Roma 3:11 - Muna Southern Dialect

¹¹ Miina bhe kofekihino, miina bhe umondofino Lahataꞌala.

Roma 3:11 Referans Kwoze

Titus 3:3

Endefiꞌini intaodiomu dobhoheomu dua, miina daeangkaa bhe nokolilino totono lalontoomu, dembaliomu bhatuano nafusuu bhe sabhaha kapoindalono mbadha. Dadintoomu noponoꞌao podiu modai bhe kakonduano lalo, o mie dofobansi bhe intaodiomu dobansi dua mie bhainto.

Roma 8:7

Fekihino mie nekuasaino kapoindalono mbadha sapoewangi bhe Lahataꞌala, mbaꞌinomo miina natumuhu ne pahintano Lahataꞌala. Mie medando aitu daanumo pae namoolia natumuhua ne Lahataꞌala.

1 Yohanes 5:20

Dopandeꞌaanemo dua Anano Lahataꞌala padamo nomai we dhunia ini, nowaꞌa kaitaomu kapooli damandeꞌao Anoa banarano. Intaodiomu dodadi doseꞌise bhe Lahataꞌala, doseꞌise dua bhe Yesus Kristus, Anano. Anoamo itu Lahataꞌala sakotuꞌuno, Anoamo dua meowano dadi suhue dhamani.

Roma 1:28

Andoa donamisi wutondo miinamo namaruluua damekihi Lahataꞌala, maka tanofolapasadamo ne sabhaha fekihi tapa kofahalaano sampe dohabumo tapa mantasiꞌano.

Roma 1:22

Doabhi wutondo dopandemo, gahaꞌaitumo dobhohe.

Matius 13:19

Kotika mie metingkeno bhoasao Kafopahintaꞌano Lahataꞌala tamaka miina nalumosangiea, nomaiꞌie Kafeompuꞌando seetani norampasi bhoasao kaneꞌo neꞌewi weo totono lalondo maitu. Aitumo maꞌanano wine mondawuꞌano ne kaangkaꞌa.

Roma 3:10

Kapaꞌamo weo Kitabi notibuhi peda ini, “Miina bhe mie banara, maumo naseemie.

Roma 3:12

Kosasawindo manusia dekapingkamo kaangkaꞌando, miinamo dakofahalaaꞌa, miina bhe humabu metaano, maumo naseemie.