Roma 16:7 - Muna Southern Dialect

⁷ Salam so Andronikus bhe Yunias, miendo Yahudi medano dua idi. Padamo dua dotitohongku poowa bhe idi. Dotilentu rasuluꞌi tiangkano, dopaꞌindulu doparasaea andoa ne Kristus bhe idi.

Roma 16:7 Referans Kwoze

Roma 16:21

Salam maiꞌao ne Timotius, posabhangkaꞌaku weo kahadhaa, bhe Lukius, Yason bhe Sosipater, sanea saliwuku miendo Yahudi.

Roma 16:11

Salam so Herodion, saliwuku miendo Yahudi. Salam dua so mie marasaeano ne Ompu weo polambuno Narkisus.

Filemon 1:23

Epafras nofosampeangko salam. Anoa ini sabhangkaku weo katohongku ini hampano kaparasaea ne Kristus Yesus.

Kolose 4:10

Aristarkus titohongkuno bhe idi nopakatuangkoomu dua salam. Pedamo dua aitu Markus pisano Barnabas. (Ingka padamo defebhitaiangkoomu, ane nahumato we itu tahima metaaꞌeomu.)

Efesus 2:10

Intaodiomu ini kahabuno Lahataꞌala. Noangka ne Kristus Yesus, Lahataꞌala nofokonandoo kaita so dahumabu metaaꞌao peda nefontaa-ntaano wawo so intaodiomu.

Galatia 1:22

Ampa wakutuu anaꞌa umati marasaeano ne Kristus we kadieno Yudea miinaꞌo bhe mohano ulaku.

2 Korintus 5:17

Sasuka seꞌiseno bhe Kristus ingka nembalimo manusia buꞌou, ngkodauꞌano nolalomo, nohatomo buꞌouꞌano.

Powoha 1:9

Idi, Yohanes o bhahitiemiu; peda hintimiu aenamisi dua kasabha, aeala dua dawu weo Kafopahintaꞌano Lahataꞌala bhe akosabaha dua apotaami aantagi kahatoꞌano Yesus. Idi doꞌoho kanau ne liwutono Patmos, hampano aefolele bhoasaono Lahataꞌala bhe kafohatono Yesus.

1 Yohanes 5:20

Dopandeꞌaanemo dua Anano Lahataꞌala padamo nomai we dhunia ini, nowaꞌa kaitaomu kapooli damandeꞌao Anoa banarano. Intaodiomu dodadi doseꞌise bhe Lahataꞌala, doseꞌise dua bhe Yesus Kristus, Anano. Anoamo itu Lahataꞌala sakotuꞌuno, Anoamo dua meowano dadi suhue dhamani.

1 Yohanes 4:13

Lahataꞌala padamo nowaꞌa kaita Rohino, katipandeꞌaoꞌanomo putae intaodiomu doseꞌise bhe Lahataꞌala bhe Lahataꞌala noseꞌise bhe intaodiomu.

Galatia 6:15

Desuna bhe miina daesuna miina nakomaꞌa-maꞌanaa, ampamo dembali manusia buꞌou komaꞌanaꞌano.

Galatia 5:6

Kapaꞌamo doseꞌisemoomu bhe Kristus Yesus, desuna bhahaꞌi miina daesuna miinamo nakomaꞌanaa. Maraluuꞌano mpahinomo doparasaea ne Kristus bhe dofotiwohae weo kanini kaasinto ne mie bhainto.

Galatia 2:6

Mahingga tanada amaimo, mie nefokamungkula weo umati maitu miina damosuhu kanau aetubhahi atora buꞌou weo kafoinaꞌuku. Andoa naꞌa akonada mie nefokamungkula weo umati, tamaka weo namisiku mie nefokamungkula bhe suano tanopototomo, kapaꞌamo Lahataꞌala miina naepoꞌala-alaꞌao mie.

2 Korintus 11:23

Bhahaa andoa maitu palima-limano Kristus? Aini apugau ngkabheemo, ingka idi ini afoliuda. Idi akahadhaa moꞌosa afoliuda andoa naꞌa, kantuhuno apesua katohongku afoliuda, kantelano dosikisaa kanau afoliuda, bhahamoa nentelamo dua aewiseki mate.

2 Korintus 5:21

Kristus tapa mehabuno dhosa, padamo nofoseꞌisee Lahataꞌala bhe manusia kodhosa, neanomo weo kaseꞌisentoomu bhe Kristus nafotahima Lahataꞌala peda mie banara.

1 Korintus 1:30

Tamaka hampanomo Lahataꞌala, hintimiu seꞌisemoomu bhe Kristus Yesus. Anoa itu kaꞌonuꞌano kapandeno Lahataꞌala so intaodiomu, fopometaaꞌaono bhe Lahataꞌala, fofekangkilono dadi bhe fofobebasino maiꞌao ne dhosa.

Roma 8:1

Dadiꞌanomo ampa aitu mie seꞌiseno bhe Kristus Yesus paemo dahumukumudaa.

Yohanes 15:2

Sasuka haꞌaku tapa kobhakeno nolakoe, tamaka sasuka haꞌaku kobhakeno nofekanggelaꞌie so nodhuluꞌao kabhahino bhakeno.

Yohanes 14:20

Ne oleo anaꞌa mandeꞌaaneomu Idi aseꞌise bhe Amaku, hintimiu seꞌiseomu bhe Idi, Idi aseꞌise bhe hintimiu.

Yohanes 6:56

Sasuka momaano dhagiku bhe mohoꞌuno heaku noseꞌisemo bhe Idi, o Idi aseꞌisemo dua bhe anoa.

Galatia 2:2

Kakalaꞌaku we naꞌa hampano notudu kanau Lahataꞌala weo powoha. We naꞌa dohompumo sanea kaowu neangkando umati maka atalesaanda Bhihita Metaa nefoleleku ne bansano liwu suano Yahudi. Nemosabhaꞌaoku bhahasaa nekahadhaaku endefiꞌini bhe nekahadhaaku ampa aitu nasumia-sia.

Roma 8:11

Ane Rohino Lahataꞌala madano mowanuno Yesus maiꞌao ne mate neate weo totono lalomiu, maka Anoa mowanuno Kristus Yesus maiꞌao ne mate naꞌa, teteweimo dua namodadi mbadha kasaramiu itu, namangka ne Rohino meateno weo totono lalomiu.

Roma 9:3

Ahelasimo nakumangkanai kanau balaano narakaa sampe apogaati bhe Kristus so kaetaaꞌano bhahitieꞌi saliwuku ⸤ miendo Yahudi⸥ sesampuꞌano bhe idi.

Roma 16:3

Fosampe kanauꞌomu salam ne Priskila bhe Akwila, posabhangkaꞌaku weo kahadhaa so Kristus Yesus.

Roma 16:6

Salam dua so Maria, kumahadhaa mobhieno so hintimiu.

Roma 16:8

Salam so Ampliatus, nemoasiꞌaoku weo Ompu.

Roma 16:9

Salam so Urbanus, posabhangkaꞌaku weo kahadhaa so Kristus, bhe dua so Stakis, bhahitie nemoasiaꞌaoku.

Roma 16:10

Salam so Apeles, anoa padamo doꞌudhie maka nokobukutiimo kamatangkano kaparasaeano ne Kristus. Salam dua so mie weo polambuno Aristobulus.

2 Korintus 12:2

Apandeꞌaane seemie sarani, ompulu fato taꞌu kumundoꞌano maitu notisangke te lani katolu sunsuno, ⸤ maꞌanano surugaa⸥ . (Miina amandeꞌaanea bhahaꞌi kotu-kotuꞌu mbadhano tisangkeꞌano bhahaꞌi weo powoha kaowu, ampamo wutono Lahataꞌala mandeꞌaane).