Biblia Todo Logo
Bib sou entènèt

- Piblisite -




Roma 5:17 - Muna Southern Dialect

17 Hampano dhosano mie seemie, o mate nokokuasa ne manusia dhohono pokaiꞌano bhe mie aitu. Ingka nopobhansule sepaliꞌa losano nehabuno manusia seemieno, Yesus Kristus. Kapaꞌamo noangka ne Yesus Kristus, dotahimamoomu rahamatino Lahataꞌala pontalabhi-labhino bhe kawaꞌaono notahima kaita peda mie banara sampe dadumadi bhe dakokuasa ne dhunia ini.

Gade chapit la Kopi




Roma 5:17
26 Referans Kwoze  

O dhosa nopesua we dhunia ini hampano seemie manusia, nomaiꞌao ne dhosa nopesua dua mate, maka o mate nokangkanai kosasawindo mie, mbaꞌinomo kosasawindo manusia dokodhosamo.


Pedamo dua intaodiomu ampa aitu dopototoomu bhe Adam, maiꞌao ne bungahasi, namada kaowu dapototoomu dua bhe Kristus maiꞌaono te surugaa.


Kasoꞌo nomai kaowu nosibu, nofopongko bhe nofofekabinasa, tamaka o Idi amai so daeꞌawaꞌao dadi, bhe dadumadi napontalabhi-labhi.


ane dakosabahaomu dapotaamiꞌao kakadee-dee, ingka mada kaowu damahinta dua bhe Anoa; ane dagumaga miina damandeꞌaane, ingka mada kaowu nagumaga dua miina nafopandeꞌao;


Ne itu paemo bhe kohondoꞌa, paemo dua daefaraluu kantalea bhe tilangano oleo, kapaꞌamo Ompu Lahataꞌala somo mekantaleada. Andoa damahinta nada omputo ampa suhue dhamani.


Dokodawua bhe dongkilo mpuu meꞌawano kadawu ne kawanuꞌando mie mate kabhao-bhaono naꞌa. O mate kahaa pakuno paemo nakokuasa ne andoa, tamaka daembali imamuno Lahataꞌala bhe Kristus, bhe damahinta nada omputo nasehewu taꞌu kaomponano.


Pada anaꞌa awohamo nobhahi kaengkohaꞌano omputo bhe mie mengkohafie; andoa dowaꞌanda kuasa so dafobhotusiꞌao. Awohamo dua alusundo mie titompeꞌano wuꞌu hampano dosakusiiꞌao kaparasaendo ne Yesus bhe dofintahaki bhoasaono Lahataꞌala. Mie andoa ini miina dua dasumombai kadadi anaꞌa bhe patungno, bhe miina dua daetahima katandano ne kondaꞌindo bhe ne limando. Andoa ini suli dodadi bhe dopahinta peda omputo dopoowa-owa bhe Kristus sehewu taꞌu kaomponano.


Sasuka fotalono amongkohae te kaengkohaꞌaku kumalabhiano ⸤ so damahintaꞌao⸥ dapoowa bhe Idi, pedamo dua Idi padamo afotalo maka aengkoha apoowa-owa bhe Amaku te kaengkohaꞌano kumalabhiano.


Tamaka hintimiu bansano liwu tipilino, imamu meompuno ne Omputo, bansano liwu mongkilono, umati fehebuaꞌano wutono Lahataꞌala. Lahataꞌala nopilikoomu bhe nobhasikoomu maiꞌao weo kahohondo pesuaꞌomu weo kantalea kumalabhiano, neanomo moleleeꞌomu sabhaha habuno timenteꞌaono.


bhe kotu-kotuꞌu aseꞌise bhe Anoa. Katitahimaꞌaku ne Lahataꞌala peda mie banara suanomo kaowuleꞌano wutoku adhalangi tubhono agama, tamaka katitahimaꞌaku ne Lahataꞌala mbaꞌinomo aparasaea ne Kristus. Dadiꞌanomo katitahimaꞌa peda mie banara naꞌa nomaiꞌao ne Lahataꞌala, nengkoha ne kaparasaea ne Kristus.


Bhahamoa nopontalabhi-labhi rahamatino Ompuntoomu ne idi. Nowaꞌa kanau dua kaparasaea ne Kristus Yesus bhe kanini kaasi ne mie bhaiku.


Bhahitieꞌiku timoasiꞌaono, fetingke kanauꞌomu! Mie mokae ne pomatano dhunia ingka nofepilida Lahataꞌala, dembali mie hangkaea weo kaparasaeando. Andoamo dua so kohakuꞌaono metahimano kadawu weo Kafopahintaꞌano Lahataꞌala, peda nedhandiꞌaono Lahataꞌala ne mie moasiane.


Anoamo humabu kaita mbali bansano liwundo omputo bhe imamu meompuno ne Lahataꞌala Amano. Somo Anoa kakalabhia bhe kuasa suhue dhamani. Amin.


Ingka fekihimiu moweꞌimoomu, mohangkaeamoomu, membaliomu kafeompuꞌa, ingka miina maraluu kainsamiomua. Kakesa maka ane kotu-kotuꞌu membaliomu kafeompuꞌa, neanomo naembali tamahinta tapoowa bhe hintimiu.


Ponambo netahima maiꞌao ne dhosa ingka o mate, tamaka kawaꞌaono Lahataꞌala ingka dadi suhue dhamani weo kaseꞌise bhe Kristus Yesus Ompuntoomu.


Katifosampuꞌano tubhono agama Yahudi, neanomo manusia damandeꞌao lalondo putae kaꞌalando dhulu kabhahi. Ampamo kaowu sedhuluꞌa kabhahino kaꞌalando manusia, sedhuluꞌa dua kapontalabhi-labhino rahamatino Lahataꞌala.


Omputo anaꞌa napugau ne mie we suanano ambano, ‘Maimoomu, hintimiu nebarakatino Amaku, tahimamoomu Kafopahintaꞌa toka nefontaa-ntaano so hintimiu mpini pakatifokonandoono dhunia.


kokuasano te lani tawa kokuasano we wite, tawa mahaluku sigaoꞌano, saneamo pae damoolia dapogaati kaita bhe kanini kaasino Lahataꞌala mangkaꞌano ne Kristus Yesus Ompuntoomu.


Ampamo kaowu kaꞌalano Adam miina napototoa bhe kawaꞌaono Lahataꞌala. Hampano kaꞌalano seemieno maitu, manusia bhahino nokangkanaidamo mate, gahaꞌaitu neowano seemieno ⸤ mbuhumaiꞌano⸥ nopobhansule sepaliꞌa: noangka ne manusia Yesus Kristus ini Lahataꞌala nofosampu rahamatino bhe kadawuno pontalabhi-labhino ne manusia bhahino.


O dhosa paemo naembali kafeompuꞌamiu, kapaꞌamo hintimiu miinamo masandeomu ne tubhono agama Yahudi, tamaka pasandeomu ne rahamatino Lahataꞌala.


Swiv nou:

Piblisite


Piblisite