Roma 2:22 - Muna Southern Dialect

²² Hintu fofoguhuno pae damonsulea, noafa wutomu monsuleꞌao? Bansieꞌomu desombai barahala, noafa gahaꞌa merampasiꞌaoꞌomu sabhaha bara weo lambu katisombaiꞌano barahala maitu?

Roma 2:22 Referans Kwoze

Matius 12:39

Yesus tanotobhoosi ambano, “Mie dhamani aini dodai diundo bhe miina daeangka, gahaꞌaitu desalo seꞌise tanda. Tamaka paise damaꞌanda, ampamo kaowu tandano kumadhadhiano ne anabii Yunus.

Yakobus 4:4

Hintimiu mie kumangkalaꞌino podhandimiu bhe Lahataꞌala. Miina mandeꞌaaneomua bhahaa putae ane posabhangkaomu bhe dhunia modai, ingka membalimoomu kaewano Lahataꞌala? Dadiꞌanomo ane dopoindalo doposabhangka bhe dhunia modai, dohabumo wutondo mbali kaewano Lahataꞌala.

Tula-tulando rasulu 19:37

Kapaꞌamo mie neowamiu ne ini, ingka miina dapombuhusi lambuno dewantoomu, pakade miina dua damekandidiki neano.

Markus 11:17

Pada aitu nofoinaꞌudamo ambano, “Notibuhi weo Kitabino anabii, ‘Lambuku dakumonae lambu kasambaheaꞌando sabhaha liwu. Tamaka hintimiu habueꞌomu mbali lia kaꞌonuꞌando mie modai!’ ”

Matius 16:4

Mie dhamani aini nodai diundo bhe miina daeangka, gahaꞌaitu desalo seꞌise tanda. Tamaka paise damaꞌanda, ampamo kaowu tandano anabii Yunus.” Pada nopugau peda anaꞌa, Yesus nohunsadamo.

Roma 12:9

Kamoasiꞌaomiu ne mie bhaimiu tabeano nahelasi. Fekakodoꞌo wutomiu ne modaiꞌano, fintaha ne metaaꞌano.