Roma 2:19 - Muna Southern Dialect

¹⁹ Hintimiu parasaeaꞌomu mpuu membalimoomu mie metondano kabunto, membalimoomu dua kantalea so mie meateno weo kahohondo.

Roma 2:19 Referans Kwoze

1 Korintus 4:10

Insaodi taobhohe hampano Kristus, tamaka ⸤ ambamiu⸥ hintimiu pandeomu weo kaparasaea ne Kristus. Insaodi taonale, tamaka ⸤ ambamiu⸥ hintimiu moꞌosaomu. Insaodi dobihidhingi kainsami, tamaka ⸤ ambamiu⸥ hintimiu dofosibhalakoomu.

Yohanes 9:34

Dotobhoosimo ambado, “Hintu ini lente weo dhosa, maka patudhumu moinaꞌu kainsami gahaꞌa?” Pada aitu dogihasiemo, miinamo naembali namesua weo lambu kasambaheaꞌa.

Matius 15:14

Koemo heruandaomua. Andoa itu kabunto metondano dua kabunto. Ane kabunto netonda kabunto, kohoduando tetewei daondawu weo ola.”

Matius 6:23

Ane nodai matamu, nohohondomo dua mbadhamu. Dadiꞌanomo ane tilanga we lalomu nohohondomo, notolau sepaliꞌa kahohondono!

Matius 5:14

Hintimiu itu kantalea we dhunia. Seꞌonu kota te wawono kabhawo tetewei paise natifebunia.

Filipi 2:15

Ane nada anaꞌa motiwohaemoomu ingka hintimiu anaꞌino Lahataꞌala tapa kodengo-dengono, metaano diu bhe melaano lalo, dumadino ne wunta-wuntando mie dhamani aini, kosikadhi modaino bhe kolilinono totono lalo. Hintimiu membaliomu tapedamo kulipopo te lani kotilangano ne wunta-wuntando andoa maitu,

1 Korintus 3:18

Koise bhe bhohe-bhoheꞌino wutono. Ane ne olotamiu itu bhe kofekihino nopande ne pomatano dhunia, naetaa nasumuli naobhohe so nopandeꞌao sakotuꞌuno.

Tula-tulando rasulu 26:18

so molosaꞌao matando, neanomo dahumunsamo kahohondo maka damesua we mentaleaꞌano, damaiꞌao ne kuasano Kafeompuꞌando seetani dadumoli ne Lahataꞌala. Neanomo dua dhosando natiꞌamponi hampano kaparasaeando ne Idi, pakade daeꞌawa dawua nefotantuno Lahataꞌala so mie mongkilo.’

Lukas 1:79

naꞌumulawi mie dumadino weo kahohondo bhe mewisekino mate. Anoamo so tumonda kaita ne kaangkaꞌa humopeꞌano ne katohopono dadi.”

Markus 10:15

Amohatokoomu, kotu-kotuꞌu ane pae datumahima Lahataꞌala so mahintangino dadindo nameda anaꞌi kahobu, pae naembalia damesua weo Kafopahintaꞌano Lahataꞌala.”

Matius 4:16

Mie dumadino weo kahohondo, dowohamo tilanga bhalano; meateno we liwu mewisekino mate, noumbatidamo tilanga.”

Roma 2:18

Kapoindalono Lahataꞌala pandeꞌaanemoomu, pandeꞌaanemoomu dua poꞌalaꞌaoꞌomu metaaꞌano bhe modaiꞌano, kapaꞌamo dofoinaꞌukoomu maiꞌao ne tubhono agama Yahudi.

Roma 2:20

Hintimiu mefoinaꞌuomu mie mobhoheno, mefoguhuomu manaꞌino, hampano tubhono agama Yahudi netahimamiu nosangkaꞌaomo sabhaha kapande bhe kabanara.