Roma 2:27 - Muna Southern Dialect

²⁷ Ane nada itu, mie tapa nesuna tamaka dhumalangino tubhono agama Yahudi tetewei damoꞌalakoomu. Kapaꞌamo hintimiu miendo Yahudi tahimaemoomu kasuna bhe tubhono agama tibuhino, gahaꞌaitu kangkalaꞌieꞌomu.

Roma 2:27 Referans Kwoze

2 Korintus 3:6

Ingka Anoamo maꞌa kainsami kapooli taembali mie umondofaono Podhandiꞌa Buꞌou. Podhandiꞌa aini miina naengkoha ne tubho tibuhino, tamaka nengkoha ne Rohino Lahataꞌala, kapaꞌamo tubho tibuhino neowa mate, tamaka Rohino Lahataꞌala neowa dadi.

Roma 8:4

Lahataꞌala nohabu peda maitu neanomo sabhaha pahinta nebuhi weo Kitabino Musa kotu-kotuꞌu nasumangka weo dadintoomu. Kapaꞌamo intaodiomu miinamo dadumadi doangkafi kamanusiantoomu, tamaka dodadimo doangkafi kaatono Rohino Lahataꞌala.

Roma 2:29

Tamaka miendo Yahudi sakotuꞌuno, miina natiwoha ne mbadhano, tamaka ne totono lalono. Pedamo dua kasuna sakotuꞌuno, suano kasunano mbadha doangkafi tubho tibuhino, tamaka kasunano totono lalo nehabuno Rohino Lahataꞌala. Mie pedando aitu naetahima kapudhi maiꞌao ne Lahataꞌala, suano maiꞌao ne manusia.

Ibrani 11:3

Hampano kaparasaea dopandeꞌaaneomu putae alamu bhalano ini nofokonandooꞌe bhoasaono Lahataꞌala; dadiꞌanomo newohantoomu aitu nonandoo maiꞌao ne pata tiwohaꞌano.

Galatia 5:14

Kapaꞌamo kosasawiꞌae tubhono agama Yahudi nefoꞌonumo ne pahinta sehondano ini, “Moasiꞌao mie bhaimu peda kaasimu ne wutomu!”

Roma 13:10

Mie moasiꞌaono mie bhaino teteweimo paise nahumabu modai ne mie aitu. Dadiꞌanomo ane doasiꞌao mie bhaindo, ingka nosangkamo dodhalangi sabhaha tubhono agama.

Roma 2:20

Hintimiu mefoinaꞌuomu mie mobhoheno, mefoguhuomu manaꞌino, hampano tubhono agama Yahudi netahimamiu nosangkaꞌaomo sabhaha kapande bhe kabanara.

Tula-tulando rasulu 13:22

Pada nofosabu Saul, Lahataꞌala nofoeheandamo Daud mbali omputo. Lahataꞌala nopulaoꞌao Daud ambano, ‘Apoꞌawaꞌaomo Daud anano Isai, noposahasi bhe laloku. Anoamo ini so dhumalangino kapoindaloku.’

Matius 3:15

Nopugaumo Yesus ambano, “Hunsaꞌanomo aitu, kapaꞌamo nofaraluu peda aini so damangkafiꞌao kosasawiꞌae kapoindalono Lahataꞌala.” Dadiꞌanomo Yohanes noangkafie kamesalono.

Roma 2:15

Ne podiundo notiwohamo putae pahintano tubhono agama Yahudi notibuhimo weo totono lalondo. Totono lalondo kumatanga-tangano nembalimo dua bukutii, sigaꞌa nofoꞌalada, sigaꞌa nofokantibhada fekihindo.

Roma 2:25

Kasuna daanumo nokofahalaa, sumanomo dhalangieꞌomu tubhono agama Yahudi; tamaka ane pae dhumalangieꞌomu miina sepaliꞌa bhe fahalaanoa, tapototomoomu bhe mie pata nesuna.

Roma 2:26

Ane seemie suano Yahudi tapa nesuna nodadi noangkafi pahintano agama Yahudi, ingka Lahataꞌala noabhiemo dua mie nesuna.

Roma 3:30

Lahataꞌala ingka Kaseemie-mieꞌano, dadiꞌanomo Anoamo tumahimano miendo Yahudi peda mie banara hampano kaparasaeando, Anoamo dua tumahimano bansano liwu sigaoꞌano peda mie banara hampano dua kaparasaeando.

1 Korintus 7:19

Kapaꞌamo doangkafi atorano desuna bhe miina daesuna, saneamo pata kofahalaano. Maraluuꞌano doangkafi pahintano Lahataꞌala.

Efesus 2:11

Dadiꞌanomo bhahitieꞌiku, feꞌulaiꞌeomu koeatemiu endefiꞌini. Miendo Yahudi dokona hintimiu suano miendo Yahudi “o mie tapa nesuna”, ⸤ kapaꞌamo miendo Yahudi maitu doabhi wutondo andoamo kaowu umatino Lahataꞌala hampano padamo desuna.⸥ Gahaꞌaitumo kasuna naꞌa ingka dohabue kaowu mie ne mbadhano manusia.

2 Timotius 3:15

Feꞌulaiꞌe dua, notanda kaanaꞌimu pandeꞌaanemo Kitabi. Nomaiꞌaomo ne Kitabi aini naembali damandeꞌao kaangkaꞌano kasalamati, mangkano weo kaparasaea ne Kristus Yesus.