Roma 2:6 - Muna Southern Dialect

⁶ Kapaꞌamo Lahataꞌala namaꞌao manusia seemie-seemie naposahataa bhe habuno.

Roma 2:6 Referans Kwoze

2 Korintus 5:10

Kapaꞌamo ingka kosasawintoomu ini tetewei damewise ne kaengkohaꞌano Kristus so fobhotusino. Ne naꞌa seemie-seemie naꞌumawa so mantasiꞌano neꞌawano naposahataa bhe habuno mbadhano we dhunia, metaaꞌano tawa modaiꞌano.

Matius 16:27

Kapaꞌamo namada kaowu Anano Manusia namai weo kakalabhiano Amano dapoangkaꞌaane malaꞌekatino. Wakutuu anaꞌa namaꞌandamo ⸤ kabarakati tawa kahukumu⸥ ne manusia seemie-seemie naposahataa bhe habuno.

Powoha 22:12

⸤ Ambano Yesus⸥ “Tandaiꞌeomu! Apikimaimo. Aewowoꞌo ponambo so manusia naposahataa bhe habundo seemie-seemie.

Powoha 20:12

Awohamo dua mie komate-mateno nabhala nahobu deehe-ehe ne wiseno kaengkohaꞌa kumalabhiano maitu. Sabhaha kitabi dolengkaemo, maka delengkamo dua seꞌonu kitabi sigaoꞌano, Kitabindomo Mie Dumadi. Mie komate-mateno dobhitahakida noposahataa bhe habundo peda tibuhino weo kitabi maitu.

1 Korintus 3:8

Metisano bhe metubhasino ingka tanopototomo kahadhaando, seemie-seemie naꞌumawa ponambono naposahataa bhe kawuleno nokahadhaa.

Powoha 2:23

Mie mangkafie tetewei amongkoda maka kosasawiꞌae tombudo umati damandeꞌaane putae Idimo tumiisangino kakolalondo bhe fekihindo manusia. Idimo dua so bhoosiangkoomu seemie-seemie naposahataa bhe habumiu.

1 Korintus 4:5

Dadiꞌanomo koise paꞌindulu fobhotusiomu, antagiomu nahumato wutono Ompu. Anoa nalumengkasi sabhaha rahasia tifebunino weo kahohondo. Anoamo dua so tumalesaono sabhaha patudhu weo totono lalondo manusia. Ne naꞌamo seemie-seemie naetahima kapudhi so mantasiꞌano maiꞌao ne Lahataꞌala.

Roma 14:22

Fintahakimo fekihi aini weo totono lalomu, wutomu bhe Lahataꞌala kaowu mandeꞌaanea. Nokodawua mie tapa mabhino wutono nokokaꞌala hampano weo fekihino ingka noangkafi metaaꞌano.

2 Korintus 11:15

Dadiꞌanomo suanomo giu timenteꞌaono ane palima-limano Kafeompuꞌando seetani desahangka dua peda palima-limano kabanara. Panda-pandano daeꞌawa dua kahukumu naposahataa bhe habundo.

2 Timotius 4:14

Aleksander, pandeno tambaga itu, nobhahimo habu modaino ne idi. Hunsaꞌanomo Ompu so bhoosie naposahataa bhe habuno.