Roma 4:13 - Muna Southern Dialect

¹³ Lahataꞌala nopodhandi ne Abraham bhe sampuꞌano namaꞌanda dhunia ini somo fehebuaꞌando. Dhandi aini nobhoasaane Lahataꞌala suano mbaꞌinomo Abraham noangkafi tubhono agama Yahudi, tamaka hampano kaparasaeano, sampe Lahataꞌala notahimae peda seemie banara.

Roma 4:13 Referans Kwoze

Galatia 3:29

Ane hintimiu membalimoomu fehebuaꞌano Kristus, maka membalimoomu dua sampuꞌano Abraham, dadiꞌanomo kohakumoomu dua tumahimaomu dhandino Lahataꞌala.

Roma 9:8

Aini nokomaꞌana sampuꞌano Abraham tilentuno anaꞌino Lahataꞌala mpahinomo sampuꞌano maiꞌao ne anaꞌi nepodhandiꞌao, suano anaꞌino lumenteno peda anaꞌi sigaoꞌano.

Tula-tulando rasulu 13:32

Dadiꞌanomo insaodi ini tafoleleangkoomu Bhihita Metaa; maꞌanano dhandino Lahataꞌala ne awuaꞌintoomu,

Roma 4:12

Abraham nembali dua amando mie marasaeano toka nesuna, sumanomo miina kaowu daesuna tamaka dotapi koinaꞌano kaparasaeano Abraham awuantoomu, tiwohano wakutuuno miinaꞌo naesuna.

Ibrani 7:6

Melkisedek suano sampuꞌano Lewi, gahaꞌa netahima dua seompulu dawuꞌa maiꞌao ne sabhaha nepoolino Abraham. Anoa nobarakati dua Abraham, gahaꞌaitumo Abraham maitu ingka tumahimanomo dhandino Lahataꞌala.

Ibrani 11:7

Hampano kaparasaeano, Nuh nofodhagae Lahataꞌala so kumadhadhiaꞌano te wise, tapaꞌo newohano. Nuh neangka ne Lahataꞌala sampe nefotoka bhangka bhalano, mbalimo mosalamatie bhe koseꞌonu polambuno. Noangka ne kaparasaeano naꞌa dhunia dohukumue, tamaka wutono Nuh notahimae Lahataꞌala peda seemie banara hampano kaparasaeano.