Roma 6:23 - Muna Southern Dialect

²³ Ponambo netahima maiꞌao ne dhosa ingka o mate, tamaka kawaꞌaono Lahataꞌala ingka dadi suhue dhamani weo kaseꞌise bhe Kristus Yesus Ompuntoomu.

Roma 6:23 Referans Kwoze

Yohanes 3:36

Sasuka marasaeano ne Anano Lahataꞌala neꞌawamo dadi suhue dhamani; sasuka kumiidono marasaeano ne Anano Lahataꞌala paise nanumamisi dadi amaitu, tamaka amahano Lahataꞌala naeate te ntanabubuno.

Roma 5:12

O dhosa nopesua we dhunia ini hampano seemie manusia, nomaiꞌao ne dhosa nopesua dua mate, maka o mate nokangkanai kosasawindo mie, mbaꞌinomo kosasawindo manusia dokodhosamo.

Yakobus 1:15

Ane kapoindalo modai naꞌa doangkafie, losanomo o dhosa, maka o dhosa nobhala kaowu neowa mate.

Yohanes 6:40

Ainiꞌaemo kapoindalono Amaku, gaono mpuu sasuka mohano Anano bhe marasaeano ne Anoa naeꞌawa dadi suhue dhamani maka amodadie ne Oleono Kiama.”

Matius 25:46

Andoa ini damesua weo kakadee-dee suhue dhamani, tamaka mie banara daeꞌawa dadi suhue dhamani.”

Yohanes 5:24

Amohatokoomu, kotu-kotuꞌu sasuka metingkeno wambaku bhe marasaeano ne Tumudu kanau, ingka neꞌawamo dadi suhue dhamani. Paise naeꞌawa kahukumu, kapaꞌamo nogampimo maiꞌao ne mate nopesuamo weo dadi.

Roma 5:21

Kuasano dhosa noangka ne mate, tamaka ampa aitu rahamatino Lahataꞌala kokuasano hampano nofotahimamo peda mie banara. Rahamatimo aini meowano dadi suhue dhamani namangka ne Yesus Kristus Ompuntoomu.

Roma 2:7

Namaꞌao dadi suhue dhamani ne mie kumampuu-mpuuno humabu metaano hampano deꞌondofi dadi tapa binasano, dadi kumalabhia bhe dadi tifosibhala.

Yohanes 10:28

Andoa awaꞌanda dadi suhue dhamani, tetewei pae dabinasaa suhue dhamani bhe naseemie pae bhe so magoida maiꞌao ne limaku.

Powoha 21:8

Tamaka mie katehe, mie tapa marasaeano, mie timolampi, mie fopongkono, pokawite-witeno, kowuhakeno, mesombaino barahala bhe sabhaha mie kopahano, andoa maitu daꞌumawa dawundo weo efi ngkowaleha ngkalai-laino ne kantobha bhalano. Anoamo ini mate kahaa pakuno.”

Titus 1:2

Kafoinaꞌu aini nengkoha ne posahunaꞌaontoomu daeꞌawa dadi suhue dhamani. Dadi anaꞌa padamo nofodhandiane Lahataꞌala mpini miinaꞌo natifokonandoo dhunia. Ingka Lahataꞌala miina bhe kapooli nakopahaa.

Roma 5:17

Hampano dhosano mie seemie, o mate nokokuasa ne manusia dhohono pokaiꞌano bhe mie aitu. Ingka nopobhansule sepaliꞌa losano nehabuno manusia seemieno, Yesus Kristus. Kapaꞌamo noangka ne Yesus Kristus, dotahimamoomu rahamatino Lahataꞌala pontalabhi-labhino bhe kawaꞌaono notahima kaita peda mie banara sampe dadumadi bhe dakokuasa ne dhunia ini.

Roma 6:16

Miina mandeꞌaaneomua gahaꞌa, ane doowa wutondo ne seemie manusia so dadhumalangiꞌao kapoindalono, ingka dembalimo bhatuano mie neangkafi maitu; bheanea dembali bhatuano dhosa meowano mate, bheanea dembalimo bhatua meangkano ne Lahataꞌala, meowano katitahimaꞌanto peda mie banara.

Yohanes 17:2

Kapaꞌamo ingka Anamu padamo waꞌane kuasa ne kosasawindo manusia, neanomo Anamu namaꞌanda dadi suhue dhamani ne kosasawindo manusia toka newaꞌaomu ne Anoa.

Yohanes 6:68

Notobhoosimo Simon Petrus ambano, “Waompu, takumala se laꞌae bhahaa? Wambamumo meowano dadi suhue dhamani.

Yohanes 6:27

Koise kahadhaaꞌomu so meꞌawaꞌaoꞌomu oti so mowoloꞌano, tamaka tabeano kahadhaaꞌomu so meꞌawaꞌaoꞌomu oti tumarano ampa suhue dhamani. Oti anaꞌa namaꞌangkoꞌeomu Anano Manusia - Idimo ini - hampano Anoamo nefopoolino Lahataꞌala Amano.”

1 Yohanes 2:25

Maka nepodhandiꞌaono wutono Kristus ne intaodiomu, ingka o dadi suhue dhamani.

Galatia 3:10

Notibuhi weo Kitabi peda aini, “Mie tapa dhumalangino kosasawiꞌae tubhono agama tibuhino weo Kitabi nakumangkanaiꞌemo balaa.” Dadiꞌanomo kosasawindo tumangkaꞌaono tubhono agama Yahudi ⸤ so kaangkaꞌando dapometaa bhe Lahataꞌala⸥ , ingka sanea so nekangkanaino balaa ⸤ kapaꞌamo pae bhe so mondoiꞌea⸥ .

Yohanes 4:14

tamaka sasuka mohoꞌuno oe newaꞌaoku, paemo nakekele wuꞌuno ampa suhue dhamani. O oe so newaꞌaoku naembali matano oe we lalono, oeno napontalua-lua kansuhu naeowa dadi suhue dhamani.”

Yohanes 4:36

Aitu mie tumobheno notahimamo ponambono, nefoꞌonu pehapino so kadadiꞌa ampa suhue dhamani. Dadiꞌanomo metisano bhe tumobheno sanea mowulano lalo.

Roma 1:32

Andoa dopandeꞌaane weo pahintano Lahataꞌala, mie humabuno bhahi-bhahiꞌae maitu nopantasimo damongkoe. Tamaka mahinggamo peda anaꞌa, tadohabumo kansuhu, bhahamoa dopoindaloe dua ane dohabue mie bhaindo.

Roma 6:21

Wakutuu anaꞌa o laba ae bhahaa neꞌawamiu? Ingka mpahinomo kaambanono taꞌampamo aitu. Kapaꞌamo kaopuliꞌano sabhaha habu anaꞌa o mate.

Roma 8:6

Fekihino manusia nekuasaino kapoindalono mbadha neowa mate, tamaka fekihi nekuasaino Rohino Lahataꞌala neowa dadi bhe katohopono lalo.

Roma 8:13

Ane dumadi mangkafiomu kapoindalono mbadha, tetewei momateomu, tamaka ane bhe kuasano Rohino Lahataꞌala ⸤ sadhia⸥ mongkoeꞌomu sabhaha habu modaino mbadha, tetewei dumadiomu.

Roma 8:38

Aparasaea mpuu pae bhe so fopogaatiꞌaono bhe kanini kaasino Lahataꞌala: naetaa mate naetaa dadi, mahinggamo malaꞌekati mahinggamo kokuasano, naetaa kadhadhia ampa aitu naetaa kadhadhia mada kaowu, tawa kuasa sigaoꞌano,

Roma 8:39

kokuasano te lani tawa kokuasano we wite, tawa mahaluku sigaoꞌano, saneamo pae damoolia dapogaati kaita bhe kanini kaasino Lahataꞌala mangkaꞌano ne Kristus Yesus Ompuntoomu.