Roma 16:17 - Muna Southern Dialect

¹⁷ Bhahitieꞌiku, aesalo mpuu posiꞌondoomu ne mie meowano powengkeꞌa weo umati bhe kakodhosaꞌando mie marasaeano. Aitu nopoꞌala bhe kafoinaꞌu toka netahimamiu. Dadiꞌanomo gampiandaomu.

Roma 16:17 Referans Kwoze

Yudas 1:19

Andoamo maitu so meowano powengke-wengkeꞌa, dadindo nokuasaiꞌemo kapoindalono mbadha, Rohino Lahataꞌala miina naeate weo totono lalondo.

2 Tesalonika 3:6

Bhahitieꞌi, weo neano Ompu Yesus Kristus taesalo kodoꞌotidaomu kosasawindo bhahitie mantawano bhe pata mangkafino kafoinaꞌu netahimamiu ne insaodi.

2 Timotius 3:5

Wohaꞌano ingka dodhalangie agamando, tamaka sakotuꞌuꞌano miina damarasaea o sambahea maitu nokokuasa. Fekakodoꞌo wutomu ne mie medando naꞌa.

Kolose 2:8

Posiꞌondoomu, koise dofetandoangkoomu fahamuno agama tapa kofahalaa, ingka nefekakolilino kaowu totono lalondo mie. Fahamu medando naꞌa miina namaiꞌao ne Kristus, tamaka nomaiꞌao ne fekihindo manusia nepomantulu-ntuluꞌao bhe nomaiꞌao dua ne rohi kumuasaino dhunia ini.

Titus 3:10

Mie meowano powengke-wengkeꞌa weo umati ⸤ dhohono kafoinaꞌu sumempa⸥ , tangahie sepaku ampa haa paku. Ane pae nametingkeko, koemo moheruanea.

Galatia 2:4

Daanumo nandoo mesalono peda naꞌa, tamaka andoa maitu o mie mekalisuno, dompahabhahi-bhahitie ne intaodiomu. Andoa dopesua miina daediu-diua so damata-mataiꞌao kaowu kabebasintoomu mie marasaeano ne Kristus ⸤ maiꞌao ne pahintano Musa⸥ . Patudhundo dasumuli damobhatua kaita ⸤ ne sabhaha tubhono agama Yahudi⸥ .

1 Timotius 1:3

Gaoku mpuu meate kansuhu we kotano Efesus, pedamo kamesaloku wakutuuno akala we kadieno Makedonia. Kapaꞌamo we Efesus nandoo seemie hodua mefomantaleno kafoinaꞌu tapa kumotuꞌu, dadiꞌanomo hintumo so mofetumpudaa.

Filipi 3:17

Bhahitieꞌiku, mesandahaomu ne idi. Padamo tafotiwohaangkoomu sandaha metaa, dadiꞌanomo fotinda-tindaeꞌomu mie mesandahano ne insaodi ini.

Matius 18:7

Nobalaamo mieno dhunia mehabuno tingkuno dhosa. Daanumo tingkuno dhosa sadhia nonandoo, tamaka nobalaamo mie humabue.

1 Korintus 3:3

kapaꞌamo nandoo nokuasaikoomu kapoindalono dhunia. Ane ne olotamiu nandoo pokondu-konduaꞌao lalo bhe potaga-tagaliꞌa, ingka nokomaꞌana nandoo nokuasaikoomu kapoindalono dhunia, ingka tanopototomo bhe mie bhaimiu ne dhunia ini.

Tula-tulando rasulu 15:24

Tafetingke nandoo seemie hodua maiꞌaono we insaodi ini dofohaliakoomu bhe dofekasabhaangkoomu kafoguhundo, tamaka suano katudu mani.

1 Yohanes 2:19

Andoa mewangino Kristus maitu daanumo domaiꞌao ne olotantoomu, tamaka sakotuꞌuꞌano suano mientoomu. Kapaꞌamo ane kotu-kotuꞌu mientoomu, teteweimo sadaa-daa dapobhai bhe intaodiomu. Tamaka limbando maitu somo notiwohaꞌao putae kosasawindo maitu suano sabhangkantoomua.

Matius 18:17

Ane nandoo dua nokiido natumahimae, fohatoandae umati. Ane umati pae dua nametingkeda, abhieꞌomu mie aitu mie tapa mandeꞌaono Lahataꞌala tawa mie kodhosano peda mesalo-salono sewa.

1 Korintus 11:18

Kabhao-bhaono, ingka afetingke ane poꞌawa-awaomu weo hompuꞌando umati nandoo bhe powengke-wengkeꞌa ne olotamiu, maka fenaiku bhihita aini nandoo kumotuꞌuꞌano.

Lukas 17:1

Nopugaumo Yesus ne anaguhuꞌino ambano, “Tingkuno dhosa tetewei nandumandoo, tamaka nobalaamo mie mehabuno tingkuno dhosa naꞌa.

Matius 7:15

“Posiꞌondoomu ne mie mpahaana-anabiino. Andoa damai daesahangka ne dhumba momaluno lalo, gahaꞌaitu andoa itu daꞌu ngkahoku fohumaano.