Roma 2:17 - Muna Southern Dialect

¹⁷ Hintimiu mabhino wutomiu miendo Yahudi, ingka pasandeomu ne tubhono agama Yahudi bhe sangke-sangke wutomiu hampano hintimiu umatino Lahataꞌala.

Roma 2:17 Referans Kwoze

Roma 2:23

Hintimiu sangke-sangke wutomiu hampano tahimaeꞌomu tubhono agama Yahudi, noafa gahaꞌa fekandidikiomu Lahataꞌala hampano miina mangkafiomu pahintano itu?

Powoha 2:9

Apandeꞌaane kasabha bhe kakaemiu, tamaka sakotuꞌuno hangkaeaꞌomu. Apandeꞌaane dua kaꞌumbundo mie kumonano wutondo miendo Yahudi, gahaꞌaitumo suano, andoa maitu umatino Kafeompuꞌando seetani.

Roma 9:32

Noafa bhahaa pata katosampeꞌano? Ingka mbaꞌinomo dohabu bhahi-bhahiꞌae maitu miina dasumahunaꞌao kaparasaeando, tamaka dotangkaꞌao kaꞌosando doꞌulei sampe dotilole dotituno ne kontu, ⸤ maꞌanano wutono Kristus⸥ .

Yohanes 5:45

Koise kofekihiomu Idi aobhieangkoomu ne Amaku; so mobhieangkoomu anabii Musa, kapaꞌamo anoamo neposahunaꞌaomiu.

Matius 3:9

Koise nokofekihi we lalomiu, ‘Ingka insaodi ini sampuꞌano Abraham, ⸤ tetewei tasumalamati⸥ ’. Kapaꞌamo Lahataꞌala nokokuasa naefokonandoo sampuꞌano Abraham mahinggamo namaiꞌao ne kontu ini.

Powoha 3:9

Tandaiꞌe! Ne itu nandoo mie kumonano wutondo miendo Yahudi, gahaꞌaitu suano, andoa dokopaha, sakotuꞌuno andoa maitu umatino Kafeompuꞌando seetani. Andoa naꞌa amowada damai se hintimiu, dalumongko te wisemiu maka damandeꞌaane putae hintimiu aoasiangkoomu.

Powoha 3:1

“Buhie dua so malaꞌekatino umati we Sardis: pedamo aini kaowilino kofehebuaꞌaono kofitu bansaꞌae Rohino Lahataꞌala bhe fitu ulu kulipopo. Apandeꞌaane sabhaha kahadhaamiu, ambado hintimiu dadiomu, gahaꞌaitumo momateomu.

Efesus 2:11

Dadiꞌanomo bhahitieꞌiku, feꞌulaiꞌeomu koeatemiu endefiꞌini. Miendo Yahudi dokona hintimiu suano miendo Yahudi “o mie tapa nesuna”, ⸤ kapaꞌamo miendo Yahudi maitu doabhi wutondo andoamo kaowu umatino Lahataꞌala hampano padamo desuna.⸥ Gahaꞌaitumo kasuna naꞌa ingka dohabue kaowu mie ne mbadhano manusia.

Galatia 2:15

Insaodi ini miendo Yahudi, kapaꞌamo talente tamaiꞌao ne miendo Yahudi. Insaodi ini suano mie kodhosa maiꞌaono ne bansano liwu suano Yahudi.

2 Korintus 11:22

Bhahaa andoa maitu miendo Ibrani? Ingka idimo dua. Bhahaa andoa maitu miendo Israel? Ingka idimo dua. Bhahaa andoa maitu sampuꞌano Abraham? Ingka idimo dua.

Yohanes 8:41

Hintimiu habuomu kahadhaano amamiu wutomiu.” Dotobhoosimo ambado, “Insaodi ini suano bulea. Ama mani seemie-mieno, Wutono Lahataꞌala.”

Yohanes 8:33

Ambado, “Insaodi ini ingka sampuꞌano Abraham, pakade miinaꞌo sepaliꞌa taembali bhatuando mie. Noafaꞌao dua pugauꞌao putae insaodi damobebasi kainsami?”

Yohanes 7:19

Ingka anabii Musa nowaꞌangkoomu tubhono agama, tamaka ne olotamiu itu bhe naseemie miina bhe dhumalangie. Noafa bhahaa kopatudhuꞌao mongko kanauꞌomu?”

Lukas 10:28

Ambano Yesus, “Ingka anoamo katobhoosimu itu, angkafimo aitu maka tetewei dumadi.”

Yohanes 5:39

Hintimiu poguhuꞌaoꞌomu Kitabindo anabii, kunaꞌemiu peda aitu so kaeꞌawaꞌamiu dadi suhue dhamani. Gahaꞌaitu Kitabi andoa naꞌa nosakusiiꞌao Idi.

Roma 3:27

Ane peda anaꞌa naembali bhahaa o manusia dasumangke-sangke wutondo ⸤ hampano dosalamati⸥ ? Ingka pae naembalia. Tamaka noafa pata kaembaliꞌano? Mbaꞌinomo habunto bhahaa? Ingka miina. Bhahi-bhahiꞌae nengkoha kaowu ne kaparasaea ⸤ ne Yesus Kristus⸥ .