Roma 2:7 - Muna Southern Dialect

⁷ Namaꞌao dadi suhue dhamani ne mie kumampuu-mpuuno humabu metaano hampano deꞌondofi dadi tapa binasano, dadi kumalabhia bhe dadi tifosibhala.

Roma 2:7 Referans Kwoze

Lukas 8:15

Mondawuꞌano ne wite menowu maꞌanano mie metingkeno bhoasaono Lahataꞌala, dofekataaꞌe mpuu weo totono lalondo metaaꞌano. Andoa dopotaami kansuhu ampa dokohasili.”

2 Timotius 1:10

Ampa aitu Lahataꞌala nofotiwohamo rahamatino weo hatono Omputo Fosalamatino Yesus Kristus. Anoa notalomo kuasano mate maka nofosusuꞌao dadi buꞌou so tapa binasano noangka weo Bhihita Metaa.

1 Korintus 15:58

Dadiꞌanomo, bhahitieꞌiku timoasiꞌaono, fekatangka kofindamiu, koise meando-andoa, sadhia foma-fomaiꞌomu lalomiu weo kahadhaano Ompu! Ingka pandeꞌaaneomu weo kaseꞌisemiu bhe Ompu kawulemiu pae nasumia-siaꞌa.

Roma 6:23

Ponambo netahima maiꞌao ne dhosa ingka o mate, tamaka kawaꞌaono Lahataꞌala ingka dadi suhue dhamani weo kaseꞌise bhe Kristus Yesus Ompuntoomu.

Kolose 1:27

Ne umatinomo ini, gaono Lahataꞌala namotiwohae kabhalano kabarakatino bhe kakalabhiano rahasia aitu so sabhaha bansano liwu te dhunia ini. Rahasia anaꞌa peda aini: Kristus neate weo totono lalondo umatino, Anoamo puuno kaposahunaꞌaomiu so menamisiꞌaoꞌomu dua kakalabhiano Lahataꞌala.

Galatia 6:9

Dadiꞌanomo koise dowoowulea dahumabu metaaꞌomu, kapaꞌamo nahumato tempono datumahimaomu pehapintoomu, sumanomo koise dofetumpuomu.

Roma 8:18

Aparasaea mpuu, sabhaha kakadee-dee netompalointo ne dhamani aini pae sepaliꞌa napobandingia bhe kakalabhia pataꞌo tiwohaꞌano so neꞌawantoomu mada kaowu.

Roma 2:10

Tamaka sasuka mie humabu metaano daeꞌawa kakalabhia, kafosibhala bhe katohopono dadi maiꞌao ne Lahataꞌala, natumanda ne miendo Yahudi, bhe bansano liwu sigaoꞌano dua.

1 Yohanes 2:25

Maka nepodhandiꞌaono wutono Kristus ne intaodiomu, ingka o dadi suhue dhamani.

Roma 9:23

Kahabuꞌano peda anaꞌa Lahataꞌala, neanomo namotipandeꞌao kakalabhiano pontalabhi-labhino ne mie nemobhelaꞌaono lalono, mie toka nefontaa-ntaano wawo so tumahimano kakalabhiano.

Yohanes 5:44

Hintimiu gaomiu damosibhalakoomu mie bhaimiu, miina meꞌondofiomu kafosibhala maiꞌao ne Kaseemie-mieꞌano. Dadiꞌanomo, nada amai marasaeaꞌomu gahaꞌa?

Ibrani 6:15

Abraham nokosabaha neanta-antagi ampa noꞌawamo nedhandiꞌaono Lahataꞌala naꞌa.

Ibrani 6:12

Takiido membaliomu mie mantawa, tamaka gao mani mangkafiomu sandahano mie tumahimano nedhandiꞌaono Lahataꞌala hampano kaparasaea bhe kakosabahando.

Matius 25:46

Andoa ini damesua weo kakadee-dee suhue dhamani, tamaka mie banara daeꞌawa dadi suhue dhamani.”

Lukas 21:19

Ane potaamiomu, sumalamatiomu bhe meꞌawaomu dadi sakotuꞌuno.”

Yohanes 4:36

Aitu mie tumobheno notahimamo ponambono, nefoꞌonu pehapino so kadadiꞌa ampa suhue dhamani. Dadiꞌanomo metisano bhe tumobheno sanea mowulano lalo.

1 Korintus 15:42

Pedamo aini kawanuꞌando mie mate. Peda wine neꞌewi, o mbadha nekobuhu ingka o mbadha binasano, tamaka mbadha nefodadi o mbadha so tapa binasano.

1 Korintus 15:50

Bhahitieꞌiku, nepulaoꞌaoku peda aini: o dagi bhe hea pae bhe kapooli namesua weo Kafopahintaꞌano Lahataꞌala; o mbadha so binasano pae bhe kapoolia naeꞌawa dawu ne dadi so pata binasano.

Efesus 6:24

Sio-siomo Lahataꞌala nabarakatikoomu kosasawimiu moasiꞌaono Ompuntoomu Yesus Kristus weo kanini kaasi tapa mowoowolono.

1 Timotius 1:17

Nopantasi mpuu damosibhala bhe damudhi Lahataꞌala, kapaꞌamo Anoamo tapa metompaloino mate, Anoamo Omputo suhue dhamani, Anoamo tapa tiwohano, Anoamo Kaseemie-mieꞌano. Damosibhalae ampa suhue dhamani. Amin.

Ibrani 2:7

Sekabantaha fosampue seendai we pandado malaꞌekati, padamo dua waꞌane kaengkohaꞌa kumalabhia bhe tifosibhala peda omputo.