Roma 6:4 - Muna Southern Dialect

⁴ Weo kakadiu sarani, intaodiomu domatemo bhe padamo dofokobuhu poowa bhe Kristus, neanomo tapedamo wutono Kristus dofodadie maiꞌao ne mate hampano kuasano Amano kumalabhiano, intaodiomu dua dadumadi weo dadi buꞌou ⸤ te dhunia ini⸥ .

Roma 6:4 Referans Kwoze

2 Korintus 5:17

Sasuka seꞌiseno bhe Kristus ingka nembalimo manusia buꞌou, ngkodauꞌano nolalomo, nohatomo buꞌouꞌano.

Kolose 3:10

Ampa aitu dowaꞌangkomoomu dadi buꞌou, hintimiu membalimoomu manusia buꞌou. Mokonandoono dadi buꞌou naꞌa nopahabuꞌounikoomu kansuhu ampa sifatimiu napototo bhe Wutono. Patudhuno neanomo mandeꞌaaneomu mpuu wutono Lahataꞌala maitu.

Roma 7:6

Tamaka ampa aitu domatemoomu maiꞌao ne tubhono agama Yahudi, dobebasimoomu maiꞌao ne tubho fokuhumano. Ampa aitu intaodi dofeompu ne Lahataꞌala doangkafi tubho buꞌou, tubhono Rohino Lahataꞌala; miinamo damangkafi tubho ngkodau tibuhino weo Kitabi.

1 Petrus 3:21

Kadhadhia aitu nembalimo kaꞌibahatino kakadiu sarani, mosalamatikomoomu ampa aitu. Kakadiu sarani miina nakopatudhu namekanggelaꞌi sabhaha mohakuꞌano ne mbadha, tamaka patudhuno desalo kangkilono totono lalo kumatanga-tangano ne Lahataꞌala. Kanandooꞌano bhahi-bhahiꞌae maitu mbaꞌinomo Yesus Kristus nowanumo maiꞌao ne mate.

Roma 6:9

Kapaꞌamo dopandeꞌaanemo, nopalusi kawanuꞌano maiꞌao ne mate, Kristus paemo namatea, ingka miinamo nakumuasaiꞌe mate.

2 Korintus 13:4

Daanumo kanaleno Kristus notiwoha wakutuuno dokantaiꞌe te sau salipu, tamaka ampa aitu nodadi hampano kuasano Lahataꞌala. Pedamo dua anaꞌa, insaodi seꞌiseno bhe Anoa taonale, tamaka hampano kuasano Lahataꞌala tadumadi tapoowa bhe Anoa so kaetaaꞌamiu.

Roma 6:3

Miinaꞌo mandeꞌaaneomu gahaꞌa putae wakutuuno dekadiu sarani kosasawintoomu ini doseꞌisemo bhe Kristus Yesus? Aini nokomaꞌana doseꞌisemo bhe mateno Kristus.

1 Yohanes 2:6

Laꞌae mugauno nodadi noseꞌise bhe Lahataꞌala, tabeano nadumadi namangkafi sandahano dadino Yesus Kristus.

1 Korintus 6:14

Lahataꞌala mowanuno Ompu Yesus maiꞌao ne mate, namodadi kaita dua hampano kuasano.

Roma 8:11

Ane Rohino Lahataꞌala madano mowanuno Yesus maiꞌao ne mate neate weo totono lalomiu, maka Anoa mowanuno Kristus Yesus maiꞌao ne mate naꞌa, teteweimo dua namodadi mbadha kasaramiu itu, namangka ne Rohino meateno weo totono lalomiu.

Efesus 4:17

Dadiꞌanomo, amohatokoomu weo neano Ompu bhe amodhagakoomu: koemo toha dadiomu peda mie tapa mandeꞌaono Lahataꞌala, mefekihino sabhaha tapa kofahalaano.

Roma 6:19

Kaesambiliꞌaku bhatua, aesandaha kaowu ne dadindo manusia seꞌo-seꞌoleo, kapaꞌamo nomahasai melosangiomu. Endefiꞌini ingka owaomu katokano mbadhamiu membaliomu bhatuano sabhaha diu timohaku bhe patudhu modai meowano kadai. Tamaka ampa aitu owaomu katokano mbadhamiu membaliomu bhatua so mehabuno kabanara meowano dadi mongkilo.

Yohanes 11:40

Ambano Yesus, “Ingka padamo afohatoko, ane marasaea omoha kakalabhiano Lahataꞌala.”

Tula-tulando rasulu 2:24

Tamaka Lahataꞌala nofodadie, nofolapae nomaiꞌao ne kakadee-deeno mate, hampano pae bhe kapoolia nasumadaa-daa nakumuasaiꞌe mate.

Kolose 4:1

Hintimiu membalino kafeompuꞌa, fekaꞌadhili bhe fekalaa lalomu ne bhatuamiu, ingka pandeꞌaaneomu bhe kafeompuꞌamiu dua te surugaa.

Efesus 5:8

Daanumo endefiꞌini hintimiu meateomu weo kahohondo, tamaka ampa aitu pesuamoomu we mentaleaꞌano, seꞌisemoomu bhe Ompu. Dadiꞌanomo dadiomu peda mie meateno ne mentaleaꞌano.

Yohanes 2:11

Kadhadhia aini tanda timenteꞌaono kabhao-bhaonomo nehabuno Yesus; nokadhadhia we liwuno Kana kadieno Galilea. Pedamo aini Yesus nofotiwoha kakalabhiano sampe anaguhuꞌino doparasaeaꞌemo.

Tula-tulando rasulu 2:32

Nepulaoꞌaono Daud naꞌa o Yesus, nefowanuno Lahataꞌala nomaiꞌao ne mate. Kosasawiꞌa mani ini mohaꞌaono wuntano mata mani kadhadhia anaꞌa.

Roma 6:8

Ane domatemoomu poowa bhe Kristus, maka doparasaea teteweimo dua dadumadi poowa bhe Kristus.