, kotu-kotuꞌu ane onuno gandum pae naondawu ne wite maka namate, daa-daaꞌe seꞌonu. Tamaka ane namate, kaneꞌomo natumumbu maka naobhahi bhakeno.